மத்திய அரசில் பல்வேறு பணி: எஸ்எஸ்சி அறிவிப்பு

மத்திய அரசின் கொல்கத்தா மண்டலத்தின் மத்திய அரசுத் துறைகளில் காலியாக உள்ள குரூப் பி' மற்றும் குரூப் 'சி' பணியிடங்களை நிரப்புவதற்கான அறிவிப்பை ஸ்டாப் செலக்ஷன் கமிஷன் வெளியிட்டுள்ளது.

பணி மற்றும் காலியிடங்கள் விவரம்:

பணி: பொது சுரங்க பாதுகாப்பு இயக்குனரகத்தில் டேட்டா புராசசிங் அசிஸ்டென்ட் - 01
வயது வரம்பு: 27.1.2015 தேதியின்படி 18 - 25க்குள் இருக்க வேண்டும்.
சம்பளம்: மாதம் ரூ.9,300 - 34,800 + தர ஊதியம் ரூ.4,200.
தகுதி: இயற்பியல், கணிதம், புள்ளியியல், ஆபரேஷனல் ரிசர்ச், கணினி அறிவியல் போன்ற ஏதாவதொரு துறையில் பட்டம் மற்றும் கம்ப்யூட்டர் அப்ளிகேசன் பாடத்தில் முதுகலை டிப்ளமோ அல்லது சான்றிதழ் படிப்பு அல்லது கம்ப்யூட்டர் அப்ளிகேசனில் 2 வருடம் முன் அனுபவம் பெற்றிருக்க வேண்டும்.

பணி: மத்திய நுகர்வோர் துறையின் கீழ் உள்ள தேசிய பரிசோதனை மையத்தில் சயின்டிபிக் அசிஸ்டென்ட்: (பிசிக்கல் - சிவில்) - 05
வயது வரம்பு: 27.1.2015 தேதியின்படி 18 - 30க்குள் இருக்க வேண்டும்.
சம்பளம்: மாதம் ரூ.9,300 - 34,800 + தர ஊதியம் ரூ.4,600.
தகுதி: பயன்பாட்டு இயற்பியல் அல்லது வேதியியல் ஆகிய பிரிவுகளில் முதுகலை பட்டம் அல்லது கெமிக்கல் டெக்னாலஜி, கெமிக்கல், சிவில் பி.இ., மற்றும் பரிசோதனை மையத்தில் சிவில் இன்ஜினியரிங் மெட்டீரியலை ஆய்வு செய்வதில் 2 வருடம் முன் அனுபவம் பெற்றிருக்க வேண்டும்.

பணி: தொற்றுநோய் தடுப்பு ஆய்வாளர் - 02
வயது வரம்பு: 27.1.2015 தேதியின்படி 18 - 30க்குள் இருக்க வேண்டும்.
சம்பளம்: மாதம் ரூ.9,300 - 34,800 + தர ஊதியம் ரூ.4,200.
தகுதி: விலங்கியல் அல்லது நுண்ணுயிரியல்துறைகளில் பி.எஸ்சி., மற்றும் சம்பந்தப்பட்ட துறையில் 2 வருடம் முன் அனுபவம்.

பணி: தேசிய வரைபடம் அமைப்பில் ஜூனியர் புவியியல் உதவியாளர் - 01
வயது வரம்பு: 27.1.2015 தேதியின்படி 18 - 25க்குள் இருக்க வேண்டும்.
சம்பளம்: மாதம் ரூ.5,200 - 20,200 + தர ஊதியம் ரூ.2,800.
தகுதி: புவியியல், புள்ளியியல், கணிதம் போன்ற துறைகளில் ஹானர்ஸ் பட்டம் பெற்றிருக்க வேண்டும்.

பணி: மத்திய மருந்து பரிசோதனை மையத்தில் சீனியர் சயின்டிபிக் அசிஸ்டென்ட் - 02
வயது வரம்பு:  27.1.2015 தேதியின்படி 18 - 30க்குள் இருக்க வேண்டும்.
சம்பளம்: மாதம் ரூ.9,300 - 34,800 + தர ஊதியம் ரூ.4,600.
தகுதி: பாக்டீரியாலஜி அல்லது நுண்ணுயிரியல் அல்லது உயிரி வேதியியல் அல்லது மருந்தியல் அல்லது உடல் இயக்கவியல் அல்லது வேதியியல் போன்ற துறைகளில் முதுகலை பட்டம் பெற்றிருக்க வேண்டும்.

தேர்வுக் கட்டணம்: ரூ.50. இதனை சென்ட்ரல் ஃபீ ரெக்ருட்மென்ட் ஸ்டாம்ப் மூலம் செலுத்தலாம். (எஸ்சி., எஸ்டி., மாற்றுத்திறனாளிகள், முன்னாள் ராணுவத்தினர், பெண்கள் ஆகியோருக்கு கட்டணம் செலுத்துவதிலிருந்து விலக்கு அளிக்கப்படுகின்றனர்.

தேர்வு செய்யப்படும் முறை: எழுத்துத் தேர்வு, நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள்.

பூர்த்தி செய்யப்பட்ட்ட விண்ணப்பங்கள் சென்று சேர கடைசி தேதி: 27.01.2015.

மேலும் விண்ணப்பிக்கும் முறை, வயதுவரம்பு சலுகை, தேர்வு திட்டங்கள் போன்ற முழுமையான விவரங்கள் அறிய www.sscer.org என்ற இணையதளத்தை பார்க்கவும்.