சுனாமி: "6 வருடங்களாக வீடில்லை"

சுனாமி அனர்த்தம் ஏற்பட்டு 6 வருடங்கள் கடந்து விட்ட போதிலும் இலங்கையில் மிக மோசமாக பாதிக்கப்பட்ட அம்பாறை மாவட்டத்தில் வீடுகளை இழந்தவர்களின் வீடில்லா பிரச்சினை இன்னமும் தீர்ந்தபாடில்லை என பாதிக்கப்பட்டவர்கள் கூறுகின்றார்கள்.

இம்மாவட்டத்தில் சுனாமியினால் இருப்பிடமிழந்தவர்களில் அநேகமானோருக்கு மீண்டும் இருப்பிடங்கள் கிடைத்துவிட்ட போதிலும் குறிப்பாக சாய்ந்தமருது பிரதேசத்தைச் சேர்ந்த 405 குடும்பங்கைளக் கொண்ட சுமார் 2000 பேர் இன்னமும் தற்காலிக இருப்பிடங்களிலும் உறவினர்கள்,நண்பர்கள் வீடுகளிலும் தொடர்ந்தும் தங்கியிருக்கின்றார்கள்.

6 மாதங்களுக்கென அமைக்கப்பட்ட தற்காலிக கொட்டில்களில் கடந்த 6 வருடங்களாக போதிய அடிப்படை வசதிகளின்றி நெருக்கடியான நிலையில் இவர்களில் கணிசமான குடும்பங்கள் வாழ்ந்து வருவதாக சாய்ந்தமருது ஜூம்மா பள்ளிவாசல் தலைவரான அப்துல் முனாகீர் கூறுகிறார்.

தங்களின் இந்த நிலை குறித்து ஜனாதிபதி, முஸ்லிம் அமைச்சர்கள், பாராளுமன்ற உறுப்பினர்கள் என 14 பேருக்கு மகஜர்களை அனுப்பி வைத்திருந்த போதிலும் ஜனாதிபதி மற்றும் வேறு ஒரு சிலரிடமிருந்தே பதில் கிடைத்துள்ளது என்கின்றார்.


வீடில்லாத காரணத்தினால் தமது பெண் பிள்ளைகளின் திருமணங்கள் கூட தடைப்படுவதாக அங்குள்ள பெற்றோர்களில் பலரும் கவலையடைந்தவர்களாக காணப்படுகின்றார்கள்.

தனது 22 வயது பெண் பிள்ளைக்கு 4 இடங்களில் மாப்பிள்ளை பார்த்ததாகவும், ஆனால் வீடில்லாத காரணத்தால் எந்த ஒரு இடத்திலிருந்தும் சாதகமான முடிவுகள் கிடைக்கவில்லை என்றும் அம் முகாமில் வசித்து வரும் இளையம்மா மன்சூர் என்ற தாய் தனது கவலையை வெளியிட்டார்.

இவர்களுக்கு வீடுகளை அடுத்த ஆண்டு அமைத்துக் கொடுப்பதற்கு பொருளாதார அபிவிருத்தி அமைச்சு மற்றும் "இவாட் " நிறுவனமும் முன்வந்துள்ளதாகக் கூறும் பிரதேச செயலாளர் ஏ.எல்.எம். சலீம், அடுத்த சில் மாதங்களில் இதற்கான வேலைகள் ஆரம்பிக்கப்படும் என்கின்றார்.

ஆனால் அடுத்த ஓரிரு மாதங்களுக்குள் வீட்டுத் திட்ட வேலைகள் ஆரம்பிக்கப்படாது போனால் தாம் வீதியிலிறங்கி போராடத் தயாராகி விட்டதாக வீடற்ற பலரும் கூறுகின்றார்கள்

பெரியபட்டிணம் அருகே படகு கடலில் மூழ்கி 20 பேர் பலி

ராமநாதபுரம் மாவட்டம் கீழக்கரை அருகே உள்ள பெரியபட்டணம் பகுதியைச் சேர்ந்த சிலர் கடலில் படகுகளில் சென்றபோது ஒரு படகு கவிழ்ந்தது. இதில் 10 பெண்கள் உள்பட 20 பேர் உயிரிழந்தனர். பலி எண்ணிக்கை மேலும் அதிகரிக்கும் என அஞ்சப்படுகிறது.

கீழக்கரை அருகே உள்ளது பெரியபட்டணம். இங்குள்ள மீனவர் கிராமத்தைச் சேர்ந்தவர்களில் பெரும்பாலானவர்கள் வெளிநாடுகளில் வேலை பார்த்து வருகின்றனர். இங்கு வசிக்கும் அனைவருமே முஸ்லீம் சமுதாயத்தினர் ஆவர்.

தற்போது விடுமுறைக்காக வெளிநாடுகளிலிருந்து ஊர் திரும்பியிருந்தனர். இந்த நிலையில், சீனி உருது என்பவரது குடும்பத்தினரும், ஆஸ்திரேலியாவில் இருந்து கடந்த வாரம் வந்திருந்த அவரது உறவினர்களும் சுற்றுலா செல்ல திட்டமிட்டனர்.

இன்று 26/12/2010 காலை அவர்கள் 2 மோட்டார் பொருத்தப்பட்ட நாட்டுப்படகுகளில் பெரிய பட்டிணத்திலிருந்து 7 கடல் மைல் தூரத்தில் உள்ள அப்பா தீவு மற்றும் முள்ளித் தீவுக்குப் புறப்பட்டனர். ஒரு படகில் ஆண்கள் 20 பேரும் மற்றொரு படகில் குழந்தைகள் உள்பட பெண்கள் 20 பேரும் சென்று கொண்டிருந்தனர்.

தீவுக்கு சற்று தொலைவில் ஆண்கள் பயணித்த படகு சென்றபோது பின்னால் பெண்கள் வந்த படகை காணவில்லை. அந்த படகை தேடியபோது, கண்ணுக்கு எட்டிய தூரம் வரை தென்படவில்லை. இதனால் அதிர்ச்சியடைந்த அவர்கள் பெரியபட்டிணத்தில் உள்ள தங்களது உறவினர்கள் மற்றும் மீனவர்களுக்கு செல்போன் மூலம் தகவல் கொடுத்தனர்.

இதையடுத்து சுமார் 20-க்கும் மேற்பட்ட விசைப்படகுகளில் மீனவர்கள் கடலுக்குள் புறப்பட்டனர். தீவை ஒட்டியுள்ள 4 பகுதிகளுக்கும் தனித்தனியாக பிரிந்து சென்ற அவர்கள் மாயமான படகை தேடினர்.

இந்த தகவல் ராமநாதபுரம் மாவட்ட கலெக்டர் ஹரிகரனுக்கும் தெரிவிக்கப்பட்டது. உடனே கடலோர காவல்படையினர் மற்றும் கடற்படை வீரர்கள் தேடும் பணியை தீவிரப்படுத்தினர். மாயமான படகை தேடும் பணியில் ஹெலிகாப்டரும்,அதிநவீனஹோவர்கிராப்ட்படகும் ஈடுபடுத்தப்பட்டுவருகிறது.

மீட்பில் பாப்புலர் பிரன்ட் ஆப் இந்தியா மற்றும் தமிழ்நாடு முஸ்லிம் முன்னேற்றக்கழகம்

அவர்களுடன் பாப்புலர் பிரன்ட் ஆப் இந்தியா மற்றும் தமிழ்நாடு முஸ்லிம் முன்னேற்றக்கழக தொண்டர்களும் ஈடுபட்டுள்ளார்கள் என்று களத்திலிருந்து கிடைக்கும் செய்திகள் தெரிவிக்கின்றன.

இதற்கிடையே மாயமான படகு பலத்த காற்று காரணமாக நடுக்கடலில் மூழ்கியது. அந்த பகுதிக்கு கடற்படையினர் விரைந்தனர். கடலில் மூழ்கி பிணமாக மிதந்த பரக்கத் (36), ஹபீப்நிஷா (38) உள்பட 20பேரின் உடல்கள் இதுவரை மீட்கப்பட்டுள்ளன. கடலில் மிதந்தபடி போராடிக் கொண்டிருந்த 2 குழந்தைகள் உள்பட 11 பேரை மீட்டு கரைக்கு கொண்டு வந்தனர். அவர்களை ராமநாதபுரம் அரசு மருத்துவமனையில் சேர்த்துள்ளனர்.

மீட்கப்பட்டவர்களுக்கு தீவிர சிகிச்சை அளிக்கப்படுகிறது. 20 பேர் வரை இறந்துள்ளதாக உறுதிப்படுத்தப்படாத ஒரு தகவல் தெரிவிக்கிறது.

கடலில் படகு மூழ்கிய தகவல் கிடைத்ததும் பெரியபட்டிணத்தை சேர்ந்தவர்கள் கடற்கரைக்கு திரண்டு வந்தனர். உரிய அனுமதி இல்லாமல் இவ்வாறு சுற்றுலாப் பயணிகளை சட்டவிரோதமாக யார் கடலுக்குள் அழைத்துச் சென்றது என்பது குறித்து விசாரித்து வருவதாக கடலோரக் காவல் படையின் டிஎஸ்பி தியாகராஜன் தெரிவித்துள்ளார்.

