நினைவுத்திறனை அதிகரிக்க...

தேர்வை சிறப்பாக எழுத, நினைவுத்திறன் என்பது மிக மிக அவசியமானது. மனப்பாடம் செய்து எழுதும் அம்சமாக நமது தேர்வுகள் இருப்பதால், படித்தவை அனைத்தும் நினைவில் இருந்தால் மட்டுமே, நாம் முதல் மதிப்பெண்களைப் பெற முடியும்.

நினைவுத்திறன், சிலருக்கு, இயல்பாகவே அதிகம் இருக்கும். எனவே, அவர்களுக்கு எந்தப் பிரச்சினையுமில்லை. நினைவுத்திறனை அதிகரிக்க, தியானம் மற்றும் யோகா போன்றவை, பரவலாக பரிந்துரை செய்யப்படுகின்றன. மேலும், சிலவகை குறிப்பிட்ட காய்கறிகள் மற்றும் பழங்கள் போன்றவற்றை அதிகமாக உண்ணுமாறு மாணவர்கள் அறிவுறுத்தப்படுகிறார்கள்.

இவைதவிர, மூலிகை மருந்துகள் உள்ளிட்ட சிலவகை மருந்துகளும் பரிந்துரை செய்யப்படுகின்றன. (நினைவுதிறன் அதிகரிக்க வேண்டுமென்பதற்காக, ஆர்வம் மிகுதியால், யாரோ சொல்கிறார்கள் என்று, எந்த மருந்தையாவது வாங்கி பயன்படுத்திவிட வேண்டாம். அப்படி நீங்கள் எதையாவது செய்துவிட்டால், தேர்வு சமயத்தில் மோசமான பின்விளைவுகளை சந்திக்க வேண்டியிருக்கலாம். எனவே, ஜாக்கிரதை!)

படித்ததை, திரும்ப திரும்ப படித்தாலே, அது மறக்காது நினைவில் நிற்கும் என்றும் சில ஆலோசகர்கள் வலியுறுத்துகிறார்கள். மேலும், படித்ததை எழுதிப் பாருங்கள் என்ற ஆலோசனையும் முக்கியமானது. அதேசமயம், அனைத்தையுமே எழுதிப் பார்த்துக்கொண்டிருக்கவும் முடியாது.

ஒரு பாடத்தை, வெறுமனே மொட்டையாக மனப்பாடம் செய்யாமல், அதை முடிந்தளவிற்கு புரிந்து, வேறு அம்சங்களோடு சம்பந்தப்படுத்தி மனப்பாடம் செய்தால், அது எளிதில் மறக்காது.

அமெரிக்கவில் வேலை: எச்-1பி விசா வைத்துள்ளவர்கள் விண்ணப்பிக்கலாம்.

எச்-1பி விசா வைத்துள்ள வெளி நாட்டு ஊழியர்களின் தகுதியுள்ள துணைவருக்கு  (கணவன் அல்லது மனைவி) வேலை செய்ய அனுமதி
வழங்க அமெரிக்கா முடிவு செய்துள்ளது.

அமெரிக்காவின் இந்த முடிவை இந்திய-அமெரிக்கர்கள் வரவேற்றுள்ளனர். ஏனெனில் எச்-1பி விசா வைத்திருப்பவர்களில் பெரும்பாலானவர்கள் இந்தி யர்கள் ஆவர்.

இப்போது உள்ள சட்டத்தின்படி எச்-1பி விசா வைத் திருப்பவர்களின் துணைவர் வேலை செய்வதற்கு அனுமதி கிடையாது என்பது குறிப்பிடத் தக்கது.

அமெரிக்க குடியுரிமை மற்றும் குடியேற்ற சேவை (யுஎஸ்சிஐஎஸ்) துறை வெளியிட்டுள்ள அறிக் கையில், “எச்-1பி விசா வைத் துள்ள வெளிநாட்டு ஊழியர்களின் துணைவர்கள் (கணவன் அல்லது மனைவி) வேலை அடிப்படையில் நிரந்தரமாக தங்க அனுமதிக்க வேண்டும் என்று கோரி வருகின்றனர். இவர்களின் கோரிக்கையை ஏற்று வேலை விசா வழங்கப்படும்.

வரும் மே 26-ம் தேதி முதல் இதற்கான விண்ணப்பங்கள் பெற்றுக்கொள்ளப்படும். இந்த ‘ஐ-765 விண்ணப்பம்’ யுஎஸ்சிஐஎஸ் துறையால் ஏற்றுக்கொள்ளப்பட்டால், எச்-1பி விசா வைத்திருப்பவர்களின் துணைவருக்கு வேலை அனுமதி அட்டை (எச்-4) வழங்கப்படும். அதன்பிறகு அவர்கள் அமெரிக்காவில் பணிபுரியலாம்” என்று அந்த அறிக்கையில் கூறப்பட்டுள்ளது.

இந்த புதிய விதிமுறைப்படி முதல் ஆண்டில் வேலை செய்ய அனுமதி கேட்டு 1,79,600 பேர் விண்ணப்பம் செய்ய தகுதி பெற்றுள்ளதாக மதிப்பிடப்பட்டுள்ளது. அதன் பிறகு ஒவ்வொரு ஆண்டும் 55 ஆயிரம் பேர் விண்ணப்பிக்க முடியும்.

மார்ச் 1ம் தேதி மருத்துவ மேற்படிப்புகளுக்கான நுழைவுத்தேர்வு

சென்னை: மருத்துவ மேற்படிப்புகளுக்கான நுழைவுத்தேர்வு, மார்ச் 1ம் தேதி நடக்கிறது. 595 இடங்களுக்கு 9,700 பேர் போட்டியிடுகின்றனர்.

தமிழகத்தில், 12 அரசு மருத்துவக் கல்லூரிகளில், எம்.டி., - எம்.எஸ்., மற்றும் டிப்ளமோ படிப்புகள் என, பல மருத்துவ மேற்படிப்பு கள் உள்ளன. இதில் 1,100 இடங்களும், எம்.டி.எஸ்., படிப்புக்கு 40 இடங்களும் உள்ளன. அகில இந்திய ஒதுக்கீட்டுக்கு 50 சதவீதம் போக, மீதமுள்ள 595 இடங்களுக்கு நுழைவுத்தேர்வு நடத்தி மாணவர்கள் சேர்க்கப்பட உள்ளனர்.

எம்.டி., - எம்.எஸ்., படிப்புகளுக்கு 8,600 பேர்; எம்.டி.எஸ்., படிப்புக்கு 1,157 பேர் விண்ணப்பித்து உள்ளனர். மாணவர் சேர்க்கை செயலர் சுகுமார் கூறுகையில், "மருத்துவ மேற்படிப்புக்கான நுழைவுத்தேர்வு, மார்ச் 1ம் தேதி, சென்னையில் ஐந்து மையங்களில் நடக்கிறது.

மாணவர்களுக்கு ஹால் டிக்கெட் அனுப்பி வைக்கப்பட்டுள்ளது. மேலும் விவரங்களை www.tnhealth.org என்ற இணையதளத்தில் தெரிந்து கொள்ளலாம்" என்றார்.

முன்னேற்பாடுகள் ... முக்கியமானவை..

பிளஸ் 2 மற்றும் பத்தாம் வகுப்பு மாணவர்களுக்கு, அரசு பொதுத்தேர்வுகள்
தொடங்கவுள்ளன. அதை முன்னிட்டு, மாணவர்கள் விழுந்து விழுந்து படித்துக் கொண்டிருப்பார்கள். ஆனால், என்னதான் முயற்சி செய்து, கடினமாக படித்தாலும், தேர்வு நாளன்று ஏற்படும் சில குளறுபடிகள், தேர்வை சரியாக எழுத முடியாமல் செய்துவிடுவதோடு, உங்களின் முயற்சிகள் அனைத்தும் வீணாகிவிடுகின்றன.

எனவே, ஒவ்வொரு தேர்வுக்கு முன்பாகவும், என்னென்ன முன்னேற்பாடுகளை செய்துகொள்ள வேண்டும் மற்றும் என்ன மாற்று ஏற்பாடுகளை செய்து கொள்ளலாம் என்பதைப் பற்றி சற்று அலசலாம்.

ஸ்டேசனரி பொருட்கள்

இதில், தேர்வெழுதக்கூடிய பேனாவுக்கு முதல் முக்கியத்துவம் கொடுக்க வேண்டும். கறுப்பு இங்க் அல்லது நீல இங்க் மட்டுமே பயன்படுத்த வேண்டுமென்று தேர்வுத்துறை அறிவித்துள்ளது. எனவே, அந்த இரண்டில் எந்த இங்க், உங்களின் எழுத்தை அழகாக காட்டுமோ, அதையே உபயோகிக்கவும். மேலும், தேர்வுக்காக புதிய பேனாவை வாங்காமல், ஏற்கனவே ஓரளவுப் பழகிய பேனாவை, அதேசமயம், தொந்தரவு எதுவும் தராமல், நல்ல நிலையில் இருக்கும் பேனாவையே பயன்படுத்துதல் நலம். ஒவ்வொரு தேர்வுக்கு முன்பாகவும், பேனாவுக்கான இங்க்-ஐ முழுவதுமாக நிரப்பிக் கொள்ள மறக்க வேண்டாம்.

பேனா தவிர, பென்சில், ஸ்கேல் மற்றும் ரப்பர் மற்றும் பென்சில் சீவும் ஷார்ப்னர் போன்ற முக்கிய உபகரணங்களை தயார் நிலையில் வைத்துக்கொள்ள வேண்டும். நீங்கள் பயன்படுத்தக்கூடிய பென்சில், மிகவும் சிறியதாக இருந்தால், தேவையற்ற அசவுகரியங்கள் நேரும். எனவே, பயன்படுத்துவதற்கு எளிதான வகையிலான அளவில் அதை வைத்துக்கொள்ளவும்.

நீங்கள் பயன்படுத்தக்கூடிய ஸ்கேல், மர ஸ்கேலாகவோ அல்லது ஸ்டீல் ஸ்கேலாகவோ இல்லாமல், கண்ணாடி ஸ்கேலாக இருப்பதே சிறப்பு. ஏனெனில், கண்ணாடி ஸ்கேல் மூலம்தான் ஊடுருவி பார்க்க முடியும் என்பதால், நீங்கள் கோடு போடும்போது, தேவையான மற்றும் பொருத்தமான அளவில் இடம் விடுகிறீர்களா? என்பதை சரியாக பார்த்து செய்ய முடியும்.

ஷார்ப்னரை பொறுத்தமட்டில், அது ஓரளவேனும் நல்ல நிலையிலுள்ள ஷார்ப்னராக இருக்கட்டும். ஏனெனில், பென்சிலின் நுனி உடையும் பட்சத்திலோ அல்லது தேயும் நிலையிலோ, மிகப்பழைய ஷார்ப்னர்களை வைத்துக்கொண்டு, நம்மால் விரைவாக சீவ முடியாது மற்றும் தேவையற்ற டென்சனும் உண்டாகும்.

நீங்கள் பயன்படுத்தக்கூடிய ரப்பரும், புதிய அல்லது ஓரளவு நல்ல நிலையிலுள்ள ரப்பராகவே இருந்தால் நல்லது. ஏனெனில், சில பழைய ரப்பர்கள், அழுக்குப் படிந்தவையாக இருக்கும். அதை நாம் பயன்படுத்தும்போது, அழிப்பதற்கு சிரமப்படுவதோடு, பேப்பரிலும் அழுக்கு ஏற்படும்.

மேற்கண்ட ஸ்டேசனரி பொருட்களை தேர்வு அறைக்கு கொண்டுசெல்ல, ஒரு பொருத்தமான பையை பயன்படுத்தவும். சிலர், போனா, பென்சில், ஷார்ப்னர், ரப்பர் ஆகியவைகளை சட்டைப் பையில் போட்டுக் கொண்டு, ஸ்கேலை மட்டும் கையில் பிடித்துக் கொள்கின்றனர்.

சில நேரங்களில், தேர்வு மையத்திற்காக, அதிகதூரம் பயணம் செய்ய நேர்கையில், கையில் வைத்திருக்கும் ஸ்கேலை தவறவிடுவதற்கான வாய்ப்புகள் உள்ளன. மேலும், பையில் இருக்கும் பொருட்களிலும், ஏதாவதொன்று கீழே விழுந்து தொலைந்து விடுவதற்கான சாத்தியங்களும் உண்டு. எனவேதான், எதுவுமே நழுவிடாத வகையில், ஒரு பொருத்தமான பையைப் பயன்படுத்த வேண்டும். அது, உங்களின் school bag -ஆக கூட இருக்கலாம்.

ஹால் டிக்கெட்

நீங்கள் பலவிதமான உபகரணங்களை தயாராக வைத்து, அனைத்தையும் மறக்காமல் எடுத்துச் சென்றாலும், ஹால் டிக்கெட்டை மறந்து வைத்துவிட்டு சென்றுவிட்டால், என்ன நடக்கும்? அனைத்தும் பனால் ஆகிவிடும்.

எனவே, அதை எப்போதும் மறக்காத வகையில், உங்களது வீட்டிலேயே, "ஹால் டிக்கெட் முக்கியம்" என்று, அனைவரின் பார்வையிலும் எளிதாக படும்படி எழுதி வைத்துவிடவும். அதன்மூலம், நீங்கள் மறந்தாலும், குடும்ப உறுப்பினர்கள் அதைப் பார்த்து, உங்களுக்கு நினைவூட்டிக் கொண்டே இருப்பார்கள்.

பயண ஏற்பாடுகள்

பள்ளி மாணவர்களைப் பொறுத்தவரை, அதிகம் பேர், சைக்கிளில் செல்வோராக உள்ளனர். எனவே, தேர்வுக்கு முந்தைய நாள், உங்களின் சைக்கிளுடைய நிலையை நன்றாக பரிசோதித்துக் கொள்ளவும். தேர்வுக்கு புறப்பட்டு, போய் சேரும் வரை, எந்த தொந்தரவும் தராத வகையில், சைக்கிளை தயாராக வைத்துக்கொள்ள வேண்டும்.

அதேசமயம், சிலருக்கு, குறிப்பாக மாணவிகளுக்கு, தேர்வின்போது சைக்கிள் ஓட்டிச் செல்வதில் ஏதேனும் பிரச்சினை இருந்தால், வீட்டில் யாரையேனும் கொண்டு விட்டுவிட்டு வருமாறு கூறலாம்.

தேர்வுக்கு பைக்கில் செல்வோராக இருக்கும்பட்சத்தில், பெட்ரோல் மற்றும் இதர அம்சங்களை, முந்தைய நாளே சரிசெய்து வைத்துக்கொள்ள வேண்டும். பெட்ரோலை நாளைக்கு, போகும் வழியில் போட்டுக் கொள்ளலாம் என்று இருக்க வேண்டாம். ஏனெனில், ஒருவேளை, அந்தநேரம் பார்த்து, பங்கில் கூட்டம் இருக்கலாம் மற்றும் வேறு ஏதேனும் எதிர்பாராத அசவுகரியம் நேரலாம். எனவே, கடைசிநேர ஆயத்தம் என்ற வார்த்தையையே மறந்துவிடுதல் நல்லது.

உடை

உங்களின் துவைத்த உடையை, முதல்நாளே அயர்ன் செய்து வைத்துக்கொள்ள வேண்டும். காலையில், விரைவாக எழுந்து அயர்ன் செய்து கொள்ளலாம் என்ற நினைப்பெல்லாம் வேண்டாம். அப்படி செய்யும்போது, அவசரத்தில், உங்களின் கையில்கூட சூடு வைத்துக்கொள்ள நேரிடலாம் மற்றும் தேவையற்ற பதற்றமும் வரலாம்.

பரங்கிப்பேட்டையில் மீன் உணவுப் பொருள்கள் தயாரித்தல் பயிற்சி

பரங்கிப்பேட்டை கிராம வள மையத்தில் மீனவர்களுக்கான மதிப்புக்கூட்டிய மீன் உணவுப் பொருள்கள் தயாரித்தல், டீசல் என்ஜின் இயக்குதல் மற்றும் ஜிபிஎஸ் ஆகியவை குறித்த பயிற்சி அண்மையில் தொடங்கியது.

