சென்னையில் நாளை வேலைவாய்ப்புக்கு வழிகாட்டும் கருத்தரங்கம்

சென்னை மாவட்ட வேலைவாய்ப்பு அலுவலகம் சார்பில் தொழில் நெறி வழிகாட்டும் கண்காட்சி, கருத்தரங்கம் நடைபெற உள்ளது. சென்னை காமராஜர் சாலையில் உள்ள ராணி மேரி கல்லூரியில் ஜனவரி 21-ஆம் தேதி காலை 10 மணி அளவில் இந்தக் கண்காட்சி, கருத்தரங்கம் தொடங்குகிறது.

இதுகுறித்து சென்னை மாவட்ட ஆட்சியர் எ.சுந்தரவல்லி வெளியிட்ட செய்தி: இந்தக் கண்காட்சியில், இளைஞர்களுக்கு உயர்கல்வி, வேலைவாய்ப்பு, சுய தொழில் குறித்த வழிகாட்டுதல்கள், ஆலோசனைகள் ஆகியவை வழங்கப்படும். இதுமட்டுமல்லாது தொழில் நெறி சொற்பொழிவாற்றுதல், வேலையளிப்பவர்களிடம் தொடர்பு கொள்ளுதல் உள்ளிட்ட ஆலோசனைகளும் வழங்கப்பட உள்ளன. கருத்தரங்கில் பல்துறை வல்லுநர்கள் சிறப்புரையாற்ற உள்ளனர். மாணவர்கள் இதில் கலந்து கொண்டு பயன்பெறலாம்.