இந்த சம்பவத்தால் பெரியபட்டணம் பகுதி பெரும் சோகமயமாக காணப்படுகிறது

ஐஐடியில் பொறியியல் (B.E/B.Tech) படிக்க IIT-JEE 2011

அதிக பணம் கொட்டி கொடுத்து தனியார் கல்லுரிகளில் மாணவரகளை B.E/B.Tech சேர்த்தாலும் தரமான கல்வி இல்லை, படித்து முடித்த பிறகு வேலை இல்லை, வேலை கிடைத்தாலும் படித்ததற்க்கான வேலை கிடைக்கவில்லை என்ற குறைபாடு முஸ்லீம் சமுதாயத்தில் அதிகமாகவே உள்ளது. கற்பனை செய்துபாருங்கள் : மிக குறைந்த செலவில் உலக தரத்தில் நல்ல தரமான கல்வி, கல்வி கட்டணம் (பீஸ்) கட்ட வசதி இல்லாத மாணவர்களுக்கு உடனடியாக இலவச கல்வி உதவி தொகை, படித்து முடிப்பதற்க்குள் மாதம் பல ஆயிரம் ரூபாய் சம்பளத்தில் வேலை, இலவசமாக வெளி நாட்டில் மேல்படிப்பு படிக்க வாய்ப்பு, கேட்க எவ்வளவு நன்றாக இருக்கின்றது. இது கற்பனை அல்ல இப்படி ஒரு கல்வி நிறுவனம் இருக்கின்றது. அதுதான் மத்திய அரசால் நடத்தப்படும் சென்னை உட்பட நாட்டின் பல்வேறு பகுதியில் உள்ள ஐஐடி.

தனியார் கல்லூரிகளை விட இங்கு கல்வி கட்டணம் குறைவு, வசதி இல்லாத மாணவர்களுக்கு மத்திய அரசின் இலவச கல்வி உதவி தொகை (ஐஐடி-யில் படிக்கும் முஸ்லீம் மாணவர்களுக்கு மத்திய அரசு சிறப்பான இலவச கல்வி உதவி திட்டத்தை அமல்படுத்தி வருகின்றது). இங்கு உலக தரத்தில் கல்வி கற்று கொடுக்கப்படுகின்றது. படித்து முடிப்பதற்க்குள் மாதம் பல ஆயிரம் சம்பளத்தில் வேலை (தற்போது ஐஐடி-யில் படிக்கும் இறுதி ஆண்டு படிக்கும் மாணவர்களுக்கான மாத சம்பளம் ரூ.1,00,000 இருந்து ரூ.30 ஆயிரம் வரை). மாதம் இலட்சங்களை வாங்கிகொண்டு வெளி நாட்டில் மேல்படிப்பு படிக்க வாய்ப்புகள். இவை அனைத்தும் உள்ள ஒரே கல்வி நிறுவனத்தில் முஸ்லீம்களின் எண்ணிக்கை மிக மிக குறைவு.

இங்கு படிக்க நாம் என்ன செய்ய வேண்டும்?
இங்கு சேர மத்திய அரசு பல்வேறு நுழைவு தேர்வுகளை நடந்துகின்றது, அந்த நுழைவு தேர்வுகளில் தேர்ச்சி பெற்றால் போதும்,

இட ஒதுக்கீடு : ஐஐடி-யில் (முஸ்லீம்களையும் சேர்த்து) பிற்படுத்தபட்ட வகுப்பினருக்கா 27% இட ஒதுக்கீடு உள்ளது.

IIT-JEE 2011 : தற்போது ஐஐடி-யில் (IISc-யையும் சேர்த்து) +2 படித்த மாணவர்கள் 2011 ஆண்டு பொறியியல் படிப்பிற்க்கு சேர்வதற்க்கான நுழைவு தேர்வின் (IIT-JEE 2011) விண்ணப்பம் விணியோகிகப்பட்டு வருகின்றது. (தேர்வை பற்றிய விபரங்கள் அட்டவணை இடம் பெற்றுள்ளது). மேலும் விபரம் www.jee.iitm.ac.in இந்த இணையதளத்தில் உள்ளது
யார் இந்த தேர்வை எழுத முடியும்?
2010-ல் தேர்சி பெற்ற மாணவர்கள் மற்றும் 2011-ல் தேர்வு எழுத உள்ள மாணவர்கள் இந்த தேர்வை எழுதலாம். மாணவர் அதிகபட்சமாக இரண்டு முறை மட்டுமே IIT-JEE தேர்வு எழுத முடியும். +2-வில் கணிதம், இயற்பியல், வேதியியல் படிக்கும் மாணவர்கள், +2 வொகேஷனல் (vocational) குரூப் படிக்கும் மாணவர்கள். 3 ஆண்டு டிப்ளமோ படித்த மாணவர்கள். +2-வில் குறைந்த்தது 60% மதிப்பெண் பெற்றிருக்க வேண்டும்.
இந்த தேர்வுக்கு தயாராவது எப்படி?
இது வருடா வருடம் நடக்கும் தேர்வாகும். எனவே கடந்த 5 ஆண்டு கேள்விதாள்களை பார்த்தால் பாடத்தின் எந்த பகுதியில் இருந்து கேள்விகள் கேட்கப்படுகின்றது என அறிந்து கொள்ளலாம். அந்த பாட பகுதிகளை நன்றாக ஆராய்ந்து படித்தாலே போதும். மேலும் CBSC-யின் +2 ஆம் வகுப்பு புத்தகங்கள் வாங்கிபடித்தால் இது போன்ற தேர்வுகளுக்கு பயன் உள்ளதாக இருக்கும்.

இந்த கேள்விதாள்கள், புத்தகங்கள் முக்கிய புத்தக கடைகளில் கிடைக்கும். குறிப்பாக சென்னை மூர்மார்க்கெட் பகுதியில் உள்ள புத்தக கடைகளில் கிடைக்கும்.

இந்த தேர்வை எழுதும் முஸ்லீம் மாணவரகளின் எண்ணிக்கை மிக மிக குறைவு, காரணம், இந்த நுழைவு தேர்வுகளை பற்றி முஸ்லீம் சமுதாயம் அறியாமல் இருப்பதும், அறிந்திருந்தாலும் இதெல்லாம் மிக கடினம் என்று ஒதுக்கி விடுவதாலும் தான், உண்மையில் நன்றாக படிக்கும் மாணவ மாணவிகளுக்கு இத்த தேர்வுகள் கடினமில்லை. மாணவர்களே! தேர்வுகள் கடினம் என்ற தவறான சிந்தனையை குப்பையில் போடுங்கள், எந்த தேர்வையும் சந்தித்து சாதிக்க நம்மோடு அல்லாஹ் இருகின்றான், அல்லாஹ்விம் மீது நம்பிக்கைவையுங்கள் அவனிடம் வலியுத்தி கேளுங்கள், கடினமாக உழைத்து படியுங்கள் நிச்சயம் அல்லாஹ் நமக்கு வெற்றியை தருவான் இன்ஷா அல்லாஹ். தேர்வை பற்றி மேலும் விபரம் அறிய மற்றும் உங்கள் சந்தேகங்களுக்கு sithiqu.mtech@gmail.com இந்த மெயிலுக்கு தொடர்புகொள்ளவும்

- S.சித்தீக்.M.Tech

IIT-JEE 2011 தேர்வை பற்றிய விபரம்

விண்ணப்பம் சமர்பிக்க கடைசி தேதி :



டிசம்பர் – 20 இன்ஷா அல்லாஹ்

(ஆன்லைனில் சமர்பிக்க கடைசி தேதி டிசம்பர் 15)

தேர்வு நடைபெறும் தேதி

ஏப்ரல் – 10

இரண்டு தேர்வுகள் (காலை மற்றும் மாலை) இன்ஷா அல்லாஹ்

தேர்வு முடிவுகள் வெளிவரும் தேதி

மே – 25 இன்ஷா அல்லாஹ்

பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி

Chairmen, JEE, IIT Madras, Chennai - 600036

Phone : 044-22578220

விண்ணப்பங்கள் கிடைக்கும் இடம் :

சென்னை ஐ.ஐ.டி மற்றும் தமிழகத்தில் பல்வேறு இடங்களில் உள்ள இந்தியன் வங்கி கிளைகள்

விண்ணப்பத்தின் விலை :

Rs.1,000,

(ஆன்லைனில் சமர்பிக்கும் விண்ணப்பம் ரூ. 900)

ஆன்லைனில் விண்ணப்பங்களை பூர்த்தி செய்ய

www.jee.iitm.ac.in/online2011



வயது வரம்பு

அக்டோபர் 1, 1986 ஆம் ஆண்டிற்க்கு பிறகு பிறந்திருக்க வேண்டும்

நீரா ராடியாவுக்கு பேருதவி புரிந்தார் பாஜகவின் அனந்த்குமார்: முன்னாள் பார்ட்னர் தீரஜ் சிங்

நீரா ராடியாவுடன் முன்பு இணைந்து செயல்பட்டவர் சிங். தற்போது நீரா ராடியா குறித்த பல தகவல்களை அவர் அம்பலப்படுத்தியுள்ளார். அதில் முக்கியமாக பாஜகவுடன் ராடியாவுக்கு எந்த அளவுக்கு நெருக்கமான தொடர்பு இருந்தது, பாஜக ராடியாவுக்காக என்னென்ன செய்தது என்பதையும் அவர் அம்பலப்படுத்தியுள்ளார்.