 எம்.எஸ்.சுவாமிநாதன் ஆராய்ச்சி நிறுவனம் மற்றும் தேசிய மீன் வளர்ச்சி வாரியம் சார்பில் 5 நாள்கள் நடைபெறும் இப்பயிற்சியை அண்ணாமலைப் பல்கலைக்கழக கடல்வாழ் உயிரின உயராய்வு மைய இயக்குநர் கே.கதிரேசன் தொடங்கி வைத்துப் பேசினார். அப்போது அவர் கூறியது: பெண்கள் சுயதொழில் செய்வதனால், அவர்களின் வாழ்க்கைத் தரம் உயரும்.

 மேலும், குழந்தைகள் வளர்ச்சிக்கும் பெரிதும் உதவிகரமாக இருக்கும். கடல் உணவு உடல் நலத்துக்கு ஏற்ற உணவாகும். அதில் புரதச் சத்துகள் நிறைந்துள்ளன.

 கடல்வாழ் உயிரின உயராய்வு மையம் சார்பில் பெண்கள் முன்னேற்றத்துக்காக காளான் வளர்ப்பு, கடல்பாசி வளர்ப்பு போன்ற பயிற்சிகள் அளிக்கப்படுகிறது. இதனை கடலோர கிராம மக்கள் பயன்படுத்திக் கொள்ள வேண்டும் எனக் கேட்டுக் கொண்டார்.

 நிகழ்ச்சியில் தமிழ்நாடு மீன்வளத் துறை ஆய்வாளர் எஸ்.அஞ்ஞனாதேவி பேசுகையில், மீன்களில் சுண்ணாப்புச் சத்து, மாங்கனிசு, பாஸ்பரஸ், கந்தகம் மற்றும் இரும்புச் சத்துகள் நிறைந்து காணப்படுகின்றன. கடல் உணவு பொருள்களை மதிப்புக்கூட்டி விற்பனை செய்ய வாய்ப்புகள் அதிகம் உள்ளது. பயிற்சி பெறும் பெண்கள் தங்கள் பகுதிகளில் சுயமாக தொழில் தொடங்க வேண்டும் என்றார்.

 எம்.எஸ்.சுவாமிநாதன் ஆராய்ச்சி நிறுவன திட்ட அலுவலர் ஆர்.இளங்கோவன் பயிற்சிகள் மற்றும் திட்டங்கள் குறித்து விளக்கவுரையாற்றினார்.

 பயிற்சியில் புதுக்குப்பம், சி.புதுப்பேட்டை, சின்னூர் வடக்கு, சின்னூர் தெற்கு, கிள்ளை, பரங்கிப்பேட்டை, எம்ஜிஆர் திட்டு, அய்யம்பேட்டை ஆகிய மீனவ கிராமங்களைச் சேர்ந்தவர்கள் பங்கேற்றனர்.

 பயிற்சிக்கான ஏற்பாடுகளை ஆராய்ச்சி நிறுவன பணியாளர்கள் பி.அருள்தேவன், எம்.ஸ்ரீகாந்த் ஆகியோர் செய்திருந்தனர்.

பிளஸ்2, எஸ்எஸ்எல்சி பொதுத்தேர்வில் ஒழுங்கீன செயல்களில் ஈடுபட்டால் மாணவர்கள் மீது கடும் நடவடிக்கை

 பிளஸ்2, எஸ்எஸ்எல்சி பொதுத்தேர்வில் தேர்வர்கள் ஒழுங்கீன செயல்களில் ஈடுபட்டால் தேர்வர்கள் மீது கடும் நடவடிக்கை எடுக்கப்படும் என தேர்வுத்துறை எச்சரித்துள்ளது.இதுகுறித்து
 கல்வி அதிகாரி ஒருவர் கூறியதாவது: பிளஸ்2, எஸ்எஸ்எல்சி தேர்வு நடக்கும் மையங்களில் ஒழுங்கீன செயல்களில் ஈடுபடும் தேர்வர்கள் கண்டறியப்பட்டால், அவர்களது வினாத்தாள், விடைத்தாள் மற்றும் கைப்பற்றப்பட்ட இதர ஆவணங்களை முதன்மை கண்காணிப்பாளர் மற்றும் துறை அலுவலர்களிடம் ஒப்படைத்து, உரிய நடவடிக்கைகள் மேற்கொள்ள தேர்வுத்துறை அறிவுறு த்தியுள்ளது.
ஒழங்கீனச் செயலில் ஈடுபட்ட தேர்வர்கள் அன்றைய நாள் நடக்கும் தேர்வினை தொடர்ந்து எழுத முடியாது. அடுத்தடுத்து வரும் தேர்வுகள் எழுதலாம். ஒழுங்கீன செயலில் ஈடுபட்ட தேர்வரின் முகப்புச் சீட்டில்   விணீறீ    என உள்ள கட்டத்தில் சிவப்பு மையினால் டிக் செய்யப்படும்.

பின்னர் தேர்வரிடம் இருந்து கைப்பற்ற ஆவணங்கள், விடைத்தாள், வினாத்தாள் பறிமுதல், செய்த தவறினை குறிக்கும் வகையில் தேர்வரின் வாக்குமூலம், தவறு செய்தவரை கண்டு பிடித்தவரின் வாக்குமூலம், அறை கண்காணிப்பாளரின் வாக்குமூலம், தேர்வரின் இருக்கை அறை மாதிரி வரைபடம் ஆகியவை சேகரித்து முதன்மை கண்காணிப்பாளர் மற்றும் துறை அலுவலருக்கு பரிந்துரைக்கப்படுகிறது. பின்னர் சம்மந்தப்பட்ட தேர்வர் மீது கடும் நடவடிக்கை எடுக்கப்படுகிறது. இவ்வாறு அவர் கூறினார்

வானொலியில் அறிவிப்பாளர் பணி: தகுதியுள்ளவர்கள் விண்ணப்பிக்கலாம்

திருச்சி வானொலி நிலையத்தின் முதல் அலைவரிசை மற்றும் வானவில் பண்பலையில் நிகழ்ச்சிகளைத் தொகுத்து வழங்க பகுதி நேர அறிவிப்பாளர் பணிக்கு விண்ணப்பிக்கலாம்.

பகுதி நேர அறிவிப்பாளர் தேர்வு விரைவில் நடைபெற உள்ளது. விண்ணப்பிக்க விரும்புவோர் பட்டம் பெற்றவராக இருக்க வேண்டும்.  பண்பலை ஒலிபரப்புக்கு 25 வயதிலிருந்து 35 வயதுக்குள்பட்டராகவும், முதல் அலைவரிசைக்கு 25 வயதிலிருந்து 50 வயதுக்குள்பட்டரவாகவும் இருக்க வேண்டும்.

இலக்கியம், உலக நடப்பில்  நாட்டம் உள்ளராகவும், வானொலிக்கு ஏற்ற குரல் வளமும், உச்சரிப்பும் உடையவராக இருக்க வேண்டும். முறையான விண்ணப்பம் படிவம் பெற விரும்புவோர் தங்களைப் பற்றிய விவரத்தை எழுதி அனுப்பவேண்டும்.

குரல் தேர்வுக்கும், தேர்வில் வென்றால் வாணி  சான்றிதழுக்கான பயிற்சிக் கட்டணத்தை செலுத்த வேண்டும். குரல் தேர்வுக்கான விண்ணப்பப் படிவம் பெறுவதற்கான தன் விவரக் கடிதம் திருச்சி வானொலி நிலையத்துக்கு இம்மாதம் 28-ம் தேதிக்குள் வந்து சேர வேண்டும் எனத் தெரிவிக்கப்பட்டுள்ளது

சணல் கைவினைப் பொருட்கள் தயாரிக்க இலவச பயிற்சி: திருப்பூரில் 45 நாட்கள் நடக்கிறது.

சணல் கைவினைப் பொருட்கள் தயாரித்தல் குறித்த இலவச தொழில்முனைவோர் பயிற்சி வகுப்பு திருப்பூர் நிஃப்ட்டீ கல்லூரியில் 45 நாட்களுக்கு நடத்தப்பட உள்ளது. இதுகுறித்து, திருப்பூர் நிஃப்ட்டீ கல்லூரி தலைவர் சி.எம்.என்.முருகானந்தன் வெளியிட்ட செய்திக்குறிப்பு:

சமீபகாலமாக புதிய வகையில் கைவினைப் பொருட்கள், ஆடை ரகங்களை உருவாக்கி மறுசுழற்சிக்கு உட்படுத்தக்கூடிய மலிவான விலையில் பொருட்கள் தயாரிப்பது பிரபலமாகி வருகிறது. சணல் போன்று உறுதியான, மலிவான இழைகளைக் கொண்டு புதிய வகையில் கைவினைப் பொருட்கள் தயாரித்து சந்தைப்படுத்தி லாபம் ஈட்டுவதும் பெருகி வருகிறது.

பருத்தி இழைகளுக்கு அடுத்ததாக சணல் இழை மட்டுமே அதிகளவில் இயற்கையாகக் கிடைக்கக்கூடியதாகும். தாவர வகை இழைகளில் மிகவும் மலிவானதாகவும் இந்த சணல் இழைகள் விளங்குகின்றன. நூறு சதம் சுற்றுச்சூழலுக்கு உகந்த வகையிலும், காண்பவரை கவரும் வகையில் கைவினைப் பொருட்களை உருவாக்கும் தன்மை கொண்டதாகவும் உள்ளது. மேலும், சணல் சார்ந்த பசுமைப் பொருட்களை தயாரித்து உள்நாடு மற்றும் வெளிநாடுகளில் சந்தைப்படுத்துவதற்கு சிறு மற்றும் குறு நிறுவனங்களுக்கு தேசிய சணல் வாரியம் உறுதுணையாகவும் இருந்து வருகிறது.

இந்த முயற்சியை மேம்படுத்தும் வகையில் தமிழ்நாடு மாநில ஊரக வாழ்வாதார இயக்கம், திருப்பூர் நிஃப்ட்டீ கல்லூரியுடன் இணைந்து சணல் கைவினைப் பொருட்கள் தயாரிக்கும் இலவச பயிற்சியை வியாழக்கிழமை (பிப்.26) முதல் 45 நாட்களுக்கு நடத்த உள்ளது. இந்தப் பயிற்சியின்போது எம்ப்ராய்டரி, சணல் தோரணம், செல்போன் கவர், ஹேர் கிளிப்பிங், பென்சில் ஹோல்டர், போட்டோ பிரேம் உள்பட பலவித பொருட்கள் தயாரிப்பது குறித்து கற்றுத் தரப்பட உள்ளது.

இப்பயிற்சியில் திருப்பூர் மாவட்டத்திலுள்ள சுயஉதவிக் குழுக்களைச் சேர்ந்த 18 வயது முதல் 35 வயது வரையுள்ள 10-ம் வகுப்பு படித்த பெண்கள் பங்கேற்கலாம். மேலும் விவரங்களுக்கு 80563 23111, 97917 69111 ஆகிய அலைபேசி எண்களில் தொடர்புகொள்ளலாம்.

இயலாதவரின் இழி பழக்கங்கள்!

நம்மை வாழ்வில் ஏற்றுவதும் இறக்குவதும் நமது பழக்கங்களே. வாழ்க்கை ஏணியில் முன்னேற நாம் பிடித்துக்கொள்ளும் பலமான கயிறுதான் நம்பழக்கங்கள்.

வெற்றி பெறுவதற்கான பழக்கங்களை முன்பு கண்டோம்... இழிபழக்கங்கள் பற்றியும் நாம் தெரிந்துகொள்ள வேண்டாமா?

இயலாதவர் இறுக்கிப்பிடித்துக் கொண்டிருக்கும் இழி பழக்கங்கள் ஏழு:

1. எதிர்மறை எண்ணங்கள்: நினைப்பது, பேசுவது செய்வது எல்லாமே நெகடிவ் ஆக இருக்கும். ஒவ்வொரு வாய்ப்பிலும் அவர்கள் கண்ணில்படுவது பிரச்சனை மட்டுமே. வெயில், மழை, காற்று எல்லாமே கூட அவர்களுக்கு எதிர் என்று எளிதில் சொல்லிவிடுவார்கள். சிறுசிறு சிக்கல்களைகூட பெரிதாக பார்த்து ஆபத்தில் தம்மை கொண்டுபோய்விட்டுக்கொள்வார்கள்.

தோல்விகள் தன்னை வீழ்த்தவந்த எமன் என்று நினைப்பதால் தவறுகளிலிருந்து கற்றுக்கொள்ள ஏதும் இல்லை என்று நினைப்பார்கள். தோல்விகளில் துவண்டுபோய் முன்னேறாமல் தமது வசதி வட்டத்தில் ஆசனம் போட்டு அமர்ந்துகொள்வார்கள்.

2. குறைந்த தன்னம்பிக்கை: செய்த பிறகே யோசிப்பார்கள். ஒருகணநேர உந்துதலில் காரியத்தில் இறங்கிவிட்டு பிறகுதான் அதைவிட சிறந்த வேறு சாய்ஸ் அல்லது வழிமுறை இருப்பதை கண்டு அறிவார்கள். மேலும் தம்மையே நொந்து கொள்வார்கள்.

வருங்காலம் பற்றி சிந்திக்காமல் நடந்ததையே நினைத்து நேரத்தை வீணடிப்பார்கள். தற்சமயம் நடப்பதை மறந்து எதுவுமே தற்செயலாக நடக்கும் என்று நினைப்பார்கள். தன்செயல் தான் வெற்றிபெற்றுத்தரும் என்பதையும் நடந்த ஒன்றை நினைத்து நின்றால் ஏற்படும் இழப்புகளையும் உணரமறுக்கிறார்கள்.

3. அர்த்தமற்ற பேச்சு: கேட்பதுகுறைவு; பேசுவதுஅதிகம். தானே பேசவேண்டும். பிறர் அதைகேட்கவேண்டும் என்பதில் தொடங்கி பொய்யைக்கூட உண்மைபோல பேச விரும்புகிறார்கள். தாம்பேசுவது அபத்தம் என்று சற்றும் நினைக்காமல் தமது சுயபிரதாபங்களை எடுத்துவைத்து பெயர் வாங்கும் இடைவெளியில் பிறர் சொல்லும் நல்ல யோசனைகளை கோட்டை விடுவார்கள்.

காதுகளை மூடிக்கொண்டு வாயை மட்டும் திறந்துவைத்தால் வாய்ப்புகள் வருமே தவிர வெற்றி வராது. பிறர் சொன்னதைக்கேட்டல் தமக்கு தரக்குறைவு என்று நினைக்கும் எண்ணம் இருப்பதுவும் காரணம்.

4. முயலாமை: சுலபமாக முடியாது என்று ஒப்புக்கொள்வார்கள். வெற்றியாளர்கள் தோல்வியில் இருந்து பாடங்கள் கற்பர். தோல்வியாளர்கள் தோல்வி வந்ததுமே துவண்டுபோய் தன்னால் இயலாது என்ற முடிவுக்கு வருவார்கள்.

தவறு நிகழும்போது மேலும் செய்ய விருப்பம் இல்லாது போய்பாதியில் விட்டு விட்டு அடுத்த விஷயத்தை பாதியில் எடுத்துவிட்டு அரைகுறை நிபுணர்களாக வலம் வருவார்கள். ஆனால் கதை என்னவோ அதேதான் இருக்கும். எடுத்தேன் கவிழ்த்தேன் என்று. எடுத்தேன் முடித்தேன் என்று அல்ல. கனவுகளை நனவாக்கும் பழக்கம் இவர்களிடம் சிறிதும் இருக்காது.

5. பொறாமை: அடுத்தவரையும் தமது நிலைக்கு சுலபமாக கொண்டுவரும் சாமர்த்தியம் நிறைய உண்டு. வெற்றியாளர்களைக் கண்டு பொறாமை கொள்வாரே தவிர அவர்களிடமிருந்து என்ன கற்கலாம் என்று ஒருபோதும் நினைக்க மாட்டார்கள். வெற்றிபெறுபவர் பற்றி புரளி கிளப்பிவிடுவது, அவதூறு பேசுவது, வதந்திபரப்புவது, அவர்களை எப்படியாவது கீழே இறக்குவது என்பதில் தீர்மானமாக இருப்பது இவர்கள் பழக்கம். வெற்றியின் ரகசியம் கற்றுக்கொள்ள நேரம் இல்லை என்று விட்டு பிறரை கவிழ்க்க அதிகம் மெனக்கெடுவார்கள். எதிலும் தம்மால் ஜெயிக்கமுடியும் என்று சற்றும் நம்பாதவர்கள்.