ராடியா மகனை கடத்தியவர்:

ராடியாவின் அனைத்து செயல்பாடுகளையும் அறிந்து வைத்திருப்பவர் சிங். அவருடன் தொழில் பார்ட்னராக இருந்தார். பின்னர் ராடியாவின் மகன் கரணை கடத்திய வழக்கில் கைது செய்யப்பட்டு 2 ஆண்டு சிறைவாசம் அனுபவித்தவர். 1995ம் ஆண்டு முதல் 2002 வரை ராடியாவுடன் இணைந்திருந்தார் சிங். அப்போது ராடியா நடத்தி வந்த கிரவுன் மார்ட் இன்டர்நேஷனல் நிறுவனத்தில் இவரும் ஒரு பார்ட்னராக இருந்தார்.

ராடியா குறித்து அவர் இந்தியா டுடே இதழுக்கு அளித்துள்ள பேட்டி...

நான் முதல் முறையாக ராடியாவை சந்தித்தது 1994ம் ஆண்டுதான். அப்போது நான் சஹாரா ஏர்லைன்ஸ் நிறுவனத்தில் போக்குவரத்து கண்காணிப்பாளராக பணியாற்றி வந்தேன். ராடியா, சஹாராவின் ஆலோசகராக இருந்தார். பின்னர் தனது சொந்த நிறுவனமான கிரவுன் மார்ட் நிறுவனத்தில் பணியாற்ற என்னை அழைத்தார். பின்னர் இருவரும் 1995ல் மும்பைக்கு இடம் பெயர்ந்தோம். அங்கு சில நிறுவனங்களையும், ஹோட்டல் தொழிலையும் மேற்கொண்டார் ராடியா.

கேஎல்எம் யுகே நிறுவனத்துக்கு உதவிய ராடியா:

பின்னர் டெல்லிக்கு இடம் பெயர்ந்தார் ராடியா. அங்கு மோடிலப்ட் நிறுவனத்திற்கு இரண்டு விமானங்களை விற்பது தொடர்பாக எங்களை அணுகியது கேஎல்எம் யுகே. நிறுவனம். ஆனால் சில எண்ணை நிறுவனங்களுக்குத் தர வேண்டிய பண பாக்கிக்காக அந்த விமானங்கள் பறிமுதல் செய்யப்பட்டன.

இந்த வழக்கிலிருந்து விடுபட எங்களது உதவியை நாடியது கேஎல்எம். இந்தியாவில் என்ன செய்தால் காரியத்தை சாதிக்க முடியும் என்பது அனைவருக்கும் தெரியும். நாங்கள் வக்கீல்கள் மூலமாக கடுமையாக முயன்றோம். கடைசியில், விமானங்களை விடுவிக்க டெல்லி கோர்ட் உத்தரவிட்டது. விமானங்களை விடுவிப்பதற்காக எங்களது நிறுவனம் ரூ. 2.5 கோடியை செலவிட்டது.

'பாஜக ஆட்சியில் ராடியா செல்வாக்கு உயர்ந்தது':

மத்தியில் 1998ம் ஆண்டு பாஜக தலைமையிலான தேசிய ஜனநாயக்க கூட்டணி ஆட்சிக்கு வந்த பிறகுதான் ராடியாவின் செல்வாக்கு பல மடங்கு உயர்ந்தது. அதிலும், அனந்த்குமார் மத்திய விமானப் போக்குவரத்து அமைச்சரான பின்னர்தான் ராடியா வேகமாக வளர்ந்தார்.

கேஎல்எம் விவகாரத்தை வெற்றிகரமாக டீல் செய்ததால் ராடியாவை பல விமான நிறுவனங்கள் அணுகின. சஹாராவுக்காக சில ஹெலிகாப்டர்களை நாங்கள் வாங்கிக் கொடுத்தோம். ஏர்பஸ் கன்சார்டியம் ராடியாவுக்கு முழு ஆதரவாக இருந்தது. கர்நாடகா, மகாராஷ்டிர அரசுகளுக்கு யூரோகாப்டர்களை பெற்றுக் கொடுத்தார் ராடியா. அப்போது மகாராஷ்டிராவில் பாஜக அரசு இருந்தது.

இழுத்துப் போட்டு உதவிய அனந்த்குமார்:

மறுபக்கம் அனந்த்குமாருடன் தனது உறவை நெருக்கமாக்கிக் கொண்டார் ராடியா. எங்களுக்காக பல விஷயங்களை அனந்த்குமார் இழுத்துப் போட்டுக் கொண்டு செய்தார்.

அரசின் பல ரகசிய தகவல்களை பெற்று அவற்றை பிரான்ஸ் உள்ளிட்ட பல்வேறு நாடுகளில் உள்ள தனது வாடிக்கையாளர்களுக்கு அனுப்புவார் ராடியா. சில சமயங்களில் பாதுகாப்பு தொடர்பான ஒப்பந்தங்களைக் கூட அவர் பெற முயன்றதுண்டு.

ஒருமுறை நான், ராடியா, அவரது சகோதரி கருணா ஆகியோர் ஜூரிச் சென்றோம். சுவிஸ் வங்கியில் கணக்கு தொடங்குவதற்காக அங்கு சென்றோம். இதற்கு பாஸ்போர்ட் தகவலே ஆதாரம். எந்த வங்கியில் கணக்கு தொடங்கப்பட்டது என்ற தகவலும் என்னிடம் உள்ளது.

சுவிஸ் வங்கியில் பணம்:

1998 முதல் 2001 வரை பல்வேறு டீல்கள் மூலம் ராடியா சம்பாதித்த பணத்தையெல்லாம் ஜூரிச் வங்கியில்தான் போட்டு வைத்துள்ளார். அதேபோல சேனல் தீவிலும் ஒரு வங்கிக் கணக்கை அவர் வைத்துள்ளார். எவ்வளவு பணம் என்பது எனக்குத் தெரியாது. ஆனால் கணிசமான பணம் உள்ளது என்பது மட்டும் உறுதி.

ஜெட் ஏர்வேஸை முடக்கிய ராடியா:

ஒருமுறை ஜெட் ஏர்வேஸ் விமானம் வாங்க அனுமதி கோரி சிவில் விமானப் போக்குவரத்துத் துறையின் அனுமதிக்காக விண்ணப்பித்திருந்தது. ஆனால் அதை தனது செல்வாக்கால் முடக்கி வைத்தார் ராடியா. இதனால் ஜெட் ஏர்வேஸ் அதிபர் நரேஷ் கோயல், ராடியா மீது கடும் கோபமடைந்தார். மேலும், பிரான்ஸ் விமானத் தயாரிப்பு நிறுவனமான ஏடிஆரை அணுகி, நரேஷ் கோயல் விமானத்தை முடக்கிப் போட அரசு திட்டமிட்டுள்ளது. எனவே நீங்கள் விற்க வேண்டாம். மேலும், கோயல் பணம் தர மாட்டார். நீங்கள் எங்களிடம் விற்றால் உடனடியாக பணம் கிடைக்கும் என்று கூறினார் ராடியா.

இதை ஏடிஆர் நிறுவனமும் ஏற்றது. இந்த டீல் மூலம் ரூ. 1.86 கோடி பணம் எங்களுக்குக் கிடைத்தது.

அனந்த்குமாருடன் மட்டும் நிற்கவில்லை ராடியாவின் பாஜக தொடர்புகள். அவரையும் தாண்டி வியாபித்திருந்தது. இதன் காரணமாக 2002ம் ஆண்டு வசந்த் கன்ச் பகுதியில் நீராவின் டிரஸ்டுக்காக பெரிய அளவிலான நிலத்தை பாஜக அரசு ஒதுக்கிக் கொடுத்தது. அதன் அடிக்கல் நாட்டு விழாவில் அத்வானி கலந்து கொண்டார்.

டாடாவின் அறிமுகம்:

சிங்கப்பூர் ஏர்லைன்ஸ் நிறுவனம் தனது இந்திய விமானங்களின் எண்ணிக்கையை அதிகரிப்பது தொடர்பாக ராடியாவுடன் பேச்சுவார்த்தையில் ஈடுபட்டபோதுதான் ராடியாவின் செல்வாக்கு குறித்து ரத்தன் டாடாவுக்கு தெரிய வந்து, அவர்களுக்கிடையே அறிமுகம் ஏற்பட்டது.

டாடா குழுமத்துடன் ராடியா நெருக்கமாக ஆரம்பித்த பின்னர் எனக்கும், ராடியாவுக்கும் இடையிலான உறவில் சரிவு ஏற்பட்டது. அதற்குக் காரணம் ஜூரிச் வங்கியில் போட்டு வைத்திருந்த பணத்தால்தான். எனக்கு ராடியா ரூ.1.2 கோடி பணம் தர வேண்டியிருந்தது. ஆனால் அவர் தரவில்லை. இதுதொடர்பாக எங்களுக்குள் மோதல் ஏற்பட்டது. பணத்தை எடுத்து வருவதில் சிக்கல் இருப்பதாக கூறினார் ராடியா. ஆனால் அது உண்மையில்லை என்பது எனக்குத் தெரியும்.

எனக்குப் பணம் தராமல் இழுத்தடித்த ராடியா, தனது பணத்திலிருந்து ஒரு பகுதியை ஒரு பாஜக தலைவருக்குக் கொடுத்தார்.

அதிகார பேரம் தவிர ஹவாலா, பண மோசடி ஆகியவற்றையும் செய்து வந்தார் ராடியா.

இவ்வாறு கூறியுள்ளார் சிங்.

அனந்த்குமாரை நான் அறிமுகப்படுத்தவில்லை-சுவாமிகள்:

இதற்கிடையே கர்நாடகத்தி்ன் பெஜாவர் மடாதிபதி விஸ்வதீர்த்த சுவாமிகள் தான் ராடியாவை, அனந்த்குமாருக்கு அறிமுகப்படுத்தி வைத்ததாக ஒரு சர்ச்சை நிலவுகிறது. ஆனால் இதை சுவாமிகள் மறுத்துள்ளார்.

இதுகுறித்து அவர் கூறுகையில், நீரா ராடியா விவகாரத்தில் தேவையில்லாமல் எனது பெயரை இழுத்துள்ளனர்.

நான் அனந்த்குமாருக்கு ராடியாவை அறிமுகப்படுத்தி வைக்கவில்லை. எனது சிஷ்யர்கள் மூலமாகத்தான் எனக்கு அறிமுகமானார் ராடியா.மற்றபடி எந்த அரசியல் கட்சி சார்பிலும் அவர் எனக்கு அறிமுகமாகவில்லை.

டெல்லியில் வசந்த் கன்ச் பகுதியில் உள்ள நிலம், ராடியாவின் அறக்கட்டளைக்குத் தொடர்பானதல்ல. அந்த நிலம் என்னுடையதாகும். அது ராம விட்டலா சிக்ஷன சேவா சமிதிக்கு உரித்தானதாகும். இந்த சமிதி பதிவு செய்யப்பட்டதாகும். நான் அந்த சமிதியின் தலைவராக உள்ளேன். அதில் அரை ஏக்கர் நிலம், பி.வி.நரசிம்ம ராவ் பிரதமராக இருந்தபோது வழங்கப்பட்டது. ஒரு ஏக்கர் நிலம், தேவெ கெளடா பிரதமராக இருந்தபோது வழங்கப்பட்டதாகும்.

சமிதியின் அடிக்கல் நாட்டு விழாவில் அப்போது துணை முதல்வராக இருந்த அத்வானி மட்டுமல்ல, டெல்லி முதல்வராக இருந்த காங்கிரஸ் கட்சியின் ஷீலா தீட்சித், காங்கிரஸ் தலைவர் ஆஸ்கர் பெர்னாண்டஸ் ஆகியோரும் கலந்து கொண்டனர். ராடியா அழைத்து அவர்கள் வரவில்லை. மாறாக, நான் அழைத்துதான் வந்தனர்.

அனைத்துக் கட்சியிலும் எனக்கு ஆதரவாளர்கள், விசுவாசிகள் உள்ளனர். நான் டெல்லியில் பெற்ற நிலம் உரிய முறைப்படி, சட்டத்திற்கு உட்பட்டே வாங்கியதாகும் என்று கூறியுள்ளார் விஸ்வதீர்த்தர்
frm thatsthamil.oneindia.in

25 தொகுதிகளில் தமுமுக போட்டியிடும்-ஹைதர் அலி பேட்டி

தென்காசி: தமிழக சட்டசபைத் தேர்தலில் 25 தொகுதிகளில் போட்டியிட முடிவு செய்திருப்பதாக தமிழக முஸ்லீம் முன்னேற்ற கழகம் தெரிவித்துள்ளது.

தமுமுக பொது செயலாளர் ஹைதர் அலி தென்காசியில் நிருபர்களிடம் பேசுகையில்,

முக்கிய சுற்றுலா தலமான குற்றாலத்திற்கு செல்ல ரிங் ரோடு சரியாக இல்லை. தென்காசி மருத்துவமனையில் மருத்துவர்கள் நியமிக்க வேண்டும்.

தற்போது வக்பு வாரியத்தின் சார்பில் மருத்துவ கல்லூரி அமைக்க முன்வந்திருப்பதை வரவேற்கிறோம். தமிழகத்தில் நாங்கள் போட்டியிட வாய்ப்புள்ள தொகுதியாக 25 தொகுதிகளை கண்டறிந்துள்ளோம். அதில் கடையநல்லூர், பாளை தொகுதிகளும் அடங்கும்.

ஆனால் எத்தனை தொகுதி, எந்தெந்த தொகுதிகள் என்பது கூட்டணி தலைமைதான் முடிவு செய்யும் என்றார் அவர்.
FRM-http://thatstamil.oneindia.in/news/2010/12/27/tmmk-tamilnadu-assembly-polls.html

ஹஜ் யாத்திரை போல இஸ்ரேலுக்கு கிறிஸ்தவர்கள் புனிதப் பயணம் செய்ய உதவுவேன்-ஜெ

அருமனை: மதமாற்றத் தடை சட்டம் கொண்டு வந்து கிருஸ்துவ மக்களின் கடும் வெறுப்புக்கு உள்ளான அதிமுக பொதுச் செயலாளர் ஜெயலலிதா, இப்போது தேர்தல் வரும் நிலையில் கிருஸ்துவ சமுதாயத்தினரின் வாக்குகளை கவர 3 உறுதிமொழிகளை வழங்கியுள்ளார்.

அருமனை வட்டார கிறிஸ்தவ இயக்கம் சார்பில் 13வது கிறிஸ்துமஸ் விழா நேற்று கோலாகலமாக நடந்துத. இதில் சிறப்பு விருந்தினராக ஜெயலலிதா கலந்து கொண்டு கிறிஸ்துமஸ் கேக் வெட்டினார். பின்னர் பலருக்கு நல உதவிகளையும் வழங்கினார்.

நிழ்ச்சியில் அவர் பேசுகையில், கிறிஸ்தவ நிகழ்ச்சிகளிலும், கிறிஸ்துமஸ் நிகழ்ச்சிகளிலும் நான் பங்கேற்பது புதிதல்ல. எனது பள்ளிக்காலத்தை நான் கிறிஸ்தவ பள்ளியில்தான், கிறிஸ்தவ மக்களுடன்தான் கழித்தேன்.

நான் படித்த சென்னை சர்ச்பார்க் கான்வென்ட், பெங்களூர் பிஷப் காட்டன் கான்வென்ட் உள்ளிட்டவை கிறிஸ்தவ பள்ளிக்கூடங்களே. கிறிஸ்தவ சமுதாயத்தினர் கல்வி, மருத்துவத்தில் ஆற்றி வரும் சேவை மகத்தானது.

சிறு வயதிலேயே நான் கிறிஸ்துமஸ் கேரல்ஸ் பாடும் குழுவில் இடம் பெற்றிருந்தேன். பெங்களூர் பள்ளியில் படித்தபோது ஓய்வு நேரங்களில் பள்ளி வளாகத்தில் உள்ள சேப்பலுக்குச் சென்று அங்குள்ள நூலகத்தில் இருக்கும் கிறிஸ்துவின் கதைகளைப் படிப்பது எனது வழக்கம்.

கிறிஸ்துவை பொறுத்தமட்டில் மிகப்பெரிய அன்பின் கதை என்று சொல்வார்கள். எனவே நானும் உங்களுக்கு ஒரு கதை சொல்ல எண்ணுகிறேன்.

ஆனி என்ற ஒரு சிறுமி இருந்தாள். அவளுக்கு கடவுள் பக்தி அதிகமாக இருந்தது. தினமும் சேப்பல் சென்று இறைவனிடம் பிரார்த்தனை செய்வாள். அவளிடம் இயேசு மிகுந்த அன்பு கொண்டிருந்தார். ஒருநாள் சேப்பலுக்கு வந்த ஆனியிடம், உனக்கு எதுவும் வேண்டுமா? என்று இயேசு கேட்டார். அதற்கு ஆனி, உங்களை பார்க்க வேண்டும் என்று பதில் சொன்னாள்.