6. சோம்பேறித்தனம்: நேரத்தை வீணடிப்பவர்கள். அடுத்தது என்ன செய்யவேண்டும் என்று கொஞ்சமும் தெரியாதவர்கள். உண்பது, உறங்குவது, உழைக்கும் நேரத்தை களிப்பில் இழப்பது, வெற்றுச்சுவரை உற்றுப்பார்ப்பது, கற்றுக்கொள்ள மறுப்பது, வேலை மற்றும் இன்பம் இரண்டையும் பாகுபாடின்றி நேரம் வகுத்து பொழுதைக் கழிப்பவர்கள் இவர்கள். எதற்கும் நேரம் இல்லை என்னும் இவர்களுக்கு நேரம் சரியில்லை என்று பிறகுதான் புரியும்.

7. குறைகூறுதல்: குறுக்குவழிதான் எனதுவழி என்பார்கள். அதிகம் வருவாய், அங்கீகாரம் இல்லாத ஒரு பாதையினை தேர்வு செய்துவிட்டு வெற்றிபெற்றவர்களை ஏளனம் செய்வார்கள். கஷ்டம், வலி, தியாகம் இல்லாது சிறந்தவை மட்டும் வேண்டும் என்றால் எப்படிக் கிடைக்கும் என்று நினைத்துப்பார்க்காத வேடிக்கை மனிதர்கள் இவர்கள். போட்டதுதானே முளைக்கும், செய்ததுதானே கிடைக்கும் என்று இவர்கள் புரிந்துகொள்ள மறுப்பவர்கள். முயற்சியும், வெற்றிக்கு தேவையான சரியான நடவடிக்கையும் எப்போதும் நல்ல பலன்தரும் என்பதை உணரமறுப்பதால் அவஸ்தைக்கு உள்ளாகும் மனிதர்கள் இவர்கள்.

நீங்கள் எப்படி?

எடுத்த காரியம்யாவிலும் வெற்றிபெறும் வல்லவர்கள் பலவழிமுறைகளை தெரிந்துவைத்திருக்கிறார்கள், பல மனிதர்களை தெரிந்து வைத்திருக்கிறார்கள், சிறந்த நபர்களை உதாரண மனிதர்களாக தேர்வு செய்கிறார்கள், சரியாக திட்டமிடுகிறார்கள், வலிவேதனை உணராது உழைக்கிறார்கள், தியாகம் செய்ய துணிகிறார்கள், தோல்வி கொண்டு துவளாது முன்னேறுகிறார்கள், சாதிக்கவேண்டும் என்பதில் உறுதியாக இருக்கிறார்கள், பிறரது அபிப்ராயங்கள் கேட்டு பாதை மாறாமல் இருக்கிறார்கள். அதனால் வெற்றி இவர்களை தேடிவருகிறது. எனவே பழக்கம் நல்லதாக இருந்தால் வெற்றி பெறுவது ஒரு பழக்கமாக நல்ல வழக்கமாக மாறி விடுகிறது. நீங்கள் எப்படி ?

பழக்கம் தீயது என்றால் மாற்றுங்கள். வெற்றிக்கொடி நாளும் ஏற்றுங்கள்.

குவைத் நாட்டில் வேலை: ஆலந்தூரில் நேர்முக தேர்வு

தொலைதொடர்புத்துறையின் மூலம் குவைத் நாட்டு திட்டப் பணிகளுக்கான ஆட்கள் தேர்வு செய்வதற்கான நேர்முகத்தேர்வு ஆலந்தூர் ஒருங்கிணைந்த வேலைவாய்ப்பு அலுவலகத்தில் 3 நாட்கள் நடைபெற உள்ளது.இதுகுறித்து காஞ்சிபுரம் மாவட்ட ஆட்சியர் சண்முகம் நேற்று வெளியிட்டுள்ள செய்திக்குறிப்பு:

இந்திய அரசு தொலை தொடர்புத் துறையின் மூலம், குவைத் நாட்டு திட்டப்பணி களுக்காக தொலை தொடர்புத் துறையில் பணிபுரிய ஆட்கள் தேவை. டிப்ளமோ கல்வியுடன் 3 ஆண்டுகள் அனுபவம் உள்ள சிவில் மேற்பார்வையாளர்கள், 8-ம் வகுப்பு தேர்ச்சியுடன் 5 ஆண்டுகள் அனுபவம் உள்ள கொத்தனார், சமையலர் மற்றும் சிவில் பிரிவில் 5 ஆண்டுகள் அனுபவத்துடன் ஆட்டோகாட் இயக்குநர் ஆகிய பணிகளுக்கான ஆட்கள் தேர்வு வரும் 26, 27, 28 தேதிகளில் நடக்கிறது.

இதில் பங்கேற்பவர்களுக்காக ஆலந்தூரில் உள்ள ஒருங்கிணைந்த வேலை வாய்ப்பு அலுவலகத்தில் நேர்முக தேர்வு நடைபெற உள்ளது. மேற்கூறிய தகுதியுள்ள நபர்கள் சுய விவரங்கள் அடங்கிய விண்ணப்பம், பணி அனுபவம் மற்றும் கல்வி சான்று ஆகியவற்றின் இரண்டு நகல்கள் மற்றும் வெள்ளை நிற பின்னணியில் எடுக்கப்பட்ட 6 புகைப்படம், அசல் பாஸ்போர்ட் ஆகிவற்றுடன் மேற்கூறிய நாட்களில் நடைபெற உள்ள நேர்முக தேர்வில் பங்கேற்கலாம். இவ்வாறு செய்தி குறிப்பில் தெரிவிக்கப்பட்டுள்ளது.

எல்லை பாதுகாப்பு படையில் பொறியாளர் பணி

மத்திய உள்துறை அமைச்சகத்தின்கீழ் செயல்பட்டு வரும் எல்லை பாதுகாப்பு படையில் காலியாக Commandant (works) பணியிடங்களை நிரப்ப தகுதியும் விருப்பமும் உள்ள இந்திய குடிமக்களிடமிருந்து விண்ணப்பங்கள் வரவேற்கப்படுகின்றன.

விளம்பர எண்: 1/30/2012-Pers/BSF/508-91

பணி: Commandant (works)

காலியிடங்கள்: 01

சம்பளம்: மாதம் ரூ.37,400 - 67,000

வயதுவரம்பு: 52-க்குள் இருக்க வேண்டும்.

தகுதி: சிவில் துறையில் பி.இ அல்லது பி.டெக் முடித்திருக்க வேண்டும். மேலும் மத்திய , மாநில அரசு நிறுவனங்களில் தர ஊதியம் ரூ.7,600க்கு இணையான பணியில் 5 வருடம் அனுபவம் பெற்றிருக்க வேண்டும்.



பணி: Second-in-Command(works)

காலியிடங்கள்: 02

சம்பளம்: மாதம் ரூ.15,600 - 39,100

வயதுவரம்பு: 52க்குள் இருக்க வேண்டும்

தகுதி: தகுதி: சிவில் துறையில் பி.இ அல்லது பி.டெக் முடித்திருக்க வேண்டும். மேலும் மத்திய , மாநில அரசு நிறுவனங்களில் சிவில் துறையில் தர ஊதியம் ரூ.6,600க்கு இணையான பணியில் 10 வருடம் அனுபவம் பெற்றிருக்க வேண்டும்.



பணி: Second-in-Command (Electrical)

காலியிடங்கள்: 04

சம்பளம்: மாதம் ரூ.15,600 - 39,100

வயதுவரம்பு: 52க்குள் இருக்க வேண்டும்.

தகுதி: எலக்ட்ரிக்கல் துறையில் பி.இ அல்லது பி.டெக் முடித்திருக்க வேண்டும். மத்திய, மாநில அரசு துறைகளில் எலக்ட்ரிக்கல் துறையில் 5 வருடம் தர ஊதியம் ரூ.6,600க்குரிய பணியில் பணி அனுபவம் பெற்றிருக்க வேண்டும்.

தேர்வு செய்யப்படும் முறை: பணி அனுபவம் மற்றும் உடற்தகுதி அடிப்படையில் தகுதியானவர்கள் தேர்வு செய்யப்படுவார்கள்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

The Deputy Inspector General (Pers)

Directorate General, BSF,

Block No;10, CGO-Complex, Lodhi Road, New Delhi - 110003.

பூர்த்தி செய்யப்பட்ட விண்ணப்பங்கள் சென்று சேர கடைசி தேதி: 22.03.2015

நமக்குள் உறங்கிக் கொண்டிருக்கும் வெல்வதற்கான உயிர் ஆற்றல்!

ஒவ்வொரு விதையின் உள்ளேயும், அது முளைத்து வெளியே வருவதற்கான உயிர்ச்சக்தி இருப்பது போல, நமக்குள்ளும் வெல்வதற்கான உயிர் ஆற்றல் உறங்கிக் கொண்டிருக்கிறது. அதனை அடையாளம் காணும் முயற்சியே லட்சிய வேட்கை.

இவை ஏற்படும்போது மனதுக்குள் ஒரு தேடல் நிகழும். அதன் மூலம் நமது திறமைகள் ஒவ்வொன்றாக வெளிப்படத் தொடங்கும். அனைவருமே வெற்றி பெறவே பிறந்து இருக்கிறோம்.

மாறாக தோல்விக்கான காரணங்களைச் சொல்லிக் கொண்டே இருக்க அல்ல. வெற்றிக்குத் தேவையான அனைத்து திறமைகளும் இயற்கையாகவே நமக்கு கொடுக்கப்பட்டுள்ளது.

ஆனால் அவை விதைகளாகவே உள்ளன. விதை வடிவில் உள்ள திறமைகளை எடுத்து உழைப்பு என்கிற நிலத்தில் ஊன்றி, முயற்சி என்கிற நீரைப் பாய்ச்சி, களைப்பு என்கிற களையை நீக்கினால் வெற்றி நிச்சயம்.

உழைப்புத்தான் முன்னேற்றத்தின் உயிரோட்டம். புத்திசாலித்தனமான உழைப்புக்கு முன், எந்தத் தடைகளும் முன்னேற்றத்தை தடுத்துவிடாது.

இஸ்ரோவில் காலியாகவுள்ள 53 பணியிடங்கள்

இந்திய வான்வெளி ஆய்வு நிறுவனமான இஸ்ரோவில், மொத்தம் 53 காலிப் பணியிடங்களுக்கு விண்ணப்பங்கள் கோரப்படுகின்றன.

B பிரிவில், பிளம்பர், பிட்டர், மெக்கானிக் போன்ற பல்வேறு நிலைகளில், மொத்தம் 53 டெக்னீசியன் பணியிடங்கள் உள்ளன. ஒவ்வொரு பணிக்கும், தகுதிகள் நிர்ணயிக்கப்பட்டுள்ளன. இடஒதுக்கீடு அடிப்படையில் பணிகள் நிரப்பப்படும்.

இப்பணிகளில் சேர்வதற்கான வயது வரம்பும் நிர்ணயம் செய்யப்பட்டுள்ளது. ஆன்லைன் முறையில் மட்டுமே விண்ணப்பிக்க வேண்டும்.

விண்ணப்பித்தலுக்கான கடைசி நாள் - மார்ச் 6.

விரிவான தகவல்களுக்கு http://www.isro.gov.in/technician-b-0

மார்ச் 7ம் தேதியுடன் முடிகிறது வேலைவாய்ப்பை புதுப்பிக்க தவறியோருக்கான கால அவகாசம்

சென்னை: வேலைவாய்ப்புக்கான பதிவை புதுப்பிக்க தவறியோர், சிறப்பு சலுகையின் கீழ் புதுப்பித்துக் கொள்வதற்கான அவகாசம், மார்ச் 7ம் தேதியுடன் முடிகிறது.

இந்த காலத்தில் புதுப்பிக்க தவறினால், மீண்டும் வாய்ப்பு கிடைக்காது என, வேலைவாய்ப்பு இயக்குனரகம் தெரிவித்துள்ளது. தமிழகம் முழுவதும், 85 லட்சம் பேர் வேலைவாய்ப்பு அலுவலகங்களில், கல்வித்தகுதியை பதிவு செய்துவிட்டு, அரசு வேலை வாய்ப்புக்காக காத்திருக்கின்றனர்.

பதிவு செய்தோர், மூன்று ஆண்டுகளுக்கு ஒருமுறை பதிவை புதுப்பிக்க வேண்டும். பிற இடங்ளுக்கு குடி பெயர்தல், கவனக்குறைவு மற்றும் பல்வேறு காரணங்களால், 10 சதவீதம் பேர் புதுப்பிக்க தவறி விடுவதால், பதிவு மூப்பை இழந்து விடுகின்றனர்; வேலைவாய்ப்பும் பாதிக்கிறது.

இதுபோன்றோர் பயன்பெறும் வகையில், 2011 முதல் 2013 வரை, பதிவை புதுப்பிக்கத் தவறியோர், மார்ச் 7ம் தேதி வரை, பதிவை மீண்டும் புதுப்பித்துக் கொள்ளலாம் என, அரசு சிறப்பு சலுகை அறிவித்தது.

அன்று முதல், ஏராளமானோர் வேலைவாய்ப்பு அலுவலகங்களுக்கு நேரில் சென்றும், இணையதளம் வாயிலாகவும் பதிவை புதுப்பித்து வருகின்றனர்.

வேலைவாய்ப்பு இயக்க அதிகாரி ஒருவர் கூறுகையில், "அரசின் சிறப்புச் சலுகை, மார்ச் 7ம் தேதியுடன் முடிகிறது. இந்த வாய்ப்பை தவற விட்டால், மீண்டும் புதுப்பிக்கும் வாய்ப்பு கிடைக்காது. வேலைவாய்ப்புகளிலும் முன்னுரிமை பெற முடியாமல் போகும்" என்றார்.

தேர்வறையில் கால்குலேட்டர்களுக்கு அனுமதி!!!

சென்னை: பிளஸ் 2 தேர்வில், சிறப்புப் பாடம் எழுதும் மாணவர்களுக்கு,  புரோகிராம் செய்யப்படாத கால்குலேட்டர்களை மட்டுமே, தேர்வறையில் அனுமதிக்க வேண்டும் என, தேர்வுத்துறை இயக்குனரகம் உத்தரவிட்டுள்ளது.

தமிழகம் மற்றும் புதுச்சேரியில், பிளஸ் 2 தேர்வு, மார்ச் 5 - 31 வரை நடக்கிறது. தேர்வு அறையில், மாணவர்கள் எடுத்துச் செல்லக் கூடிய பொருட்களில், எதை அனுமதிக்கலாம்; எதை அனுமதிக்கக் கூடாது என்ற கட்டளைகள் பிறப்பிக்கப்பட்டுள்ளன.

இதேபோல், சிறப்புத் தேர்வுகளுக்கான கூடுதல் தேவைகள் குறித்தும் உத்தரவிடப்பட்டுள்ளது.

கணிதம், டெக்ஸ்டைல் தொழில்நுட்பம், புள்ளியியல், வேதியியல், இயற்பியல் மற்றும் வணிகக் கணிதம் போன்ற தேர்வுகளுக்கு, லாகரிதம் அட்டவணை, புள்ளிவிவர அட்டவணை, கிராப் ஷீட் போன்றவை தேர்வறையில் வழங்கப்படும்.

புள்ளியியல் மற்றும் வணிகக் கணிதம் பாடங்கள் எழுதும் மாணவ, மாணவியர், புரோகிராம் செய்யப்படாத சாதாரண கால்குலேட்டர் மட்டும் கொண்டுவர அனுமதிக்கப்படும். இதுபோன்ற விவரங்கள், அந்த உத்தரவில் கூறப்பட்டுள்ளன.

அகில இந்திய ஆயுர்வேத இன்ஸ்டிடியூட்டில் பல்வேறு பணி

புதுதில்லியில் செயல்பட்டு வரும் தன்னாட்சி அமைப்பான அகில இந்திய ஆயுர்வேத இன்ஸ்டிடியூட்டில் All India Institute of Ayurveda (AIIA) குறைந்த கால ஒப்பந்த அடிப்படையில் நேரடி முறையில் நியமனம் செய்யப்பட உள்ள பணியிடங்களுக்கு தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

விளம்பர எண்: AIIA/Rectt/01/2014

பணி: Professor - 12

வயதுவரம்பு: 55க்குள் இருக்க வேண்டும்.