அதற்கு இயேசு, சரி பார்க்கலாம். எப்போது பார்க்கலாம், எங்கு பார்க்கலாம் என்று ஆனியிடம் கேட்டார். கிறிஸ்துமஸ் பண்டிகைக்கு சில நாட்கள் இருக்கும் நிலையில், ஆனி தனது வீட்டுக்கு கிறிஸ்துமஸ் பண்டிகை அன்று வரவேண்டும் என்று இயேசுவிடம் கூறினாள். அவள் சொன்னபடியே கிறிஸ்துமஸ் நாளும் வந்தது. ஆனி, இயேசுவை சந்திக்கப் போகிறோம் என்ற மகிழ்ச்சியில் இருந்தாள்.

அவள் வீட்டுக்கு அன்று எத்தனையோ பேர் வந்து சென்றார்கள். சொந்தக்காரர்கள், நண்பர்கள் என ஏராளமானபேர் வந்து, விலை உயர்ந்த பரிசுப்பொருட்களையும், கேக் வகைகளையும் கொடுத்து சென்றார்கள். அந்த கேக் வகைகளையும், பரிசு பொருட்களையும் தனது வீட்டில் வேலை பார்ப்பவர்களுக்கு எல்லாம் ஆனி வாரிக்கொடுத்தாள். ஆனாலும் தான் எதிர்பார்த்த இயேசு தனது வீட்டுக்கு வராமல் போனது அவளுக்கு வருத்தம் அளித்தது. அதனால் அவளுக்கு அழுகை வந்தது.

கிறிஸ்துமஸ்சும் முடியப்போகிறது, இயேசு வரவில்லையே என்று அவள் ஏங்கிப்போனாள். அந்த ஏக்கத்தால் அவள் தூங்கியும் போனாள். தூக்கத்தில் அவளை யாரோ கூப்பிடுவது போல் தெரிந்தது. அந்த குரல் சேப்பலில் கேட்ட குரலாகவும் இருந்தது. தன்னை கூப்பிட்டது இயேசுதான் என்பதை புரிந்துகொண்ட ஆனி, ஏன் கிறிஸ்துமஸ்சுக்கு தனது வீட்டுக்கு வரவில்லை என்று கேட்டாள். அதற்கு இயேசு, நான் உன் வீட்டுக்கு வந்தேன். எனக்கு நீ பரிசு மற்றும் இனிப்புகளை வழங்கி, மெர்ரி கிறிஸ்துமஸ் என்று சொன்னாயே என்று கூறினார்.

அதற்கு ஆனி, நீங்கள் எங்கே வந்தீர்கள், நான் எப்போது பரிசு கொடுத்தேன் என்று கேட்டாள். உங்கள் வீட்டில் வேலை செய்பவர்கள் எப்போது வந்தார்கள்? என்று இயேசு கேட்டார். காலையில் வந்தார்கள் என்று ஆனி பதில் கூறியதோடு, அவர்களோடு ஒரு தாத்தா வந்தார். அவருக்கு ஒரு போர்வை கொடுத்தேன். அவருக்கு மெர்ரி கிறிஸ்துமஸ் சொன்னேன் என்றாள்.

அந்த முதியவர்தான் நான் என்றார் இயேசு. ஆனிக்கு ஒரே ஆச்சரியம். அப்படியா என்று வியந்து போனாள். முன்பின் தெரியாதவர்களுக்கு செய்ததெல்லாம் எனக்கே செய்தாய் என்று இயேசு சொன்னதை உங்கள் அனைவருக்கும் கிறிஸ்துமஸ் செய்தியாக நான் தெரிவிக்க விரும்புகிறேன்.

இங்கு பேசிய சகோதரர் சுரேஷ், வரப்போகிற தேர்தலில் வெற்றி பெற்று, கோட்டையில் முதல்வராக நீங்கள் அமர்ந்ததும், 3 கோரிக்கைகளை நிறைவேற்றி கொடுக்க வேண்டும் என்று கேட்டுக் கொண்டார்.

கிறிஸ்தவர்கள் இஸ்ரேல் செல்ல உதவி செய்வேன்:

முதல் கோரிக்கையாக, இஸ்லாமிய மக்களின் புனித யாத்திரையான ஹஜ் பயணத்துக்கு அரசு மானியம் அளித்து உதவி செய்வது போல, கிறிஸ்தவர்கள் இஸ்ரேலுக்கு புனிதப் பயணம் மேற்கொள்ளவும் அரசு உதவி செய்ய வேண்டும் என்றார். நிச்சயமாக உங்களது அனைவரது ஆதரவோடும், அன்போடும் நமது ஆட்சி அமையும் பட்சத்தில் இந்த கோரிக்கை உடனே நிறைவேற்றித்தரப்படும்.

பட்டா நிலத்தில் தேவாலயம் கட்ட உதவுவேன்:

2-வதாக அவரவர் பட்டா நிலத்தில் தேவாலயம் கட்ட தற்போது தடை விதிக்கப்படுகிறது. இந்த தடை நீக்கப்பட வேண்டும் என்றார். அவரவருக்கு சொந்தமான பட்டா நிலத்தில் யார் எதை வேண்டுமானாலும் கட்டிக் கொள்ளலாம். இதில் தேவாலயம் கட்ட யார் தடை சொல்வது? அவர்களுக்கு இந்த அதிகாரத்தை கொடுத்தது யார்? கர்த்தரின் அருளால் நிச்சயமாக கழக ஆட்சி அமைந்தால் இந்த கோரிக்கையும் நிறைவேற்றப்படும்.

ஆதி திராவிட கிறிஸ்தவர்களுக்கும் சலுகைகள்:

3வதாக ஆதிதிராவிடர்களுக்கு அரசால் வழங்கப்படுகிற சலுகைகள், ஆதிதிராவிட கிறிஸ்தவர்களுக்கு வழங்கப்பட வேண்டும் என்றார். இதற்கு ஒரு கமிஷன் இருக்கிறது. அந்த கமிஷனிடம் இந்த கோரிக்கையை வைத்து தேவையான ஆணைகளை பெற்று கர்த்தர் அருளால் கழக அரசு அமைந்தால் நிச்சயமாக இந்த கோரிக்கையும் நிறைவேற்றித்தரப்படும் என்றார் ஜெயலலிதா.

கடந்த முறை முதல்வராக இருந்தபோது மதமாற்றத் தடை சட்டம் கொண்டு வந்து கிருஸ்துவர்களின் வெறுப்புக்குள்ளானவர் ஜெயலலிதா என்பது குறிப்பிடத்தக்கது. இந் நிலையில் இப்போது தேர்தல் வரவுள்ள நிலையில் அவர்களது வாக்குகளைக் குறி வைத்து உறுதிமொழிகளை அள்ளித் தந்துள்ளார்.

ஜெ.வின் கிறிஸ்துமஸ் வாழ்த்து:

இதற்கிடையே, கிறிஸ்துமஸையொட்டி ஜெயலலிதா வாழ்த்து தெரிவித்துள்ளார். ஜெயலலிதா விடுத்துள்ள கிறிஸ்துமஸ் வாழ்த்துச் செய்தி:

ஒரு கன்னத்தில் அறைந்தால் மறு கன்னத்தை காட்டுங்கள் என்று போதித்த இயேசு பெருமான் அவதரித்த நாளை கொண்டாடிக் கொண்டிருக்கும் கிறிஸ்துவப் பெருமக்கள் அனைவருக்கும் எனது இதயம் கனிந்த கிறிஸ்துமஸ் நல் வாழ்த்துக்களை தெரிவித்துக் கொள்கிறேன்.

அன்பு நீடிய சாந்தமும் தயவுமுள்ளது, அன்புக்கு பொறாமையில்லை, அன்பு தன்னைப் புகழாது, இறு மாப்பாயிராது, அயோக்கியமானதைச் செய்யாது, தற்பொழிவை நாடாது, சினமடையாது, தீங்கு நினையாது என்று அன்பு குறித்து பரிசுத்த வேதாகமத்தின் பதின் மூன்றாவது அதிகாரத்தில் குறிப்பிடப்பட்டுள்ளது.

அன்பு இல்லாவிட்டால் எந்தவிதப் பயனும் இல்லை என்பதைத் தான் புனித வேதாகமம் உணர்த்துகிறது. இயேசு பெருமான் போதித்த அன்பிற்கு எதிரான சூழ் நிலை தற்போது நிலவுவ தன் காரணமாகத் தான், அநியாயங்களும், அக்கிரமங் களும், அராஜகங்களும் தமிழ்நாட்டில் கொடிகட்டிப் பறக்கின்றன.