சம்பளம்: மாதம் ரூ.37,400 - 67,000 + தர ஊதியம் ரூ.10,500



பணி: ASSOCIATE PROFESSOR - 14

வயதுவரம்பு: 50க்குள் இருக்க வேண்டும்.

சம்பளம்: மாதம் ரூ.37400 - 67000 + தர ஊதியம் ரூ.9000



பணி: ASSISTANT PROFESSOR - 14

வயதுவரம்பு: 45க்குள் இருக்க வேண்டும்.

சம்பளம்: மாதம் ரூ.15600 - 39100 + தர ஊதியம் ரூ.8000



பணி: DY. MEDICAL SUPERINTENDENT - 01

வயது வரம்பு: 40க்குள் இருக்க வேண்டும்.

சம்பளம்: மாதம் ரூ.15600 -39100 + தர ஊதியம் ரூ.6600



பணி: MEDICAL OFFICER (CASUALTY)- 02

வயது வரம்பு: 35க்குள் இருக்க வேண்டும்.

சம்பளம்: மாதம் ரூ.15,600 - 39,100 + தர ஊதியம் ரூ.5,400



பணி: MEDICAL OFFICER (BLOOD BANK) - 01

வயதுவரம்பு: 35க்குள் இருக்க வேண்டும்.

சம்பளம்: மாதம் ரூ.15600 - 39100 + தர ஊதியம் ரூ.5400



பணி: NURSING SUPERINTENDENT - 01

வயதுவரம்பு: 40க்குள் இருக்க வேண்டும்.

சம்பளம்: மாதம் ரூ.15600 - 39100 + தர ஊதியம் ரூ.5400

இந்தி மொழிப்பெயர்பாளர், கணக்காளர், பண்டக காப்பாளர் போன்ற இன்னும் பிற பணியிடங்கள் விவரங்கள் அறிய இணையதளத்தை பார்க்கவும்.

தகுதி: பத்தாம் வகுப்பு, +2 தேர்ச்சி மற்றும் இளங்கலை, முதுகலை பட்டம் பெற்றிருக்க வேண்டும்.

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

"The Director, All India Institute of Ayurveda (AIIA) Gautampuri, Sarita Vihar, Mathura road, NEW DELHI-110076".

தேர்வு செய்யப்படும் முறை: எழுத்துத் தேர்வு , துறைவாரியான தேர்வு மற்றும் நேர்முகத் தேர்வின் மூலம் தகுதியானவர்கள் தேர்வு செய்யப்படுவார்கள்.

மேலும் வயதுவரம்பு சலுகை, பணிவாரியான தகுதிகள் போன்ற முழுமையான விவரங்கள் அறிய http://www.ccras.nic.in/Advt/recruitment/aiia/details.pdf என்ற இணையதளத்தை பார்க்கவும்.

சென்னை பல்கலை: எம்.பில் தேர்வு முடிவுகள் வெளியீடு

சென்னைப் பல்கலைக்கழகத்தில் எம்.பில் படிப்புக்கான தேர்வு முடிவுகள் இணையதளத்தில் வெளியிடப்பட்டுள்ளன.

கடந்த ஆகஸ்ட் மாதத்தில் எம்.பில் படிப்பில் பல்வேறு பாடப்பிரிவுகளுக்கு தேர்வுகள் நடத்தப்பட்டன. இதற்கான தேர்வு முடிவுகள் இணையதளத்தில் வெளியிடப்பட்டுள்ளன.

ஆகஸ்ட் மாதத் தேர்வுக்கு விண்ணப்பிக்க மே 29 கடைசித் தேதியாகும். தாமதக் கட்டணத்துடன் ஜூன் 11-ஆம் தேதி வரை விண்ணப்பிக்கலாம். இதற்கான விண்ணப்பத்தையும், விவரங்களையும் பல்கலைக்கழக இணையதளத்திலிருந்து பதிவிறக்கம் செய்து கொள்ளலாம்.

8.43 லட்சம் பேர் எழுதும் பிளஸ் 2 தேர்வு: கண்காணிப்பதற்கு 1000 பறக்கும் படைகள் தயார்

மார்ச் 5ம் தேதி நடக்க உள்ள பிளஸ் 2 தேர்வை, 8.43 லட்சம் மாணவ, மாணவியர் எழுதுகின்றனர். இவர்களைக் கண்காணிக்க, 4,000 ஆசிரியர், அதிகாரிகளைக் கொண்ட 1,000 பறக்கும் படைகள் அமைக்கப்பட்டுள்ளன.

தமிழகம் மற்றும் புதுச்சேரியில், மார்ச் 5 முதல் 31 வரை, பிளஸ் 2 தேர்வு நடக்கிறது. இந்த தேர்வில், 6,256 பள்ளிகளைச் சேர்ந்த, 3,90,753 மாணவர்கள், 4,52,311 மாணவியர் என, மொத்தம் 8,43,064 பேர் பங்கேற்கின்றனர். இதில், தமிழ் வழியில் தேர்வு எழுதும் 5,56,498 பேருக்கு, 2,377 தேர்வு மையங்கள் அமைக்கப்பட்டுள்ளன.

இந்த ஆண்டு, கடந்த ஆண்டைவிட, 16,947 மாணவ, மாணவியர் கூடுதலாக தேர்வெழுதுகின்றனர். சிறைக்கைதிகள், 77 பேர், புழல் மத்திய சிறையில் தேர்வு எழுதுகின்றனர். காப்பியடித்தல், ஆள் மாறாட்டத்தில் ஈடுபடாமல் கண்காணிக்க, 4,000 ஆசிரியர் மற்றும் அதிகாரிகளைக் கொண்ட, 1,000 பறக்கும் படைகள் அமைக்கப்பட்டுள்ளன. முக்கிய தொழில்நுட்ப பாடத் தேர்வின்போது, அண்ணா பல்கலை பேராசிரியர்கள் கொண்ட தனிப்படை, தேர்வு மையங்களில் அதிரடி ஆய்வு நடத்த உள்ளது.

10ம் வகுப்பு தேர்வு

மார்ச் 19ல் துவங்கும் 10ம் வகுப்பு பொதுத்தேர்வில் தமிழகம், புதுச்சேரியிலுள்ள 11,827 பள்ளிகளைச் சேர்ந்த 5,40,505 மாணவர்கள், 5,32,186 மாணவியர் என, 10,72,691 பேர் எழுதுகின்றனர்.

இதில், தமிழ் வழி மாணவர்கள், 7,30,590 பேர். இத்தேர்வுக்கு 3,298 தேர்வு மையங்களில், 75 ஆயிரம் தேர்வு அறைகள் அமைக்கப்பட்டுள்ளன. மாணவர்களைக் கண்காணிக்க 5,200 பேர் கொண்ட 1,300 பறக்கும் படைகள் அமைக்கப்பட்டுள்ளன.

புழல் சிறையில்...

பாளையங்கோட்டை மத்திய சிறையில், 33; கோவை மத்திய சிறை, 97; சென்னை, புழல்சிறையில் 111 பேர் தேர்வெழுதுகின்றனர். மாற்றுத்திறனாளிகளுக்கு, தரைத்தளத்திலேயே தேர்வு அறைகள் அமைக்கப்படும். வினாத்தாள்கள் வைக்கப்பட்டுள்ள மையங் களில், மாவட்ட ஆட்சியர் மற்றும் எஸ்.பி., தலைமையிலான குழுவினர், பாதுகாப்புப் பணிகளை மேற்பார்வை செய்கின்றனர்.

புதுச்சேரியில்...

புதுச்சேரியில், 128 பள்ளிகளைச் சேர்ந்த 6,575 மாணவர்கள், 7,731 மாணவியர், 33 தேர்வு மையங்களில் பிளஸ் 2 தேர்வையும், 291 பள்ளிகளைச் சேர்ந்த 9,703 மாணவர்கள், 9,856 மாணவியர், 48 தேர்வு மையங்களில் 10ம் வகுப்பு தேர்வையும் எழுதுகின்றனர்.

சென்னையில்...

சென்னையில், 412 பள்ளிகளைச் சேர்ந்த 24,653 மாணவர்கள், 28,750 மாணவியர், 144 தேர்வு மையங்களில் பிளஸ் 2 தேர்வு எழுதுகின்றனர். இதேபோல் 578 பள்ளிகளைச் சேர்ந்த 28,124 மாணவர்கள், 29,230 மாணவியர், 209 தேர்வு மையங்களில் 10ம் வகுப்பு தேர்வு எழுத உள்ளனர்.

ஸ்மார்ட்ஃபோன்களை வைரஸ் தாக்குதலில் இருந்து பாதுகாக்க போதிய விழிப்புணர்வு இல்லை எனத் தகவல்

இந்தியாவில் கணினி, கையடக்கக் கணினி மட்டுமின்றி  ஸ்மார்ட் ஃபோன்களை வைரஸ் தாக்குதலில் இருந்து பாதுகாக்கும் விழிப்புணர்வு போதிய அளவில் இல்லை என்ற தகவல் வெளியாகியுள்ளது. இணையதள பயன்பாட்டின்போது, முன்னெச்சரிக்கை இல்லாததால், வைரஸ்கள் பரவி ஆவணங்களை அழித்தும், கருவியை செயலிழக்கச் செய்தும் வருவதாக பிரபல ஆன்ட்டி வைரஸ் தயாரிப்பு நிறுவனமான கே செவன் தெரிவித்துள்ளது. இணையதளம் பயன்படுத்தும்போது, தினமும் சராசரி ஒரு வைரஸ் நுழைவதாகவும், இதை தவிர்க்க ஆன்ட்டி வைரஸ் பயன்படுத்துவது பாதுகாப்பானது என்றும் நிறுவனத்தின் செயல் அதிகாரி கேசவர்த்தனன் தெரிவித்தார்.

ஃபேஸ்புக் இலவச இணைய தள வசதி எதிரொலி: கட்டணத்தை குறைக்க நிறுவனங்கள் திட்டம்

ரிலையன்ஸ் மற்றும் ஃபேஸ்புக் நிறுவனங்கள் இணைந்து செல்ஃபோனில் இலவச இணைய தள வசதியை அறிவித்துள்ளதால், போட்டி காரணமாக இணைய தள கட்டணத்தை குறைக்க மற்ற தொலைபேசி நிறுவனங்கள் பரிசீலித்து வருவதாக தகவல் வெளியாகியுள்ளது. ஃபேஸ்புக் நிறுவனம் இந்திய செல்ஃபோன் வாடிக்கையாளர்களுக்கு இலவச இணையதள வசதியை அறிவித்துள்ளது. ரிலையன்ஸ் கம்யூனிகேஷன்ஸ் நிறுவனத்துடன் இணைந்து அளிக்கவுள்ள இந்த சேவையை தமிழகம், ஆந்திரா உள்ளிட்ட 6 மாநிலங்களில் உள்ள ரிலையன்ஸ் வாடிக்கையாளர்கள் பெற முடியும். தொடக்கத்தில் 33 வலைத்தளங்களை இலவசமாக பயன்படுத்தலாம் என ஃபேஸ்புக் தெரிவித்துள்ளது. இதனால் ஏற்படக்கூடிய போட்டியை சமாளிக்க இணைய தள இணைப்புக்கான டேட்டா கட்டணத்தை மற்ற தொலைபேசி நிறுவனங்கள் குறைக்கக்கூடும் என சந்தை ஆய்வு நிறுவனமான கேபிஎம்ஜியின் உயரதிகாரி ஒருவர் தெரிவித்தார். அதோடு குறிப்பிட்ட சில இணைய தளங்களை இலவசமாக பயன்படுத்தும் வசதியையும் அறிவிக்க தொலைபேசி நிறுவனங்கள் பரிசீலித்து வருவதாகவும் அவர் கூறினார்.

மாணவர்களை விட பிளஸ் 2 தேர்வெழுதும் மாணவிகளே அதிகம்

நிகழும் கல்வியாண்டில் பிளஸ் 2 தேர்வெழுதும், மாணவ, மாணவிகளில் மாணவிகளே அதிகமாக உள்ளதாக அரசுத் தேர்வுகள் இயக்கம் தெரிவித்துள்ளது.

மேலும், நிகழாண்டு பிளஸ் 2 பொதுத் தேர்வை 8.43 லட்சம் மாணவர்களும், 10-ஆம் வகுப்புத் தேர்வை 10.72 லட்சம் மாணவர்களும் எழுத உள்ளதாக அரசுத் தேர்வுகள் இயக்ககம் அறிவித்துள்ளது.

இதுதொடர்பாக அரசுத் தேர்வுகள் இயக்ககம் திங்கள்கிழமை வெளியிட்ட அறிவிப்பு:

பிளஸ் 2 பொதுத்தேர்வு மார்ச் 5 முதல் 31-ஆம் தேதி வரையிலும், 10-ஆம் வகுப்புத் தேர்வு மார்ச் 19 முதல் ஏப்ரல் 10-ஆம் தேதி வரையிலும் நடைபெற உள்ளன. பிளஸ் 2 தேர்வில் 6,256 பள்ளிகளிலிருந்து 8 லட்சத்து 43 ஆயிரத்து 64 மாணவர்களும், 10-ஆம் வகுப்புத் தேர்வில் 11,827 பள்ளிகளைச் சேர்ந்த 10,72,691 மாணவர்களும் பங்கேற்க உள்ளனர்.

பிளஸ் 2 தேர்வை 16,947 மாணவர்களும், 10-ஆம் வகுப்புத் தேர்வை 33,816 மாணவர்களும் நிகழாண்டு கூடுதலாக எழுதுகின்றனர்.

60,000 மாணவிகள் அதிகம்: நிகழாண்டு பிளஸ் 2 தேர்வை 3,90,753 மாணவர்களும், 4,52,311 மாணவிகளும் எழுத உள்ளனர். மாணவர்களை விட மாணவிகளின் எண்ணிக்கை 60 ஆயிரம் அதிகமாக உள்ளது. 10-ஆம் வகுப்புத் தேர்வில் மாணவர்களின் எண்ணிக்கை அதிகமாக உள்ளது. 5,40,505 மாணவர்களும், 5,32,186 மாணவிகளும் தேர்வு எழுத உள்ளனர். 10-ஆம் வகுப்பில் தனித்தேர்வர்களாக 50,429 பேரும், பிளஸ் 2 தேர்வில் 42,963 பேரும் எழுதுகின்றனர்.

பிளஸ் 2 தேர்வுக்காக 2,377 தேர்வு மையங்களும், 10-ஆம் வகுப்புத் தேர்வுக்காக 3,298 தேர்வு மையங்களும் அமைக்கப்பட உள்ளன.

77 சிறைவாசிகள்: நிகழாண்டு பிளஸ் 2 பொதுத்தேர்வை புழல் சிறைவாசிகள் 77 பேர் எழுதுகின்றனர். 10-ஆம் வகுப்பு பொதுத்தேர்வை 241 சிறைவாசிகள் எழுதுகின்றனர்.

தமிழ் வழியில்... பிளஸ் 2 தேர்வை 5,50,000 பேரும், 10-ஆம் வகுப்புத் தேர்வை 7,30,000 பேரும் தமிழ் வழியில் எழுதுகின்றனர்.

தேர்வு குறித்த மனப்பதட்டத்தை தவிர்க்க...

தேர்வு குறித்த மனப்பதட்டம் இரவு துாக்கத்தை கெடுத்துவிடும். எனவே நேர்மறையான நல்ல விஷயங்களை நினைத்துப்   பார்த்து   உற்சாக  மனநிலையுடன் படிக்க துவங்க வேண்டும் என்கிறார் மதுரையைச் சேர்ந்த மனநல டாக்டர் விக்ரம் ராமசுப்ரமணியன்.

மற்றவர்களுடன் தன்னைத் தானே ஒப்பிட்டு பார்த்து பயப்படக்கூடாது. இதுதான் எதிர்கால வாழ்க்கையை தீர்மானிக்கும் என்ற மனஉணர்வு, ஆசிரியர், பெற்றோரின் எதிர்பார்ப்பு... என கலவையான மனநிலையில் மாணவர்கள் இருப்பர். இதுதான் தேர்வு குறித்த மனப்பதட்டத்தை ஏற்படுத்துகிறது.

முதல் மதிப்பெண் பெறும் மாணவர் முதல் சராசரி மாணவர் வரை இந்த மனநிலையை மாற்ற முடியாது. அதை கடந்து வரவேண்டும். நான் நன்றாக படிப்பேனா... நான் நல்ல மதிப்பெண் பெறுவேனா... என்ற எதிர்மறை சிந்தனையை மாற்றுங்கள்.

நான் நன்றாக தேர்வெழுதுவேன். நல்ல மதிப்பெண் பெறுவேன் என்று மனதிற்குள் சொல்லிக் கொள்ளுங்கள். இந்த நேர்மறை சிந்தனை மனப்பதட்டத்தை குறைக்க உதவும்.

ஆழ்ந்த மூச்செடுப்பது இன்னொரு சிறந்த வழி. மூச்சை நன்றாக இழுத்து நிதானமாக வெளியேற்றும்போதும் மனப்பதட்டம் குறையும். கவனம் குவிந்து ஞாபகசக்தி கூடும்.

தேர்வறையில் சகமாணவர்களின் பதட்டத்தை பார்த்து தனக்கு தானே பயம் ஏற்படும். நான் நன்றாக தேர்வெழுதுவேன் என்று மனதுக்குள் சொல்லிக் கொள்ளுங்கள். பதட்டப்படும் மாணவர்களுக்கும் தைரியம் சொல்லுங்கள்.

பெற்றோர் உதவ வேண்டும்

அதிக மனப்பதட்டத்தில் இருந்தால் இரவு துாக்கம் வராது. எப்போதும் தேர்வை பற்றியே சிந்தனை இருக்கும். யோசிக்காதே என்று சொன்னால் தேர்வை மறந்து விடு என்று சொல்வதற்கு சமமாகிவிடும். இரவு துாக்கம் அவசியம் என்பதால் பெற்றோர் தான் இதற்கு உதவ வேண்டும்.

பாடங்கள், தேர்வு தவிர, பிள்ளைகளை சந்தோஷப்படுத்தும் விஷயங்களை நினைவுபடுத்த வேண்டும். அவர்களுக்கு பிடித்தமான விஷயங்களை எடுத்துச் சொல்லுங்கள். நகைச்சுவையாக பேசலாம். உற்சாகமான மனநிலையில் துாங்குவதன் மூலம் நன்றாக தேர்வெழுதலாம்.

வெற்றிக்கான பாதை எப்போதும் எளிதான ஒன்றல்ல...

வாழ்க்கையில் சாதனைப் படைத்தவர்களின் கதைகளைப் படிக்கும்போது, அவர்களது வாழ்க்கையில், ரிஸ்க் என்ற ஒரு அம்சம் கட்டாயம் இடம்பெற்றிருப்பதை காணலாம்.

வெற்றிக்கான வழி என்பது யாரேனும் ஒரு சிலருக்கு சுலபமாக இருந்திருக்கலாம். ஆனால், பொதுவாக அந்த வழியானது, பல்வேறு தடைகளும், கரடு முரடான அம்சங்களும், இடைஞ்சல்களும், அபாயங்களும் கொண்டது. எனவே, அந்த வழியில் பயணிப்போர், கட்டாயம் ஏதேனும் ஒரு ரிஸ்க் எடுத்தாக வேண்டியுள்ளது.

பணிபுரியும் ஒருவர், வெற்றிக்கான பாதையை, தடைகளை தகர்த்தெறித்து, எப்படி முழுமையாக கடந்து சாதிக்கலாம் என்பதை இக்கட்டுரை அலசுகிறது.

புதிய செயல்முறைகள்

உங்களின் செயல்பாட்டில் ஏற்கனவே நடைமுறையில் இருக்கும் அணுகுமுறைகளையே பின்பற்ற நீங்கள் விரும்பலாம். அந்த வகையில், நீங்கள் பாதுகாப்பாகவும் உணரலாம். எதற்காக, தேவையின்றி அணுகுமுறைகளை மாற்றி, ரிஸ்க் எடுக்க வேண்டுமென்ற நினைப்பு வருவது சாதாரணம்தான்.

ஆனால், வாழ்வில் வெற்றிபெற வேண்டுமென நினைக்கும் ஒருவர், சில புதிய வழிமுறைகளைப் பற்றி யோசிக்க வேண்டும். பலரும் பின்பற்றி, பழக்கப்பட்டு, அதனாலேயே எதையும் புதிதாக சாதிக்க முடியாமல் போன பழையவற்றை விடுத்து, புதிய அணுகுமுறைகளைக் கடைபிடிக்கத் துணிய வேண்டும்.

அதற்காக, எடுத்தோம் - கவிழ்த்தோம் என்று எதிலும் இறங்கிவிடக்கூடாது. உங்களின் புதிய அணுகுமுறையைப் பற்றி ஒன்றுக்கு பலமுறை நன்கு யோசித்து திட்டமிட்டே, பின்னர் களமிறங்க வேண்டும். அப்போதுதான் வெற்றிக்கான சாத்தியக்கூறுகள் அதிகமாகும்.

எல்லையை விட்டு வெளியேறுதல்

ஒரு நிறுவனத்தில் பணிபுரிகையில், உங்களுக்கான பணியைப் பற்றி நன்கு அறிந்துவைத்து, அதில் சிறப்பாக செயல்படுவது முக்கியமான அடிப்படை. ஆனால், நீங்கள் பெரியளவில் பதவி உயர்வையும், சிறந்த பொறுப்புகளையும் எதிர்பார்க்கும்போது, உங்களது பணியில் மட்டுமே கவனம் செலுத்தி, அதை மட்டுமே தெரிந்து வைத்துக்கொண்டு, உங்களைச் சுற்றி, நிறுவனத்தில் நடக்கும் வேறு விஷயங்களைப் பற்றி எதுவும் தெரியாமல் இருந்தால், உங்களுக்கான வருங்கால வாய்ப்புகள் சுருக்கமாகத்தான் இருக்கும்.

எனவே, நிறுவனத்திலுள்ள வேறு துறை பணிகளைப் பற்றியும் தேவையான அளவிற்கு அறிமுகத்தை பெற்றுக்கொள்ள வேண்டும். அப்போதுதான், பதவி உயர்வு என்று வருகையில், உங்களுக்கான வாய்ப்புகளை பிரகாசப்படுத்திக் கொள்ளலாம்.

முன்முயற்சி

வெற்றிபெற்ற மனிதர்களுக்கு கட்டாயம் தலைமைத்துவப் பண்பு இருக்கும். ஒரு தலைவனாக இருப்பதற்கு மிக முக்கியமான மற்றும் தலையாயப் பண்பு என்னவெனில், முன்முயற்சி(initiative) என்ற ஒன்றுதான். எனவே, உங்களின் கோட்டைத் தாண்டி முதலில் வெளியேவர வேண்டும். ஒரு செயலில், தயக்கத்தை விடுத்து, முன்முயற்சியை மேற்கொள்ள வேண்டும்.

சூழலுக்கு ஏற்ற ஐடியாக்களை உருவாக்கி, அதை பொருத்தமான இடங்களில் பயன்படுத்தி, உங்களின் செயல்பாட்டுத் திறனை வெளிப்படுத்த வேண்டும். இதன்மூலம், பிறரைவிட உங்களின் வெற்றிப் பயணம் வேகம் பெற்று, இலக்கை விரைவாக அடைந்து சிறப்பான வெற்றியைப் பெறலாம்.

தயக்கம் வேண்டாம்

உங்களின் ஐடியாக்கள் மற்றும் கருத்துக்கள் தொடர்பாக தெளிவாக இருங்கள். நிறுவனத்தில், உங்களின் மேலதிகாரி அல்லது நிர்வாக இயக்குநர், உங்களது செயல்திட்டம் பற்றி கேட்கும்போது, அதை சிறப்பான முறையில் வெளிப்படுத்த தயங்க வேண்டாம். அது ஏற்கப்படுமா? அல்லது நிராகரிக்கப்படுமா? அல்லது குறுக்கு கேள்வி கேட்கப்படுமா? என்பன போன்ற சந்தேகங்கள் உங்களுக்கு வேண்டாம்.

சாதனையாளர்களின் வெற்றிக்கு மிக முக்கிய காரணங்களுள் ஒன்று, அவர்கள், தங்களது எண்ணங்களை நம்பிக்கையுடன், தயக்கமின்றி மற்றும் தெளிவாக வெளிப்படுத்தியதேயாகும். இந்தப் பண்பின் மூலம், நமது கருத்து, ஒருவேளை ஏற்றுக்கொள்ளப்படவில்லை என்றாலும்கூட, நம்மீது நேர்மறையான அபிப்ராயம் கட்டாயம் ஏற்படும். நாம், வேறு ஏதேனும் ஒரு சூழலில், நமது கருத்துக்களைத் தெரிவிக்க மீண்டும் அழைக்கப்படுவோம்.

தோல்விதான் வெற்றியின் அடிப்படை

ஒருவர் ஒரு புதிய முன்முயற்சியை மேற்கொண்டு, மாற்று வழியில் பயணிக்கிறார் எனும்போது, அவருக்கு எல்லா நேரங்களிலும் உடனடியாக வெற்றி கிடைத்து விடுவதில்லை. தோல்விகளையும் சந்திக்க வேண்டியிருக்கும்.

ஆனால், அதோடு சோர்ந்துவிட்டால் அவ்வளவுதான். தோல்வியிலிருந்து பாடம் கற்றுக்கொண்டு, தவறுகளை திருத்தி, மீண்டும் முயற்சி செய்யும்போது, கட்டாயம் வெற்றிக் கனியை சுவைக்கலாம். மேற்கண்ட அம்சங்களைத் தவிர, ஒருவர், தனது பணியில் முன்னேறிச் செல்ல, வேறுசில விஷயங்களையும் கருத்தில்கொண்டு, அதற்கேற்ப முடிவெடுக்க வேண்டும்.

ஒருவர் ஒரு பணியில் நல்ல சம்பளம் பெற்றுக் கொண்டிருக்கலாம். ஆனால், அவர் எதிர்பார்த்ததைப் போன்று அவரின் பணி அமையாமல் போகலாம். மேலும், அவர் பணிபுரியும் நிறுவனத்தின் எதிர்காலமும், தொழில்துறையைப் பொறுத்தமட்டில், நீண்டகால அளவில், நிச்சயமற்று இருக்கலாம். எனவே, இதுபோன்ற சூழலில், நீங்கள் நல்ல சம்பளம் பெற்று பாதுகாப்பாக இருந்தாலும்கூட, பணி மாறுகின்ற ரிஸ்க் எடுக்கலாம்.

உங்களின் ரிஸ்க், உங்களுக்கு சாதகமாக அமையும்போது, நன்மைகளையும், அதுவே பாதகமாக அமைந்தால், அனுபவங்களையும் பெறலாம். அதேசமயம், அனுபவம் என்பதும் ஒரு வயது வரைதான். எல்லா காலங்களிலும் அபாயகரமான ரிஸ்க் எடுத்துக் கொண்டிருக்கவும் முடியாது.

ஒரு குறிப்பிட்ட வயதை அடைவதற்குள், வாழ்க்கையில், தொழில்ரீதியாகவும், வருமான ரீதியாகவும் ஒரு அளவிற்கு செட்டில் ஆகிவிட வேண்டும். செட்டிலான பிறகு எடுக்கும் ரிஸ்க் வேறு மாதிரியானது.

எனவே, வாழ்க்கையில் வெற்றி என்பது, பெரும்பாலானோருக்கு எளிதாக கிடைத்து விடுவதில்லை. அப்படி சில பேருக்கு எளிதாக கிடைத்துவிட்டாலும், அதை தொடர்ந்து தக்கவைக்க, அவர் கடும் முயற்சிசெய்ய வேண்டும். எனவே, தேவையான இடங்களில் தேவையான ரிஸ்க் எடுத்து, புதிதாக யோசித்து, கடுமையாக உழைத்து, இலக்கை அடையவும்.

இளம் பள்ளி மாணவர்களின் கற்பனைத் திறனை வளர்க்க களமிறங்கியுள்ள படித்த இளைஞர்கள்

தமிழர்களின் இன்றைய ஒட்டுமொத்த வாழ்க்கை முறையும் மாறி விட்டது. கூட்டுக் குடும்பம்  சிதைந்து விட்டது. தண்டட்டி ஆட்டியபடி, பேரன்,  பேத்திகளுக்கு கதை சொல்லும் பாட்டிகளின் வார்த்தைகளை கேட்காமலேயே, இரண்டு தலைமுறைகள் உருவாகி விட்டன.

நகரத்து குழந்தைகள் மட்டுமல்லாது, கிராம குழந்தைகள் கூட, தொலைக்காட்சிகளில் வரும் கார்ட்டூன் தொடர்களுக்கு அடிமையாகி விட்டன. குறிப்பாக, அவர்களின் கற்பனை திறன் குறைந்து விட்டது. கேள்வி கேட்கும் சிந்தனையும் குறைந்து வருகிறது. இந்த சூழலில், பள்ளி குழந்தைகளுக்கு கதை சொல்லி, வாழ்வை விளக்கும் வகையில், பணிபுரிந்து வருகிறது, "கதை சொல்றோம் வாங்க" அமைப்பு.

இந்த அமைப்பில், முழுக்க முழுக்க, பட்டதாரி இளைஞர்களே சேவையில் ஈடுபடுகின்றனர். பாஸ்கர், பிரவீன், அபிலாஷ், நவீன் கிருஷ்ணன், தரணி, வெங்கட், சக்தி, அசோக், சதீஷ், துவரக் ஆகியோரைக் கொண்ட இந்த அமைப்பின் நிறுவனர், குமார். இதில், சேவைபுரியும் அனைவரும் பத்திரிகையாளர், பொறியாளர், முழுநேர கதை சொல்லி, மென்பொருள் வல்லுனர் என, பல்வேறு துறைகளில் பணிபுரிகின்றனர். நேரம் கிடைக்கும் போதெல்லாம், குக்கிராமங்களுக்கு செல்கிறது, இந்த இளைஞர் அமைப்பு.

இதுகுறித்து, அந்த அமைப்பினர் கூறுகையில், "நாங்கள் நகர்ப்புற பள்ளிக்கூடங்களை விட, குக்கிராமங்களின் பள்ளிகளை தேர்வு செய்தே பணிபுரிகிறோம். ஏனெனில், நகர்ப்புறங்களில் உள்ள மாணவர்களுக்கு, ஆயிரக்கணக்கான வாய்ப்புகள் உள்ளன. ஆனால், குக்கிராமங்களில் உள்ள மாணவர்களுக்கு, அவற்றில் ஒரு சதவீதம் கூட கிடைப்பதில்லை" என்றனர்.

கிராம பள்ளிகளுக்கு சென்று, 1, 2, 3 வகுப்பு மாணவர்களை ஒரு பகுதியாகவும், 4, 5, 6 வகுப்பு மாணவர்களை ஒரு பகுதியாகவும் பிரித்து, பள்ளி மைதானத்தில் அமர வைப்பர். அவர்களை, தனித்தனி குழுவாக பிரிப்பர். மொத்தமாக, 10 குழுக்கள் பிரிக்கப்படும். அனைவருக்கும் பொதுவான ஒரு கதை சொல்லப்படும். அந்தக் கதை பாதியில் நிறுத்தப்படும்.

மீதி என்ன ஆனது என்பதை மாணவர்கள், கதையாக சொல்ல வேண்டும். பின், ஒவ்வொரு குழுவுக்கும் ஒரு தலைப்பு கொடுக்கப்படும். அந்த தலைப்பில், கதை சொல்ல வேண்டும். பின், ஒவ்வொரு குழுவில் உள்ள ஒவ்வொருவரும், கதை சொல்ல வேண்டும். அந்த கதை என்ன மாதிரியும் இருக்கலாம். எந்த ஆட்சேபனையும் இல்லை.

மாணவர்களுக்கு என்ன தோன்றுகிறதோ அதை சொல்லலாம். அந்த அளவுக்கு சுதந்திரம். ஆனால், ஒவ்வொருவரும் கதை சொல்ல வேண்டும். அவ்வளவுதான். அதேபோல், ஏற்கனவே பிரிக்கப்பட்ட பிரிவுகளுக்கு, ஒரு தலைப்பு வீதம், 10 தலைப்புகள் கொடுக்கப்பட்டு, அவர்களே நாடகம் நடத்த வேண்டும்.