அகிலத்தை அறவழியில் நடத்தும் ஆற்றல் பெற்ற அருள்மொழிகளை போதித்த இயேசு பெருமான் பிறந்த இந்த நன்னாளில், வன்முறயால் வதைப்படும் தமிழகம் விரைவில் நற்கதி அடையட்டும், அன்பு, அமைதி, ஆனந்தம் உயிர் தெழட்டும்! என்று இயேசு பெருமானை பிரார்த் திப்பதோடு, எனது இனிய கிறிஸ்துமஸ் திருநாள் வாழ்த்துக்களை மீண்டும் உரித்தாக்கிக் கொள்வதில் நான் மட்டற்ற மகிழ்ச்சி அடைகிறேன் என்று அவர் தெரிவித்துள்ளார்
frm-tt http://thatstamil.oneindia.in/news/2010/12/24/jaya-3-promises-christians-arumanai-festival.html

ஆஜ்மீர் குண்டுவெடிப்பு சம்பவம்-முக்கிய துப்பு கிடைத்தது-பயன்படுத்தப்பட்ட கார் சிக்கியது

ஜெய்ப்பூர்: ஆஜ்மீர் தர்கா குண்டுவெடிப்பில் பயன்படுத்தப்பட்ட காரை ராஜஸ்தான் தீவிரவாத தடுப்புப் பிரிவு போலீஸார் பறிமுதல் செய்துள்ளனர். மேலும் இந்த வழக்கில் சில முக்கிய துப்பு கிடைத்திருப்பதாகவும் அவர்கள் தெரிவித்துள்ளனர்.

கடந்த 2007ம் ஆண்டு ஆஜ்மீர் தர்கா வளாகத்தில் குண்டு வெடித்தது. இதில் 3 பேர் கொல்லப்பட்டனர். இந்த சமப்வத்தில் இந்து தீவிரவாத அமைப்புகளுக்குத் தொடர்பு இருப்பதை போலீஸார் கண்டுபிடித்துள்ளனர். இதுதொடர்பாக ஒரு சாமியார் ஏற்கனவே கைது செய்யப்பட்டுள்ளார்.

இந்த நிலையில் தற்போது முக்கியத் துப்பு கிடைத்துள்ளதாக ராஜஸ்தான் தீவிரவாத தடுப்புப் பிரிவு போலீஸார் தெரிவித்துள்ளனர். குண்டுவெடிப்புச் சம்பவத்தின்போது வெடிகுண்டுகளை எடுத்துச் செல்ல பயன்படுத்தப்பட்ட காரை போலீஸார் பறிமுதல் செய்துள்ளனர்.

மேலும் இந்த சம்பவத்தில் தொடர்புடைய மேலும் ஐவரின் பெயர் விவரங்களும் கிடைத்துள்ளன. இது முக்கியத் திருப்பமாக கருதப்படுகிறது.
frm -http://thatstamil.oneindia.in/news/2010/12/25/ajmer-dargah-blast-ats-car.html
கருப்பு நிற சான்ட்ரோ காரைத்தான் இந்த தீவிரவாத செயலுக்கு குற்றவாளிகள் பயன்படுத்தியுள்ளனர். இந்த கார் மத்தியப் பிரதேசத்தில் வைத்து சிக்கியுள்ளது.
இந்தக் காரில் வெடிகுண்டுகளை வைத்துக் கொண்டு ம.பி. மாநிலம் இந்தூரிலிருந்து குஜராத் மாநிலம் கோத்ராவுக்குப் போயுள்ளனர்.

கோத்ராவிலிருந்து ஆஜ்மீருக்கு பஸ்ஸில் வைத்துக் கொண்டு சென்றுள்ளனர் என்று விசாரணையில் தெரிய வந்துள்ளது.

ஏற்கனவே ஆஜ்மீர் சம்பவம் தொடர்பாக ஆர்எஸ்எஸ் தலைவர் இந்திரேஷ் குமார் என்பவரை சிபிஐ அதிகாரிகள் தீவிரமாக விசாரித்துள்ளனர் என்பது
குறிப்பிடத்தக்கது
http://thatstamil.oneindia.in/news/2010/12/25/ajmer-dargah-blast-ats-car.html

தமிழகத்தில் நிச்சயமாக பாஜக ஆட்சி மலரும்: பொன்.ராதாகிருஷ்ணன் நம்பிக்கை

புதுக்கடை: தமிழகத்தில் பாஜக ஆட்சி மலரும் என அக்கட்சியின் மாநிலத் தலைவர் பொன் ராதாகிருஷ்ணன் நம்பிக்கை தெரிவித்தார்.

கல்வி உதவித் தொகையில் இந்துக்களுக்கும் சமநீதி கேட்டு குமரி மாவட்ட பாஜக சார்பில் 200 இடங்களில் சத்யாகிரகப் போராட்டம் நடந்தது. பைங்குளம் நகர பாஜக சார்பில் கைசூண்டியில் நடந்த போராட்டத்திற்கு பாஜக தலைவர் சந்தோஷ்குமார் தலைமை வகித்தார்.

போராட்டத்தை முடித்து வைத்து பாஜக மாநிலத் தலைவர் பொன் ராதாகிருஷ்ணன் பேசியதாவது,

மத்திய, மாநில அரசுகள் படிக்கும் மாணவ, மாணவியர் மத்தியில் பாகுபாட்டை விதைக்கின்றன.

திமுக-காங்கிரஸ் அரசுகள் ஓட்டுக்காக கடந்த நான்கு ஆண்டுகளாக இந்துக்களை பழி வாங்கி வருகின்றன. இந்துக்களுக்கும் கல்வி உதவித் தொகை வழங்க வேண்டும் என்று வலியுறுத்தி கடந்த ஜூலை மாதம் போராட்டம் நடத்தினோம். எனினும் அரசு செவி சாய்க்கவில்லை. இந்த போராட்டத்தின் தொடர்ச்சியாக தற்போது குமரியில் 200 இடங்களில் சத்யாகிரகப் போராட்டம் நடக்கிறது.

சிறுபான்மை மக்கள் தொழில் தொடங்க ரூ. 60 கோடி நிதி அரசு ஒதுக்கியுள்ளது. ஆனால் இந்துக்கள் தொழில் தொடங்க நிதி இல்லை. மதவேற்றுமையால் நாட்டில் உள்ள 85 சதவிகித மக்கள் புறக்கணிக்கப்படுகின்றனர் என்றார் அவர்.

கட்டாயம் கருத்து தெருவிக்கவும்

- அட்மிண்

இந்திய முஸ்லிம்கள் பயங்கரவாதத்தை வெறுப்பவர்கள் அமெரிக்க ரகசிய ஆவணத்தை மேற்கோள் காட்டியது விக்கி லீக்ஸ்(TMMK.IN)

இந்தியாவில் வாழும் பெரும் பான்மையான முஸ்லிம்கள் பயங்கரவாதத்தை விரும் பவில்லை என்றும், அவர்கள் தேசியத் திலும் ஜனநாயகத்திலும் நம்பிக்கை கொண்டவர்களாக இருக்கிறார்கள் எனவும் விக்கிலீக்ஸ் வெளியிட்டுள்ள அமெரிக்காவின் ரகசிய ஆவணத்தில் தெரிவிக்கப்பட்டுள்ளதாக செய்திகள் வெளியாகியுள்ளன. இந்திய முஸ்லிம்கள் எப்போதும் சமாதான சக வாழ்வு போன்றவற்றில் நம்பிக்கை உடையவர்கள் முஸ்லிம்கள் தான் பயங்கரவாதத்தினால் பாதிக்கப்படுகின்றனர். அது மட்டுமின்றி பயங்கரவாத குற்றச் சாட்டில் பாதிக் கப்படுகின்ற னர் என்ற அவல தகவல்கள் எல்லோ ரும் அறிந்த ஒன்றுதான். எனினும் அமெரிக்கக் தூதர் ஒருவர் இவ்வாறு குறிப்பிட்டுள்ளது சாத்தான் வேதம் ஓதுகிறது என ஒதுக்கி விடலாம். எனினும் ஓங்கி அறையும் விதமாக ஒலிக்கும் உண்மையை, உலகம் அறியும் உண்மையை மறைக்க முடியாது என்பதையே இந்த செய்திகள் தெரிவிக்கின்றன.

அதில் அமெரிக்கத் தூதரகங் கள் தங்களது தலைமை யிடத் துக்கு அனுப்பிய பல்வேறு ரகசிய அரசுமுறை ஆவணங் களை விக்கிலீக்ஸ் இணைய தளம் வெளியிட்டு வருகிறது. அந்த வகையில் இந்தியாவுக்கான அமெரிக் காவின் முன்னாள் தூதர் டேவிட் முல்ஃபோர்டு அனுப்பிய செய்தி தற்போது வெளியாகியிருக்கிறது.

பிரிவினைவாதமும் மதத் தீவிரவாதமும் இந்திய முஸ்லிம்களிடையே பரவலான ஆதர வைப் பெறவில்லை எனவும் பெரும்பாலான முஸ்லிம்கள் மிதவாதக் கொள்கைகளில் பிடிப்புள்ளவர்களாக இருக்கிறார்கள் எனவும் டேவிட் முல்ஃபோர்டு அந்த ஆவணங்களில் குறிப்பிட்டுள்ளார். மேலும் இந்திய முஸ்லிம்கள் தேசப்பற்றாளர்களாக இருக்கிறார்கள் என்றும் புகழ்ந்துள்ளார்.