நாடகத்தின் கதாபாத்திரங்களை அவரவர்களே பிரித்துக்கொள்ள வேண்டும். அவர்களே கதை, அவர்களே திரைக்கதை, அவர்களே வசனம். அதுவும் ஒரு மணி நேரத்துக்குள் செய்து முடிக்க வேண்டும். பாதி நாடகம் நடித்தால்கூட, போதுமானது. ஆனால், அனைவரும் அதில் ஈடுபட வேண்டும் என்பது விதி. பின், ஒவ்வொருவராக, அரங்கேற்ற துவங்கும்போது, சிரிப்பலை மைதானத்தில் தவழும்.

ஆசிரியர்களின் பிரம்படிக்கு கத்திய உதடுகள், வயிறு வலிக்க சிரிக்கும். மனம் திறந்து சிரிக்கும். அதேபோல், அந்த வகுப்புகளுக்கான பாடத்திட்டத்தை கொடுத்து விட்டு, அதிலிருந்து கதையோ நாடகமோ நடத்த வேண்டும். ஆனால், ஒவ்வொருவரும் தனித்தனியாக சொல்ல வேண்டும். சரியோ தவறோ, கட்டாயம் கதை சொல்ல வேண்டும். இந்த உத்திக்கு, இவர்கள் செல்லும் இடமெல்லாம் பெரிய அளவில் வரவேற்பு கிடைத்து வருகிறது.

இந்த அமைப்பினர், சென்னை, பழவேற்காடு, திருவண்ணாமலை, ஆழியாறு, மயிலாடுதுறை ஆகிய பகுதிகளில் உள்ள குக்கிராமங்களுக்கு சென்று, மாணவர்களுக்கு கதை சொல்லி இருக்கின்றனர். நகர்ப்புறங்களை விட, கிராமப்புறங்களை விட, குக்கிராமங்களில் இருக்கும் மாணவர்களின் கற்பனைத் திறன் அதிகளவில் இருப்பதாக, இந்த அமைப்பினர் கூறுகின்றனர்.

கதை சொல்வது மட்டுமின்றி, மாணவர்களுக்கு மைய கருத்து கொடுத்து, ஓவியம் வரைய வைப்பது, நாடகம் நடிக்க வைப்பது, பொம்மலாட்டம் நிகழ்த்தி காட்டுவது என, இவர்களின் சேவையின் நீளம் தொடர்கிறது.

அமைப்பின் நிறுவனர், குமார் கூறியதாவது: பாதி கதையை சொல்வதன் மூலம், மாணவர்களின் கற்பனை திறன் அதிகரிக்கிறது. அது ஒரு சோதனை அவ்வளவுதான். ஆனால், அந்த பாதி கதையை அவர்கள் நிரப்பி சொல்வதை கேட்க, ஆயிரம் காதுகள் வேண்டும். மாணவர்களை, படி, படி என்று சொன்னால் மட்டும் போதாது. அவர்களின் தனித்திறமைக்கும் வாய்ப்பு கொடுக்க வேண்டும்.

இவ்வாறு செய்வதன்மூலம், அவர்களின் கற்பனை திறன் வளரும்; அவர்களுக்கு பள்ளி பாடங்களும் எளிதில் புரியும். பின், அந்த ஆண்டில், எப்போது கேட்டாலும் அந்த பாடம் குறித்து மாணவன் பேசுவான். அந்த அளவுக்கு அது ஆழப்பதிந்து விடும். காரணம், ஈடுபாடு மட்டும் தான்.இவ்வாறு, அவர் தெரிவித்தார். தொடர்புக்கு: 99447 72911

படித்தவர்கள் அனைவருமே பொருத்தமான வேலைக்குத்தான் செல்கிறார்களா?

இன்ஜினியரிங், மருத்துவம், வங்கி, ஆசிரியர், சட்டம், மீடியா,   அறிவியல்       தொழில்நுட்பம் உள்ளிட்ட துறைகள்     உள்ளன.   ஒவ்வொருவரும்     தகுதி திறமைக்கேற்ப இந்த துறைகளை தேர்ந் -தெடுக்கின்றனரா    என்பது   சந்தேகமே.
இன்ஜினியரிங் படிப்பை முடித்தவர், மார்க்கெட்டிங் துறையில் பணிபுரிவார். அறிவியல் படித்தவர் வங்கிகளில் வேலை பார்ப்பர். இதுபோல படித்தது ஒரு துறை, வேலை பார்ப்பது ஒரு துறை என, தேர்வு செய்தவர்கள் ஏராளம்.
தொழில்நுட்ப வளர்ச்சியால் வேலைவாய்ப்பு பெருகி வருகிறது. எந்த துறையில் பணியில் சேர்வது என்பது போன்ற குழப்பங்கள் ஏற்படுகின்றன. படித்து முடித்த சில ஆண்டுகளிலேயே, மூன்றுக்கும் மேற்பட்ட துறைகளில், பணி மாறியவர்கள் உண்டு.
* தங்களின் திறன் எது என்பதைக் கண்டறிந்து, அதற்கு ஏற்ற பணிகளை தேர்வு செய்யலாம். அது கல்வியினால் பெற்றதாகவோ. இயற்கையாக அமைந்ததாகவோ இருக்கலாம். ஒரு துறை சார்ந்த பணியில் ஈடுபட முடிவு செய்து விட்டால், ஏற்கனவே அந்த துறையில் இருப்பவர்களிடம் யோசனை கேட்கலாம்.
* பலரும் வேலை இழப்பதற்கு காரணம், பணிபுரியும் துறையை பற்றிய அறிவை வளர்த்துக் கொள்ளாததே. துறைசார்ந்த புதிய தகவல்களை அறிந்து கொள்ள வேண்டும். உங்களது நேரத்திலும், பணத்திலும் 5 சதவீதத்தையாவது திறனை மேம்படுத்தும் பயிற்சிகளுக்காக ஒதுக்க வேண்டும். உங்களை பயன்படுத்திக் கொள்ள முடியும் என்ற நிலை நீடிக்கும் வரை மட்டுமே, நிறுவனம் உங்களை பணியாற்ற அனுமதிக்கும்.
* எங்கு சம்பளம் அதிகம் கிடைக்கிறது என்பதை பார்த்து பணியில் சேர்வதை விட, எங்கு அதிக அனுபவம் கிடைக்குமோ அங்கு பணியாற்ற வேண்டும். அனுபவம் உடையவர்களைத் தேடி, அதிக சம்பளத்துடன் வேலை வரும்.
மாற்றங்களை ஏற்றுக்கொள்ளவும், அதற்கேற்ப மாற்றிக் கொள்ளவும் தயங்கக் கூடாது. பணிபுரியும் துறையிலும், இடத்திலும் ஏற்படும் மாற்றங்கள், முன்னேற்றங்களுக்கு ஏற்றவாறு பணிபுரிபவர்களும் மாறிக்கொள்ள வேண்டும்.
* எந்த துறையில், முழுமையான அர்ப்பணிப்புடன் பணிபுரிய முடியும் என்பதை அறிந்து கொள்ள வேண்டும். அந்த துறை சார்ந்த வாய்ப்புகளை தேட வேண்டும். இதனால், நிறுவனம் ஆட்குறைப்பு செய்தாலும், உங்கள் வேலை பறிபோகாது.
உங்களது தற்போதைய வருமானத்துக்கு ஏற்றபடி வாழ்க்கை முறையை அமைத்துக்கொள்ளுங்கள். எதிர்காலத்துக்கு உதவும் வகையில் சேமிப்பு, முதலீடுகளை திட்டமிடுங்கள். சரியான துறையை தேர்ந்தெடுத்து, அர்ப்பணிப்போடு பணிபுரிந்தால் வாழ்க்கையில் முன்னேறலாம்.

மத்திய அரசு உதவித்தொகைக்கு விண்ணப்பிக்கும் தேதி நீட்டிப்பு

இந்திய அரசின் சமூகநீதி மற்றும் உரிமை வழங்கல் அமைச்சகம் மூலமாக, மாற்றுத் திறனாளி மாணவர்களுக்கு வழங்கப்படும் ப்ரீ-மெட்ரிக் மற்றும் போஸ்ட்-மெட்ரிக் உதவித்தொகைகளுக்கு விண்ணப்பிக்கும் கடைசித்தேதி, பிப்ரவரி 20 வரை நீட்டிக்கப்பட்டுள்ளது.

முன்பு, பிப்ரவரி 4ம் தேதிதான் கடைசித் தேதியாக அறிவிக்கப்பட்டிருந்தது. மொத்தம் 46 ஆயிரம் ப்ரீ-மெட்ரிக் உதவித்தொகைகளும், 16 ஆயிரத்து 650 போஸ்ட்-மெட்ரிக் உதவித்தொகைகளும் வழங்கப்படுகின்றன.

மாற்றுத்திறனாளி மாணவர்களுக்கான இந்த உதவித்தொகை திட்டம், 2014, ஏப்ரல் 1ம் தேதியிலிருந்து அறிமுகப்படுத்தப்பட்டது.

ப்ரீ-மெட்ரிக் உதவித்தொகையைப் பெற விரும்புபவருடைய பெற்றோர் ஆண்டு வருமானம் ரூ.2 லட்சத்திற்கு மிகாமலும், போஸ்ட்-மெட்ரிக் உதவித்தொகையைப் பெற விரும்புவோரின் பெற்றோர் ஆண்டு வருமானம் ரூ.2.5 லட்சத்திற்கு மிகாமலும் இருக்க வேண்டும்.

இதுகுறித்த அனைத்து விரிவான தகவல்களுக்கும் www.socialjustice.nic.in.

60 சதவீத இளைஞர்களிடம் மன எழுச்சி வர வேண்டும்.-அப்துல்கலாம்

ராமநாதபுரம்: தற்போதைய பாடத்திட்டத்தில் 25 சதவீதத்தை குறைத்து, தொழில், பண்பாடு, திறன், அறிவு ஆகியவற்றில், மாணவர்களை மேம்படுத்த வேண்டும் என முன்னாள் ஜனாதிபதி அப்துல்கலாம் கூறியுள்ளார்.


ராமநாதபுரம் செய்யது அம்மாள் மேல்நிலைப் பள்ளியின், 50ம் ஆண்டு விழா நடந்தது. விழா கல்வெட்டை திறந்து வைத்து, முன்னாள் ஜனாதிபதி அப்துல்கலாம் பேசியதாவது: பள்ளிப்படிப்பை முடிக்கும் மாணவர்களுக்கு வழங்கப்படும், 10ம் வகுப்பு மற்றும் பிளஸ் 2 சான்றிதழ்களுடன், திறன் வளர்ப்பு சான்றிதழும் வழங்க வேண்டும்.

தற்போதைய பாடத்திட்டத்தில், 25 சதவீதத்தை குறைத்து, தொழில், பண்பாடு, திறன், அறிவு ஆகியவற்றில், மாணவர்களை மேம்படுத்த வேண்டும். இத்தகைய திறமைகளுடன் வெளியேறும் மாணவன், புதிய தொழில் முனைவோராக தகுதி பெறலாம்.

தரமான அனுபவக் கல்வி, நாளைய இந்தியாவின் வளர்ச்சிக்கு உதவும். தமிழகத்திலும் கல்வி சீர்திருத்தம் கொண்டுவர வேண்டும். தேவையற்ற படிப்புகளை தவிர்க்க வேண்டும்.

தன்னம்பிக்கை, பேச்சுத்திறன், தலைமை பண்பு, சுயநலம் ஒழிப்பு உள்ளிட்ட பண்புகளை மாணவர்களிடம் பெற்றோர், ஆசிரியர், அரசு இயந்திரங்கள், தன்னார்வ அமைப்புகள் எடுத்துச்செல்ல வேண்டும்.

கனவுதான் தன்னம்பிக்கை என்பதால், வெற்றிபெற வேண்டும் என கனவு காணுங்கள். எண்ணம் உயர்வாக இருந்தால் மனம் எழுச்சி பெறும். இந்தியாவில் உள்ள, 60 சதவீத இளைஞர்களிடம் மன எழுச்சி வர வேண்டும்.

ஒரு வகுப்பில் கடைசி வரிசை மாணவர்களையும், முன்வரிசை மாணவர்கள் பெறுகின்ற மதிப்பெண் எடுக்கும் அளவுக்கு, கற்பிக்கும் ஆசிரியரே சிறந்த ஆசிரியர். இவ்வாறு அவர் பேசினார்.

பொதுத்தேர்வு எழுத பயமா?; டயல் செய்யுங்க ‘104’

                பொதுத்தேர்வை எதிர்கொள்வதில் பயம் இருந்தால், ’104’ தொலைபேசி சேவையை அழைத்து, ஆலோசனை பெறலாம்’ என, கல்வித் துறை அறிவித்து உள்ளது.

இதுதொடர்பாக, கல்வித் துறை அதிகாரிகள் கூறியதாவது:

பிளஸ் 2, 10ம் வகுப்பு பொதுத்தேர்வு எழுதும் மாணவர்கள், தேர்வு சமயத்தில் பின்பற்ற வேண்டிய உணவுமுறை, தேர்வுக்காக உடல்நலத்தை தயார்படுத்துவது குறித்து, ’104’ஐ தொடர்பு கொண்டால், உரிய ஆலோசனைகள் வழங்கப்படும்.

முக்கியமாக, தேர்வை எதிர்கொள்ள பயப்படும் மாணவர்கள், ஞாபக மறதி போன்றவற்றை போக்கி, தைரியமாக தேர்வை எதிர்கொள்வது குறித்து ஆலோசனைகள் வழங்கப்படும்.

தேர்வு நேரத்தில், மாணவர்களிடம், பெற்றோர் எவ்வாறு நடந்து கொள்ள வேண்டும் என்பது குறித்தும், ஆலோசனை வழங்கப்படும். இந்த சேவை, 24 மணி நேரமும் வழங்கப்படும். மாணவர்கள் மற்றும் பெற்றோர் தொடர்பு கொண்டால், மனநல மருத்துவர் மற்றும் இரு ஆலோசகர்கள், ஆலோசனைகளை வழங்குவர். இவ்வாறு அதிகாரிகள் தெரிவித்தனர்.

எஸ்.டி. மாணவர்களுக்கான போஸ்ட்-மெட்ரிக் உதவித்தொகைகள் உயர்த்தப்பட்டன!

                                                             

                               பலவித பட்டப்படிப்புகள் மற்றும் டிப்ளமோ படிப்புகளை மேற்கொள்ளும், பழங்குடியின(எஸ்.டி) மாணவர்களுக்கான மத்திய அரசு வழங்கும் உதவித்தொகைகள் உயர்த்தப்பட்டுள்ளன. இந்த உயர்வானது, கடந்த 01-07-2010 முதல், முன்தேதியிட்டு வழங்கப்படும் என்று அறிவிக்கப்பட்டுள்ளது.

              மாணவர்கள் மேற்கொள்ளும் படிப்புகள், குரூப்-1, குரூப்-2, குரூப்-3, குரூப்-4 என்று நான்கு வகைப்படுத்தப்பட்டு, அதற்கேற்ப உதவித்தொகைகள் வரையறுக்கப்பட்டுள்ளன.

குரூப்-1 படிப்புகள் - மருத்துவம்(அலோபதிக், இந்திய மற்றும் பிற அங்கீகரிக்கப்பட்ட மருத்துவ படிப்புகள்), பொறியியல், தொழில்நுட்பம், திட்டமிடுதல், கட்டிடக்கலை, வடிவமைப்பு, பேஷன் தொழில்நுட்பம், விவசாயம், கால்நடை மற்றும் துணைநிலை அறிவியல்கள், மேலாண்மை, வணிக நிதி/நிர்வாகம், கணிப்பொறி அறிவியல்/பயன்பாடுகள் ஆகியவற்றில் இளநிலை, முதுநிலை, எம்.பில் மற்றும் பிஎச்.டி படிப்புகளை மேற்கொள்பவர்கள். 

                  வணிக பைலட் லைசன்ஸ்(ஹெலிகாப்டர் பைலட் மற்றும் மல்டிஎஞ்சின் ரேட்டிங்) படிப்பு, மேலாண்மை மற்றும் மருத்துவ படிப்புகளில், பலவித பிரிவுகளில், முதுநிலை டிப்ளமோ படிப்புகள். இவைத்தவிர, சி.ஏ/ஐ.சி.டபிள்யூ.ஏ/சி.எஸ்/ஐ.சி.எப்.ஏ. மற்றும் எல்.எல்.எம். போன்றவை.

குரூப்-2 படிப்புகள் - பார்மசி, நர்சிங், எல்.எல்.பி., பி.எப்.எஸ் மற்றும் இதர துணைநிலை மருத்துவ படிப்புகளான புனர்வாழ்வு, பரிசோதனை மற்றும் பொது மக்கள் தொடர்பு, ஹோட்டல் மேலாண்மை மற்றும் சமையல் கலை, டிராவல்/சுற்றுலா/விருந்தோம்பல் மேலாண்மை, உட்புற அலங்காரம், சத்துணவு மற்றும் உணவுக் கட்டுப்பாடு, வணிக வரைகலை, நிதி சேவைகள் போன்ற படிப்புகளில் இளநிலை, முதுநிலை மற்றும் சான்றிதழ் படிப்புகளை மேற்கொள்பவர்கள். (மேற்சொன்ன படிப்புகளில், மேல்நிலை பள்ளிப் படிப்பை தகுதியாக வைத்து சேர்ந்திருக்க வேண்டும்).

குரூப் - 3 படிப்புகள் - இளநிலை பட்டப்படிப்பு என்ற நிலையில் வரும் பி.ஏ./பி.எஸ்சி மற்றும் பி.காம். போன்ற படிப்புகளை மேற்கொள்பவர்கள். இந்த பிரிவில், குரூப்-1 மற்றும் குரூப்-2 பிரிவில் வரும் படிப்புகள் இடம்பெறாது.

குரூப் - 4  பள்ளிப்படிப்பை முடித்த பிறகு மேற்கொள்ளும், ஐ.ஐ.டி. மற்றும் டிப்ளமோ போன்ற பட்டப் படிப்பு அல்லாத படிப்புகள் இந்த பிரிவில் சேரும். இந்த படிப்புகளுக்கு உயர்நிலைக் கல்வித் தகுதியே(10 ம் வகுப்பு) போதும்.

                                மேலே குழு வாரியாக வகைப்படுத்தப்பட்ட படிப்புகளுக்கு முன்பு வழங்கப்பட்ட உதவித்தொகை விவரங்கள்:

                                           தினசரி வந்து செல்வோர்                            விடுதியில் தங்கி பயில்வோர்

குரூப்-1                                                    330                                                         740

குரூப்-2                                                    330                                                         510

குரூப்-3                                                    185                                                          355

குரூப்-4                                                     140                                                          235

தற்போது அறிவிக்கப்பட்டுள்ள புதிய உயர்வு விபரம்:

                                             தினசரி வந்து செல்வோர்                   விடுதியில் தங்கி பயில்வோர்

குரூப்-1                                                    550                                                    1200

குரூப்-2                                                    530                                                     820

குரூப்-3                                                    300                                                      570

குரூப்-4                                                    230                                                      380

இவைத்தவிர, உதவித்தொகை பெறும் எஸ்.டி. மாணவர்களது பெற்றோர்களின் ஆண்டு வருமான வரம்பும் உயர்த்தப்பட்டுள்ளன. அதன்படி, முன்பு இருந்த 1.45 லட்சம் வரம்பிலிருந்து, 2 லட்சம் என்ற அளவில் வருமான வரம்பு உயர்த்தப்பட்டுள்ளது.

எஸ்.டி. மாணவர்களுக்கான இந்த உதவித்தொகை திட்டங்களின்கீழ், கடந்த 2007-08 ம் ஆண்டில் 10.41 லட்சம் மாணவர்களும், 2008-09 ம் ஆண்டில் 12.57 லட்சம் மாணவர்களும், 2009-10 ம் ஆண்டில் 13.76 லட்சம் மாணவர்களும் பயனடைந்தனர். 2010-11 ம் ஆண்டில் 15.59 லட்சம் மாணவர்கள் பயனடைவார்கள் என்று எதிர்பார்க்கப்பட்டது.

இதைப்பற்றி மேலும் விரிவான விவரங்களை அறிய www.tribal.nic.in என்ற வலைதளத்தை அணுகவும்.     

பொறியியல் சேர்க்கை: மே துவக்கத்தில் விண்ணப்பம்; ஜூன் இறுதியில் கவுன்சிலிங்

சென்னை: பொறியியல் படிப்பு விண்ணப்பங்களை,
 மே முதல் வாரத்தில் வினியோகிக்கவும், ஜூன் இறுதி வாரத்தில் இருந்து கவுன்சிலிங் நடத்தவும்,
அண்ணா பல்கலை முடிவெடுத்து உள்ளது.
                 
       தமிழகத்தில், பிளஸ் 2 தேர்வுகள் மார்ச் 5ல்
 துவங்கி, 31ம் தேதி முடிவடைகிறது. தேர்வு
முடிவுகள் வெளியானதும் வழக்கம் போல், பொறியியல், மருத்துவம் உள்ளிட்ட விண்ணப்பங்கள் வழங்கப்படும்.
முதல் ஆய்வு கூட்டம்:
             இந்த ஆண்டுக்கான, பொறியியல் படிப்புகளுக்கு விண்ணப்பம் வழங்குதல், கவுன்சிலிங் நடத்துதல் தொடர்பான, முதல் ஆய்வு கூட்டம், அண்ணா பல்கலை துணைவேந்தர் ராஜாராமன் தலைமையில், நேற்று நடந்தது.
மாற்றம் இல்லை:
               இந்த ஆண்டு பொறியியல் கவுன்சிலிங்கில் மாற்றம் இல்லை. வழக்கம் போல், சென்னையில் மட்டுமே, கவுன்சிலிங் நடத்த முடிவெடுக்கப்பட்டுள்ளது. மேலும், கடந்த ஆண்டு, பொறியியல் படிப்புகளுக்கு, 2.40 லட்சம் விண்ணப்பங்கள் அச்சடிக்கப்பட்டு, 2.13 லட்சம் விண்ணப்பங்கள் வழங்கப்பட்டன.
            அதே போல், இந்த ஆண்டும், 2.40 லட்சம் விண்ணப்பங்கள் அச்சடிக்கப்படுகின்றன. இவை, மே முதல் வாரத்தில் இருந்து, 60 மையங்களில் வழங்கப்படும். விண்ணப்ப கட்டணத்தில் மாற்றம் ஏதும் இல்லை. ஆதிதிராவிடர், பழங்குடியினருக்கு, 250 ரூபாய்; பொதுப்பிரிவினருக்கு, 500 ரூபாய். கவுன்சிலிங், கடந்த ஆண்டை போல், இந்த ஆண்டும், ஜூன் இறுதி வாரத்தில் துவங்கும் என, பல்கலை வட்டாரத்தில் கூறப்படுகிறது.
’சீட்’ உயர்கிறது!
            கடந்த ஆண்டு, பொறியியல் கவுன்சிலிங்கில், 517 அரசு, தனியார் கல்லூரிகளில், 2.05 லட்சம் இடங்கள் இருந்தன. கவுன்சிலிங் முடிவில், 60 ஆயிரம் இடங்கள் காலியாக இருந்தன. இந்த ஆண்டு, 22 புதிய கல்லூரிகள் சேர்த்து, 539 பொறியியல் மற்றும் 44 பி.ஆர்க்., கல்லூரிகள் பங்கேற்கின்றன. இதனால், பொறியியல் இடங்களின் எண்ணிக்கை, 2.10 லட்சமாக உயர வாய்ப்பு உள்ளது.

பிளஸ் 2 பொதுத்தேர்வில் எந்த பேனாவை பயன்படுத்த வேண்டும்?

பிளஸ் 2 பொதுத்தேர்வு எழுதும் மாணவர்கள் வினாத்தாளில் கருப்பு, நீல மை பேனாக்களை மட்டுமே பயன்படுத்த வேண்டும்’ என அறிவுறுத்தப்பட்டு உள்ளது. 

பிளஸ் 2 பொதுத்தேர்வுகள் மார்ச் 5 ல் துவங்குகின்றன. விடைத்தாள்கள் தைக்கும் பணி முடிந்துள்ளது. விடைத்தாள் பயன்படுத்தும் முறை குறித்து மாணவர்களுக்கு தேர்வுத்துறை அறிவுரை வழங்கியுள்ளது.

அதன் விபரம்:

விடைத்தாளின் முகப்புத்தாளில் மாணவரின் கையெழுத்து மட்டுமே இட வேண்டும். மற்ற எந்த தாள்களிலும் குறியீடு, பெயர், தேர்வு எண் எழுதக் கூடாது. வினா எண்களை தவறாமல் எழுத வேண்டும்.

நீலம், கருப்பு மை பேனாவை மட்டுமே பயன்படுத்த வேண்டும். கலர் ஸ்கெட்ச், பென்சிலை தவிர்க்க வேண்டும். ஒவ்வொரு பக்கத்திலும் 20 முதல் 25 வரிகள் எழுத வேண்டும். வினாத்தாளை சேதப்படுத்துவது, கிழிப்பது போன்ற செயல்களில் ஈடுபடக்கூடாது. இவ்வாறு அறிவுறுத்தப்பட்டுள்ளது.

மனதின் குரல் நிகழ்ச்சி: மாணவர்களுடன் உரையாட பிரதமர் ஆலோசனை

பொதுத்தேர்வு மற்றும் போட்டி தேர்வுகளுக்கு தயாராகும் மாணவர்களுக்கு பயன்படும் வகையில் இம்மாதம் மனதின் குரல் வானொலி உரையில்
ஆலோசனைகளை வழங்குமாறு பிரதமர் நரேந்திர மோடி கேட்டுக் கொண்டுள்ளார்.

இது குறித்து பிரதமர் தெரிவித்தது,

இம்மாதம் நடைபெறும் மனதின் குரல் வானொலி நிகழ்ச்சியில் பள்ளி, கல்லூரி மாணவர்கள் மற்றும் போட்டித்தேர்வு எழுதும் மாணவர்களுக்கு பயன்படும் வகையில் நிகழ்ச்சி இருந்தால் நன்றாக இருக்கும் என்று ஆலோசித்து வருகிறேன்.

மாணவர்கள், பெற்றோர்கள் மற்றும் ஆசிரியர்கள், போட்டித் தேர்வுக்கு தயார் செய்து கொண்டிருக்கும் தங்களின் அனுபவங்களை பகிர்ந்து கொள்ளுங்கள்.

மேலும், மனதின் குரல் நிகழ்ச்சியில் உங்களின் எண்ணங்களை பகிர்ந்து கொள்வேன் என்று அவர் கூறியுள்ளார். கடந்த மாதம் மனதின் குரல் நிகழ்ச்சியில் அமெரிக்க அதிபர் ஒபாமா கலந்து கொண்டது குறிப்பிடத்தக்கது.

ஆயுத தயாரிப்பு தொழிற்சாலையில் பணி

மேற்கு வங்க மாநிலம் கோல்கத்தாவில் செயல்பட்டு வரும் இந்தியன் ஆர்டினன்ஸ் பேக்டரி எனப்படும் ஆயுத தயாரிப்பு தொழிற்சாலையின் டிரேடு அப்ரென்டிஸ் பிரிவில் காலியாக உள்ள பணியிடங்களை நிரப்ப தகுதியும் விருப்பமும் உள்ள
வர்களிடமிருந்து விண்ணப்பங்கள் வரவேற்கப்படுகின்றன.

வயது வரம்பு: 01.01.2014 தேதியின்படி 14 - 22க்குள் இருக்க வேண்டும்.

கல்வித் தகுதி: பத்தாம் வகுப்பு மற்றும் அதற்கு நிகரான படிப்பில் கணிதம் மற்றும் அறிவியல் பாடங்களில் குறைந்த பட்சம் 40 சதவீத மதிப்பெண்கள் பெற்றிருப்பதுடன் ஒட்டு மொத்த மதிப்பெண்களும்

குறைந்த பட்சம் 40 சதவீதமாக இருக்க வேண்டும். ஐடிஐ முடித்தவர்கள் இருந்தால் அப்படிப்பை என்.சி.வி.டி., அல்லது எஸ்.சி.வி.டி., அங்கீகாரம் பெற்றிருக்க வேண்டும்.

விண்ணப்பிப்பதற்கான கடைசி தேதி: 28.02.2015

மேலும் விண்ணப்பிக்கும் முறை, தேர்வு செய்யப்படும் முறை மற்றும் பயிற்சி கால உதவித்தொகை போன்ற முழுமையான விவரங்கள் அறிய http://ofbindia.gov.in/download/advt_54TA.pdf என்ற இணையதளத்தை பார்க்கவும்.

சி.ஐ.எஸ்.எப் காவல் படையில் பணி

பொதுத்துறை நிறுவனங்களின் பாதுகாப்பை உறுதி செய்யும் சென்ட்ரல் இன்டஸ்ட்ரியல் செக்யூரிடி போர்ஸ் எனப்படும் சி.ஐ.எஸ்.எப் காவல்  படையில் காலியாக உள்ள ஹெட் கான்ஸ்டபிள் பணியிடங்களை நிரப்ப தகுதியானவர்களிடமிருந்து விண்ணப்பங்கள் வரவேற்கப்படுகின்றன.

காலியிடங்கள்: 561 ( ஆண்- 531, பெண்கள்- 53)

பணி: ஹெட் கான்ஸ்டபிள்

வயது வரம்பு: 07.03.2015 தேதியின்படி 18 - 25க்குள் இருக்க வேண்டும்.

கல்வித் தகுதி: +2 முடித்திருக்க வேண்டும்.

உடல் தகுதி: ஆண் விண்ணப்பதாரர்களுக்கு குறைந்த பட்சம் உயரம் 165 செ.மீ, பெண் விண்ணப்பதாரர்களுக்கு குறைந்த பட்சம் உயரம் 155 செ.மீட்டரும் பெற்றிருக்க வேண்டும். உயரத்திற்கு ஏற்ற எடையும் பெற்றிருக்க வேண்டும்.

தேர்வு செய்யப்படும் முறை: பிஸிக்கல் ஸ்டாண்டர்ட்ஸ் தேர்வு, எழுத்துத் தேர்வு, ஸ்கில் தேர்வு மற்றும் மருத்துவப்பரிசோதனை மூலம் தகுதியானவர்கள் தேர்வு செய்யப்படுவார்கள்.

விண்ணப்பக் கட்டணம்: ரூ.50.  இதனை போஸ்டல் ஆர்டராக Asstt.Comdt (DDO) CISF, South Zone, Chennai என்ற பெயரில் GPO, CHENNAI -ல் மாற்றத்தக்க வகையில் எடுத்து அனுப்ப வேண்டும்.

விண்ணப்பிக்கும் முறை: பரிந்துரைக்கப்பட்ட விண்ணப்பப் படிவத்தை முழுமையாக நிரப்பி தேவையான சான்றிதழ் நகல்கள் இணைத்து பின்வரும் அஞ்சல் முகவரிக்கு அனுப்ப வேண்டும்.

DIG, CISF (South Zone)

Rajaji Bhawan “D” Block,

Besant Nagar, Chennai-90

பூர்த்தி செய்யப்பட்ட விண்ணப்பங்கள் சென்று சேர கடைசி தேதி: 07.03.2015

மேலும் முழுமையான விவரங்கள் அறிய www.davp.nic.in/WriteReadData/ADS/eng_19113_16_1415b.pdf என்ற இணையதளத்தை பார்க்கவும்.

மத்திய அரசு உதவித்தொகைக்கு விண்ணப்பிக்கும் தேதி நீட்டிப்பு

இந்திய அரசின் சமூகநீதி மற்றும் உரிமை வழங்கல் அமைச்சகம் மூலமாக, மாற்றுத் திறனாளி மாணவர்களுக்கு வழங்கப்படும் ப்ரீ-மெட்ரிக் மற்றும் போஸ்ட்-மெட்ரிக் உதவித்தொகைகளுக்கு விண்ணப்பிக்கும் கடைசித்தேதி, பிப்ரவரி 20 வரை நீட்டிக்கப்பட்டுள்ளது.