இந்தியாவின் வேகமான பொருளாதார வளர்ச்சி, வலுவான ஜனநாயகம், பல்வேறு பண்பாடுகளையும் உள்ளடக்கிய தன்மை போன்றவை காரணமாக சமூகத்துடன் இணைந்து வாழ்வதையே இந்திய முஸ்லிம்கள் விரும்புவதாகவும் அந்த ஆவணத்தில் தெரிவிக்கப்பட்டிருக்கிறது. இந்தியாவின் வேக வளர்ச்சியில் முஸ்லிம்களின் பங்கெ டுப்பு பெரும் பங்கு வகிப்பதை இந்த ஆவணம் வெளிச்சப்படுத்தியுள்ளது. பெரும் பாலான முஸ்லிம் இளைஞர்கள் சமூகங் களுடன் சமூகத்துடன் கலந்துவிட விரும்பு வதால், பயங்கரவாதச் செயல்களுக்கு ஆதரவு மிகமிகக் குறைந்துவிட்டதாகவும் அந்த ஆவணம் கூறுகிறது - frm TMMK.in

இலங்கைத் துணை இராணுவக் குழுக்களின் குற்றச்செயல்களை விக்கிலீக்ஸ் வெளியிட்டது

சனி, டிசம்பர் 18, 2010
மூன்று ஆண்டுகளுக்கு முன்னர் அமெரிக்க அரசின் மேலும் பல தகவல் பரிமாற்றங்களைக் கடந்த வியாழக்கிழமை விக்கிலீக்ஸ் செய்திக்கசிவு தளம் வெளியிட்டுள்ளது. இவை இலங்கை அரசு மற்றும் விடுதலைப்புலிகள் அமைப்பு இருதரப்பாரையும், கடுமையாக விமர்சிப்பவையாக உள்ளன. 2007 ஆண்டில் இலங்கை அமெரிக்கத் தூதரகத்தில் இருந்து அனுப்பப்பட்ட இரண்டாயிரத்திற்கும் அதிகமான தந்திச் செய்திகளை லண்டனின் கார்டியன் பத்திரிகை இப்போது வெளியிட்டுள்ளது.

இலங்கையில் செயற்படும் கருணா தலைமையில் விடுதலைப் புலிகளில் இருந்து பிரிந்த துணை இராணுவப் பிரிவு, மற்றும் அமைச்சர் டக்லஸ் தேவானந்தா தலைமையிலான ஈபிடிபி ஆகிய குழுக்கள் கொலை, சிறார் கடத்தல் மற்றும் தொழில்ரீதியான விபச்சாரம் ஆகிய செயல்களில் இலங்கை அரசுக்குத் துணைபோயிருப்பதாக கூறப்பட்டுள்ளது.

முன்னர் சந்திரிக்கா பண்டாரநாயக்கா அரசு இந்தத் துணை இராணுவக் குழுக்களுக்கு பணம் கொடுத்து ஆதரவளித்து வந்ததாகவும், மகிந்த ராசபக்ச ஆட்சிக்கு வந்ததும், பணஉதவிகளை நிறுத்தி, பதிலாக வடக்கு மற்றும் கிழக்கு மாகாணத் தமிழ் வர்த்தகர்களை மிரட்டி பணம் பறிக்கும் வேலையை கருணா குழுவினருக்கும் ஈபிடிபி குழுவினருக்கும் கோத்தபயா ராஜபக்சே உத்தரவிட்டதாகத் தெரிவிக்கப்பட்டுள்ளது. தமிழ் வர்த்தகர்களை இவர்கள் மிரட்டி பணம் பறித்து கோத்தபயாவுக்கு கொடுத்து வந்தனர்.

மேலும் கிழக்கு மாகாணத்தில் நிலை கொண்டிருந்த ராணுவத்தினருக்காக விபச்சாரத்தில் ஈடுபடுமாறும் பெண்களை இக்குழுக்கள் அனுப்பி வைத்தனர். இதற்காக தனியாக ஒரு விபச்சாரக் குழுவையும் அவர்கள் வைத்திருந்தனர்.

மேலும் யாழ்ப்பாணத்தில் இருந்த ராணுவத் தளபதிகளை அங்கு தமிழ் எம்.பிக்கள் செய்துவரும் சில வேலைகளில் தலையிட வேண்டாம் என கோத்தபாய அறிவுறுத்தினார் எனவும் அச்செய்திகளில் குறிப்பிடப்பட்டுள்ளது.

விடுதலைப்புலிகள் கட்டாயமாக படைகளுக்கு ஆட்சேர்க்கும் நடவடிக்கைகளில் ஈடுபட்டதாகவும் இந்தத் தகவல்கள் கூறுகின்றன.

துயரத்தில் துபாய் கேள்விக்குறிகளாகும் ஆச்சரியக்குறிகள்…

துயரத்தில் துபாய் கேள்விக்குறிகளாகும் ஆச்சரியக்குறிகள்…


எங்கும் மயான அமைதி…எல்லோர் முகத்திலும் ஒரு கலவரம்…ஆட்டம் போட்ட எல்லோரும் அடக்கி வாசிக்கிறார்கள்…

“அந்த கம்பேனி போனி ஆயிடுச்சாமே…?”

“இந்த கம்பெனி இனி தாங்காதாமே ?”

“1000 கார்கள் ஏர்போட்டில் கிடக்கிறதாமே…”

“போன வாரம் மட்டும் 25 ஆயிரம் பேருக்கு வேலை இல்லையாமே…”

இப்படி வாய்க்கு வந்தபடி புரளி…

உண்மையில் துபாயில் இது நடக்கவில்லையா…?இதுவெல்லாம் பொய்யா ..?
என்றால் இல்லை என்று ஒரேயடியாக மறுக்க இயலவில்லை…வந்த புரளிகளின் எண்ணிக்கையில் மாற்றம் உண்டே தவிர இவை அனைத்தும் மிக கசப்பான உண்மை…

சென்ற வாரம் நண்பனொருவன் அவன் மனைவியிடம் அவன் கம்பெனி நிலையை வருத்தத்துடன் கூறி எப்போது வேலையை விட்டு தூக்குவாங்களோ தெரியலை என்ற போது, அவன் மனைவியும் அவனுக்கு ஆறுதல் கூறும் விதமாக, "கவலைப்படாதீங்க, நான் , உங்களுக்காக நேந்துக்கிறேன்"… எனக்கூற இவனோ நக்கலாக, "நேந்துக்கிறதா இருந்தா, துபாய்க்கு நேந்துக்கோ(வேண்டிக்கோ), உலகத்திற்கு நேந்துக்கோ "என்று கலாய்த்த நிகழ்வு கூறி சிரித்து கொண்டிருந்தான்…

இன்று அவனுக்கு வேலை இல்லை…

இன்னொருவன் தன் மனைவி தனக்கு PASSPORT வந்த சந்தோஷத்தை அவனிடம் கூற "உனக்கு PASSPORT வந்த நேரம் எனக்கு விசா கேன்சலாயிடும்" போல என்று நக்கலாக கூற, அப்புறம் ஒருவாரம் ரெண்டு பேருக்கும் இடையே “ ஆணியே புடுங்க வேண்டாம் என்கிற அளவிற்கு பிரச்சனை…

நான்கு மாதங்களுக்கு முன் நான்கைந்து வேலைகளை கையில் வைத்துக் கொண்டு எதை தேர்ந்தெடுக்களாம் என்று குழம்பியவர்கள் இன்று வேலையில்லாமல் வேதனைப்படும் அவல நிலை.

பீதியில் துபாய்…

உணவகங்களில் கூட்டமில்லை…கடைவீதிகளும், சாப்பிங் மால் களும் சற்றே வெறிச்சோடிய நிலை…கடை நிலை ஊழியருக்குக்கூட தேடிவந்து தந்த கடன் அட்டை, இன்று உயர் நிலையாருக்கும் எட்டாத நிலையில்…லோன்கள் வீடுதேடிவந்தது போக, இன்று லோ, லோ என்று அழைந்தாலும் கிடைக்காத நிலை…எதையும் திட்டமிட முடியா பீதியில் மக்கள்…இன்னும் எத்தனை நாட்கள் இது தொடரும்… தொடர்ந்தால் இங்கிருந்தோர் நிலை என்ன…?

பதினைந்து வயதில் பதினெட்டு வயதென்று பாஸ்போர்ட் எடுத்து வந்து துபாயில் உழைக்க ஆரம்பித்து, அக்கா, தங்கைகளுக்கு திருமணம் செய்து வைத்து, அவர்களுக்கு வீடு கட்டிக் கொடுத்து, உற்றார் உறவினர் யாராயினும் தன் சொந்தமென பல உதவிகள் செய்து, அம்மா ஆசைக்கு ஒரு வீடுகட்டி, தன் குடும்பம் கௌரவமாக வாழ தன்னை அர்பணித்து கொண்டிருக்கும் ஆயிரக்கணக்கான மெழுகுதிரிகளின் நிலை என்ன?

கடன் உடன் வாங்கி ஊருக்கு பெட்டி கட்டி ஏர்போட்டில் சொந்தபந்தம் புடை சூழ வரவேற்கப்பட்டு, அபிதாபியா,சார்ஜாவா என்று வெள்ளையும் சுளையுமாக, வருகிற போகிறவனிடம் உதார் விட்டபடி ஊரில் வலம் வந்த நாட்கள் இனி வெறும் கனவாகி விடுமோ…? வேலையிழந்து ஊர் சென்றால் நிலை என்ன…?

சொந்த மண்னை விட்டு பிரியும் போதெல்லாம் கண்ணில் நீர் கோர்த்து இதயம் ரணமாகுமே.. இப்போது சொந்த மண்ணே கதி என்று போக இதயம் ஏன் கனக்கிறது…?

மண்ணளவிற்கு கூட மதிப்பில்லாமல் ஊரில் திரிந்த உதவாக்கரைகளை பொன்னளவிற்கு மதிக்க வைத்த புண்ணிய பூமி என்பதாலா…?

வேலை யில்லாதவன் என்று வெந்த புண் வேல் பாய்ச்சிய சமுதாயத்தின் முன் இவன் விவரம் தெரிந்தவன் என்று விளங்க வைத்த விந்தை பூமி என்பதாலா..?

எதோ இணை பிரியாத பந்தம்… உறவு சொல்ல இயலாத ஊமையின் நிலை…

போய் வருகிறேன் துபாய் போய் வருகிறேன்…என்று கை காட்டி விட்டு கிளம்ப முடியுமா…கார் லோன், பெர்சனல் லோன், கடன் அட்டை , இப்படி துபாயில் சேர்த்த (!!??) சொத்திற்கு வழி என்ன…? விழி பிதுங்கிய நிலையில் வேதனையுடன் நிற்போருக்கு வழிதான் என்ன?


1950 களில் “கற்காலத்தில் இருந்த துபாய், நொடிப்பொழுதில் “ULTRA MODERN” நாகரீகத்திற்கு நிறம்மாறி
.



The Burj Dubai. Construction began in 2005 and is expected to be complete by 2008. At an estimated height of over 800 meters, it will easily be world's tallest building when finished. It will be almost 40% taller than the the current tallest building, the Taipei 101.

“BURJ DUBAI ”(புர்ஜ் என்றால் பெருமை)…உலகின் உயர்ந்த கட்டிடம்…!
“DUBAI MALL” உலகின் மிகப்பெரிய சாப்பிங் மால்…!
“BURJ AL ARAB” உலகின் முதல் 7 நட்சத்திர விடுதி…!
“ PALM ISLAND ” ( பனை மர வடிவத்தீவு) எட்டாவது
“DUBAI MALL” உலகின் மிகப்பெரிய சாப்பிங் மால்…!

என்று உலக மக்களை ஆச்சரியக்குறியில், பார்க்க செய்த துபாய் இன்று…?

இங்குள்ளோரின் எதிர்காலமென்ன..?,

இவர்கள் இன்னும் எத்தனை நாட்கள் இங்கு..? என்ற கேள்விக்குறிக்கு தள்ளப்பட்டிருக்கிறது…



எது எப்படியோ
வீட்டு வாடகை,
நகைகடை கூட்டம்,
KFC, PIZZA மோகம்,
PIERRE CARDIN,
TED LAPIDS 75% SALE ,
10க்கு 10 பத்து அளவு உள்ள அறையில் பன்ணிரண்டு பேர்,
MONY EXCHANGE ல் கூட்டம்,
இவை எவற்றிலும் ஒரு மாற்றமும் இல்லை

20 வருடங்களின் பின்னர் முஸ்லிகள் யாழ் திரும்பினர்

முஸ்லிகள் யாழ் திரும்பினர்
இமெல்டா சுகுமார்
இலங்கையின் வடக்கே யாழ்ப்பாணத்தில் இருந்து விடுதலைப்புலிகளால் வெளியேற்றப்பட்ட முஸ்லிம் குடும்பங்களில் அறுநூறுக்கும் மேற்பட்ட குடும்பங்கள் 20 வருடங்களின் பின்னர் தமது சொந்த இடங்களுக்குத் திரும்பியிருப்பதாக யாழ் மாவட்ட அரசாங்க அதிபர் திருமதி இமெல்டா சுகுமார் தெரிவித்திருக்கின்றார்.
இவர்களில் சிலர் தமது சொந்த இடங்களிலும் பலர் பொது இடங்களிலும் தங்கியுள்ளார்கள்.

இவர்களில் பெரும்பான்மையானவர்கள் யாழ் நகரப்பகுதியிலும் சிறிய எண்ணிக்கையானோர் சாவகச்சேரி பகுதியிலும் தங்கியுள்ளார்கள் என்பது குறிப்பிடத்தக்கது.

போரினால் இடம்பெயர்ந்துள்ள தமிழ் குடும்பங்களைப் போலவே, இந்த முஸ்லிம் குடும்பங்களுக்கும் மீள்குடியேற்ற உதவிகள் வழங்குவதற்கு நடவடிக்கைகள் எடுக்கப்பட்டுள்ளதாக யாழ் மாவட்ட அரசாங்க அதிபர் கூறுகின்றார்.

இந்த முஸ்லிம் குடும்பங்களைப் பொருத்தவரையில், யாழ்ப்பாணத்தில் இருந்து வெளியேறிச் சென்ற குடும்பங்களோடு, உப குடும்பங்களாகப் புதிய குடும்பங்களும் இருப்பதாகவும், இவர்களுக்கு குடியிருப்பதற்கான இடவசதி ஏற்படுத்திக்கொடுக்க வேண்டிய தேவை எழுந்துள்ளதாகவும், இவர்களுக்கு நாட்டின் வேறிடங்களில் காணிகள் வீடுகள் இல்லாத பட்சத்தில் அதற்கான ஒழுங்குகள் செய்யப்பட வேண்டிய அவசியம் இருப்பதாகவும் அவர் தெரிவித்திருக்கின்றார்.

இந்தியாவில் வாழும் பெரும்பான்மையான முஸ்லிம்கள் பயங்கரவாதத்தை விரும்பபில்லை- விக்கிலீக்ஸ்

இந்தியாவில் வாழும் பெரும்பான்மையான முஸ்லிம்கள் பயங்கரவாதத்தை விரும்பபில்லை என்றும் , அவர்கள் தேசியத்திலும் ஜனநாயகத்திலும் நம்பிக்கை கொண்டவர்களாக இருக்கிறார்கள் எனவும் விக்கிலீக்ஸ் வெளியிட்டுள்ள அமெரிக்காவின் ரகசிய ஆவணத்தில் தெரிவிக்கப்பட்டுள்ளதாக செய்திகள் வெளியாகியுள்ளன..அமெரிக்கத் தூதரகங்கள் தங்களது தலைமையிடத்துக்கு அனுப்பிய பல்வேறு ரகசிய அரசுமுறை ஆவணங்களை விக்கிலீக்ஸ் இணையதளம் வெளியிட்டு வருகிறது. அந்த வகையில் இந்தியாவுக்கான அமெரிக்காவின் முன்னாள் தூதர் டேவிட் முல்ஃபோர்டு அனுப்பிய செய்தி தற்போது வெளியாகியிருக்கிறது.பிரிவினைவாதமும் மதத் தீவிரவாதமும் இந்திய முஸ்லிம்களிடையே பரவலான ஆதரவைப் பெறவில்லை எனவும் பெரும்பாலான முஸ்லிம்கள் மிதவாதக் கொள்கைகளில் பிடிப்புள்ளவர்களாக இருக்கிறார்கள் எனவும் டேவிட் முல்ஃபோர்டு அந்த ஆவணங்களில் குறிப்பிட்டுள்ளார்.இந்தியாவின் வேகமான பொருளாதார வளர்ச்சி, வலுவான ஜனநாயகம், பல்வேறு பண்பாடுகளையும் உள்ளடக்கிய தன்மை போன்றவை காரணமாக சமூகத்துடன் இணைந்து வாழ்வதையே இந்திய முஸ்லிம்கள் விரும்புவதாகவும் அந்த ஆவணத்தில் தெரிவிக்கப்பட்டிருக்கிறது. பெரும்பாலான முஸ்லிம் இளைஞர்கள் மற்ற சமூகத்துடன் கலந்துவிட விரும்புவதால், பயங்கரவாதத் செயல்களுக்கு ஆளெடுப்பது மிகமிகக் குறைந்துவிட்டதாகவும் அந்த ஆவணம் கூறுகிறது.இந்தியாவின் மிக உயர்ந்த குடியரசுத் தலைவர் பதவியை முஸ்லிம் ஒருவர் வகித்தது, அரசியலில் ஈடுபடவும் பொருளாதார வெற்றி பெறவும் முஸ்லிம் சமூகத்துக்கு உந்துசக்தியாக அமைந்தது எனவும் முல்ஃபோர்டு குறிப்பிட்டுள்ளார். சானியா மிர்சா, ஷாருக்கான் போன்றவர்கள் இந்திய சமூகத்தால் அங்கீகரிக்கப்பட்ட நட்சத்திரங்களாக இருப்பதையும் அவர் சுட்டிக்காட்டியுள்ளார்.