முன்பு, பிப்ரவரி 4ம் தேதிதான் கடைசித் தேதியாக அறிவிக்கப்பட்டிருந்தது. மொத்தம் 46 ஆயிரம் ப்ரீ-மெட்ரிக் உதவித்தொகைகளும், 16 ஆயிரத்து 650 போஸ்ட்-மெட்ரிக் உதவித்தொகைகளும் வழங்கப்படுகின்றன.

மாற்றுத்திறனாளி மாணவர்களுக்கான இந்த உதவித்தொகை திட்டம், 2014, ஏப்ரல் 1ம் தேதியிலிருந்து அறிமுகப்படுத்தப்பட்டது.

ப்ரீ-மெட்ரிக் உதவித்தொகையைப் பெற விரும்புபவருடைய பெற்றோர் ஆண்டு வருமானம் ரூ.2 லட்சத்திற்கு மிகாமலும், போஸ்ட்-மெட்ரிக் உதவித்தொகையைப் பெற விரும்புவோரின் பெற்றோர் ஆண்டு வருமானம் ரூ.2.5 லட்சத்திற்கு மிகாமலும் இருக்க வேண்டும்.

இதுகுறித்த அனைத்து விரிவான தகவல்களுக்கும் www.socialjustice.nic.in.

ஆன்லைன் சேர்க்கையைத் துவக்கிய சென்னை சி.பி.எஸ்.இ. பள்ளிகள்

                  சென்னை நகரிலுள்ள சி.பி.எஸ்.இ. பள்ளிகள்,    ஆன்லைன்        முறையிலான      மாணவர்  சேர்க்கையைத் துவங்கியுள்ளன.

சென்னை நகரிலுள்ள எஸ்.பி.ஏ.ஓ பள்ளி மற்றும் ஜுனியர் காலேஜ், பவன்ஸ் ராஜாஜி வித்யாஸ்ரம், அண்ணாநகர், கீழ்ப்பாக்கம் மற்றும்     விருகம்பாக்கம்      ஆகிய பகுதிகளிலுள்ள சின்மயா வித்யாலயா பள்ளிகள் மற்றும் மகரிஷி வித்யா மந்திர் பள்ளி போன்ற பள்ளிகள் அவற்றுள் முக்கியமானவை. இப்பள்ளிகளில் கவுன்டர்கள் திறக்கப்பட்டுள்ளன மற்றும் அவை இரண்டு நாட்களுக்கு திறந்திருக்கும்.

இதன்மூலம், பெற்றோர்கள், தங்களின் பிள்ளைகளுக்கான விண்ணப்பங்களை வாங்கி, ஆன்லைனில் பூர்த்திசெய்ய முடியும். மேலும், சில பள்ளிகளில், கட்டாய கல்வி உரிமைச் சட்டத்தின் 25% ஒதுக்கீட்டு சேர்க்கை விண்ணப்பங்களுக்காக, கவுன்டர்கள், 2 நாட்களுக்கும் மேலாக திறந்திருக்கும்.

இந்த புதிய நடைமுறையின் மூலமாக, பெற்றோர்கள் மகிழ்ச்சியடைந்துள்ளனர். அவர்கள் தரப்பில் கூறுப்படுவதாவது: புதிய ஆன்லைன் முறையால், விண்ணப்ப நடைமுறைகளுக்காக, பள்ளியில் வந்து மணிக்கணக்கில் காத்திருக்க வேண்டிய அவசியமில்லை.

மேலும், இந்த புதிய நடைமுறை, பழைய முறையைவிட வெளிப்படையாக இருக்கிறது மற்றும் முதலில் வருவோருக்கு முன்னுரிமை போன்ற குறைபாடுகள் இதன்மூலம் களையப்பட முடியும். அதுமட்டுமின்றி, வெளியூர்களில், வெளிமாநிலங்களில் மற்றும் வெளிநாடுகளில் இருந்தும்கூட, அட்மிஷனில் பங்கேற்கலாம் என்று தெரிவித்துள்ளனர்.

இதுதொடர்பாக பள்ளிகள் தரப்பில் கூறப்படுவதாவது: விண்ணப்ப நடைமுறைகள், ஆன்லைன் முறைக்கு கொண்டுவரப்பட்டுள்ளதால், பணிகள் எளிதாகியுள்ளன. இதன்மூலம், தரவுகளை(data) எளிதாக டவுன்லோடு செய்து, அவற்றை சரிபார்க்க முடியும்.

ஒரு குழந்தை சேர்க்கை பெற்றவுடன், அக்குழந்தையினுடைய அனைத்து விபரங்களையும், ஒரே கிளிக் செய்வதன் மூலமாக, பள்ளி registry -ல் பதிவேற்றம் செய்து வைத்துக்கொள்ள முடியும். இதுதவிர, 25% இடஒதுக்கீட்டு சேர்க்கையையும் சரியான முறையில் நடைமுறைப்படுத்த இந்த புதிய ஆன்லைன் முறை உதவிகரமாக இருக்கும். இவ்வாறு அவர்கள் கூறினர்.

மொபைலில் இலவச இணைய வசதி: ஃபேஸ்புக் வழங்குகிறது

ஃபேஸ்புக் நிறுவனம் இந்திய மொபைல் ஃபோன் வாடிக்கையாளர்களுக்கு இலவச இணையதள வசதியை அளிக்க உள்ளது. ரிலையன்ஸ் கம்யூனிகேஷன்ஸ் நிறுவனத்துடன் இணைந்து இச்சேவை வழங்கப்பட உள்ளது. இதன்படி தமிழகம், ஆந்திரா உள்ளிட்ட 6 மாநிலங்களில் உள்ள ரிலையன்ஸ் வாடிக்கையாளர்கள் இலவச இணையதள வசதியை பெற முடியும். இத்திட்டத்தின் மூலம் ஆரம்பத்தில் 33 வலைத்தளங்களை இலவசமாக பயன்படுத்தலாம் என ஃபேஸ்புக் தெரிவித்துள்ளது. இதே போன்ற இலவச சேவையை ஏர்டெல், வோடஃபோன் போன்ற நிறுவன வாடிக்கையாளர்களுக்குத் தருவது குறித்தும் பேசி வருவதாக ஃபேஸ்புக் தெரிவித்துள்ளது. உலகில் 500 கோடி வாடிக்கையாளர்களை பெற இன்டர்நெட் டாட் ஓஆர்ஜி என்ற பிரமாண்ட திட்டத்தை ஃபேஸ்புக் செயல்படுத்தத் தொடங்கியுள்ளது. இதன் ஒரு பகுதியாகவே இலவச இணைய வசதி அளிக்கப்படுகிறது. இத்திட்டத்தை ஏற்கனவே ஆஃப்ரிக்க நாடுகளில் ஃபேஸ்புக் செயல்படுத்த தொடங்கிவிட்டது.

கல்வி நிறுவனங்களில் அழகிப் போட்டிகள் நடத்தக் கூடாது: சென்னை உயர்நீதிமன்றம் உத்தரவு

கல்வி நிறுவனங்களில் அழகிப் போட்டிகள் நடத்தக் கூடாது என உடனடியாக சுற்றறிக்கை அனுப்புமாறு, தமிழக அரசுக்கு சென்னை உயர்நீதிமன்றம் உத்தரவிட்டுள்ளது. இதுதொடர்பான வழக்கை, தாமே முன் வந்து உயர்நீதிமன்றம் விசாரணைக்கு ஏற்றுக்கொண்டது. இதனை விசாரித்த நீதிபதி சிவஞானம், அழகி மற்றும் ஆணழகன் போட்டிகளை, பள்ளி மற்றும் கல்லூரிகளில் நடத்துவது ஆபத்தானது என குறிப்பிட்டுள்ளார். இந்த மாதிரியான அழகிப் போட்டிகள் நடத்த தடை விதிக்கப்படுவதாகவும் அவர் அறிவித்தார். இது குறித்து உடனடியாக சுற்றறிக்கை அனுப்புமாறும், தமிழக அரசுக்கு நீதிபதி ஆணையிட்டார். முன்னதாக சென்னை அண்ணா பல்கலைக்கழக மாணவி அப்ஸராவின் தாய், உயர்நீதிமன்றத்தில் வழக்கு ஒன்று தொடர்ந்துள்ளார். அதில், கடந்த 2013-ல் அண்ணா பல்கலைக்கழகத்தில் நடந்த அழகிப் போட்டியில், தமது மகள் முதலிடம் பிடித்ததாக தெரிவித்துள்ளார். அவருக்கு வழங்குவதாக அறிவித்த 5 லட்சம் ரூபாய் பரிசுத்தொகை, இதுவரை கொடுக்கப்படவில்லை எனவும், அதனை உடனே வழங்க உத்தரவிட வேண்டும் எனவும் அப்ஸராவின் தாய் வலியுறுத்திள்ளார்.

ரேடியோகிராபி படித்தால் வேலை ரெடி

          இன்றைய உலகில் மருத்துவத்துறையின் வளர்ச்சி அதிகரித்து   வருகிறது.  மருத்துவத்       துறையின்    ஒவ்வொரு பிரிவிலும்    துறை     வல்லுனர்களின் தேவை    உள்ளது. தற்போதைய சூழலில் மாணவர்கள் மருத்துவத்துறையில் அதிக ஆர்வம் காட்டி வருகின்றனர். அந்த வகையில் மருத்துவத்துறையின் ஒரு    பகுதியான ரேடியோகிராபி துறையில் மாணவர்களுக்கான வாய்ப்புகள் அதிகம் உள்ளது.

 

மருத்துவத்துறையில் நோய் கண்டறியும் பகுப்பாய்வு சோதனை என்பது மிகவும் முக்கியமானது. ஒரு நோயை குணப்படுத்துவதற்கான முதல் படிநிலை இதுவாகும். எக்ஸ்ரே, ப்ளுரஸ்கோபி, அல்ட்ராசவுண்ட், சி.டி.ஸ்கேன், எம்.ஆர்.ஐ., ஆங்கியோகிராபி, பி.இ.டி. தொழில் நுட்பம் போன்றவற்றை பயன்படுத்தி நோய் மற்றும் உடலுறுப்புகளின் சிக்கல்களை அறிவது ரேடியோகிராபி எனப்படும்.

எக்ஸ்ரே கருவி கண்டுபிடித்த பின்னர் 1895ம் ஆண்டு இந்தத் துறை உருவானது. பின்னர் மருத்துவ சோதனை முறையில் பல்லாண்டு காலமாக வளர்ச்சியடைந்து வருகிறது. இந்த ரேடியோகிராபி டயக்னோஸ்டிக், தெரபெடிக் என இரண்டு வகைப்படும். டயக்கோஸ்டிக் ரேடியோகிராபி என்பது ரேடியோ இமேஜிங் சாதனைகளை இயக்கி முடிவுகளை விளக்குவதாகும். தெரபெடிக் ரேடியோகிராபி என்பது ரேடியேஷன் தொழில் நுட்பத்தின் மூலமாக கேன்சர், அல்சர் மற்றும் கட்டிகளுக்கு சிகிச்சையளிப்பதாகும்.

* ரேடியோகிராபி படிக்க:

ரேடியோகிராபி என்பது துணை மருத்துவ அறிவியலின் ஒரு பகுதி. எனவே இதை படிக்க விரும்பும் மாணவர், பள்ளிப் படிப்பில் பயாலஜி, பிசியாலஜி, அனாடமி போன்ற படிப்புகளை படித்திருந்தால் மட்டுமே இத்துறையில் சாதிக்க முடியும். இளநிலை அளவில் ஒருவர் பி.எஸ்.சி. ரேடியோகிராபி படிப்பை மேற்கொள்ளலாம். இதில் சேர்வதற்கான குறைந்தபட்ச தகுதியாக இயற்பியல், வேதியியல், கணிதம் போன்ற படங்களை பள்ளிப்படிப்பில் முடித்திருக்க வேண்டும். மேலும் ஒருவருட சான்றிதழ் படிப்பு, 2 வருட டிப்ளமோ படிப்பு போன்றவை இத்துறையில் நுழைவதற்கான சிறந்த வாய்ப்புகளாகும். அதே சமயம் இவற்றைவிட பட்டப் படிப்பிற்கே மதிப்பு அதிகம். இத்துறையில் நுழைபவர்கள் பொதுவாக இளநிலைப்படிப்பை முடித்திருந்தாலும், முதுநிலை மற்றும் பி.எச்.டி படிப்புகளை முடிப்பது அரிதான ஒன்றாக இருக்கிறது.

* படிப்பினை வழங்கும் கல்வி நிறுவனங்கள்:

இத்துறையில் அதிகளவில் நிபுணர்கள் தேவைப்படுவதால் இந்தியாவில் ஏராளமான மருத்துவக் கல்வி நிறுவனங்கள் இப்படிப்பை வழங்குகின்றன. சென்னை, மங்களூர், டெல்லி, லூதியானா, விசாகப்பட்டினம், செகந்திராபாத், சிம்லா, போன்ற பகுதிகளில் உள்ள அனைத்து மருத்துவக் கல்லூரிகளும் இது தொடர்பான படிப்பினை வழங்குகிறது.

* இத்துறையின் வேலைவாய்ப்புகள்:

ரேடியோகிராபி நிபுணர்களின் தேவை நாளுக்கு நாள் அதிகரித்து வருகிறது. மருத்துவத்துறையில் பல நுட்பமான இயந்திரங்கள் தொடர்ந்து அறிமுகப்படுத்தப்படு வருவதால் இத்துறை நிபுணர்களின் தேவையும் அதிகரித்துள்ளது. இத்துறை சார்ந்தவர்களுக்கு உள்நாட்டிலும், வெளிநாட்டிலும் ஏராளமான வேலைவாய்ப்புகள் உள்ளன. அரசு மற்றும் தனியார் மருத்துவமனைகளில் இவர்களின் பங்கு மிகமுக்கியமானது. 

மருத்துவமனைகளை தவிர்த்து டயக்னோஸ்டிக் மையங்கள், சூப்பர் ஸ்பெஷாலிட்டி மருத்துவமனைகள் போன்றவற்றில் ரேடியோகிராபி நிபுணர்கள் அதிக வேலை வாய்ப்பை பெறலாம். மேலும் இத்துறையில் சுயதொழில் வாய்ப்புகள் அதிகம். சொந்தமாக டியக்னோஸ்டிக் மையங்களை அமைத்து நடத்தலாம். மேலும் மருத்துவக்கல்லூரிகள் மற்றும் பிற கல்வி நிறுவனங்களில் ஆசிரியர்களாக பணியாற்றலாம். இந்திய ரேடியோகிராபர்களுக்கு ஐரோப்பிய நாடுகள், அமெரிக்கா மற்றும் வளைகுடா நாடுகளில் அதிக வேலை வாய்ப்புகள் உள்ளன.

* சம்பளம்:

அரசு மருத்துவமனைகளில் பணிபுரியும் ரேடியோகிராபர்கள் ஆரம்பத்தில் 8 ஆயிரம் முதல் 12 ஆயிரம்வரை சம்பளம் பெறுகிறார்கள். தனியார் துறையில் இப்பிரிவிற்கு அபிரிமிதமான சம்பளம் கிடைக்கிறது. 2 வருட அனுபவம் இருந்தாலே ஒரு நல்ல ரேடியோகிராபர் ரூ. 40 ஆயிரம் முதல் 60 ஆயிரம் வரை எதிர்பார்க்கலாம். இத்துறையில் தொடர்ச்சியான ஏற்றம்காண ஒருவர் தனது திறமையை தொடர்ந்து நிரூபித்து வரவேண்டும்.

இத்துறையில் பட்டப் படிப்பு முடிக்காமல் சான்றிதழ் அல்லது டிப்ளமோ முடித்திருந்தால் ஒரு ரேடியோகிராபருக்கு உதவியாளராய் சேர்ந்து மாதம் ரூ.3 ஆயிரம் முதல் 6 ஆயிரம் வரை ஊதியமாகப் பெறலாம். அதேசமயத்தில் முதுநிலை பட்டம் பெற்றவர் எந்தப் பணி அனுபவமும் இல்லாமலேயே ஆரம்ப ஊதியமாக ரூ.20 ஆயிரத்திற்கு மேல் பெறலாம். இதில் அனுபவம் வந்துவிட்டால் சம்பளம் மிகவும் அதிகம். வெளிநாட்டில் பனியாற்றும் இந்திய ரேடியோகிராபர்கள் நல்ல சம்பளத்துடன் பல சலுகைகளையும் பெறுகின்றனர்.