ஓ.என்.ஜி.சி., நிறுவனத்தில் பட்டதாரி பயிற்சியாளர்கள்

ஆயில் அண்டு நேச்சுரல் காஸ் கமிஷன் எனப்படும் ஓ.என்.ஜி.சி., நிறுவனம் இயற்கை எரிசக்தி தொடர்புடைய ஒரு பொதுத் துறை நிறுவனமாகும். இந்த நிறுவனம் இத்துறையில் மிகச் சிறந்த சாதனைகளைத் தொடர்ந்து சாதித்து வந்து உள்ளது. இந்த நிறுவனத்தில் கிராஜூவேட் டிரெய்னி பிரிவில் காலியாக உள்ள 745 இடங்களை நிரப்புவதற்கு விண்ணப்பங்கள் வரவேற்கப்படுகின்றன.
பிரிவுகள்: ஓ.என்.ஜி.சி., நிறுவனத்தின் கிராஜூவேட் டிரெய்னி பணியிடங்களில் அசிஸ்டெண்ட் எக்சிகியூடிவ் இன்ஜினியர் பிரிவில் சிமென்டிங், சிவில், டிரில்லிங், எலக்ட்ரிகல், எலக்ட்ரானிக்ஸ், இன்ஸ்ட்ரூமென்டேஷன், புரொடக்சன், ரிசர்வாயர் ஆகிய பிரிவுகளிலும், கெமிஸ்ட், ஜியாலஜிஸ்ட், ஜியோபிசிஸ்ட், மெட்டீரியல்ஸ் மேனேஜ்மென்ட் ஆபிசர், புரோகிராமிங் ஆபிசர்ஸ், டிரான்ஸ்போர்ட் ஆபிசர் ஆகிய பிரிவுகளிலும் காலியிடங்கள் உள்ளன.
வயது: 01.01.2015 அடிப்படையில் விண்ணப்ப தாரர்கள் 28 வயதுக்கு உட்பட்டவர்களாக இருக்க வேண்டும்.
கல்வித் தகுதி: இன்ஜினியரிங்கில் பட்டப் படிப்பை மெக்கானிகல், பெட்ரோலியம், சிவில், எலக்ட்ரிகல், எலக்ட்ரானிக்ஸ், டெலிகாம், இன்ஸ்ட்ரூமென்டேஷன், பெட்ரோலியம் டெக்னாலஜி, கெமிக்கல், ஜியாலஜிக்கல் டெக்னாலஜி, பெட்ரோலியம் ஜியாலஜி ஆகிய ஏதாவது ஒரு பிரிவிலும், இயற்பியல், வேதியியல், கம்ப்யூட்டர் சயின்ஸ், ஐ.டி., கணிதம், அப்ளைடு மேதமேடிக்ஸ் ஆகிய ஏதாவது ஒன்றில் பட்டப் படிப்பும், எலக்ட்ரானிக் மீடியாவில் டிப்ளமோ படிப்பு முடித்தவர்களும் பிரிவுக்கு ஏற்றபடி விண்ணப்பிக்க முடியும்.
தேர்ச்சி முறை: கேட் தேர்வு, நேர்காணல் என்ற அடிப்படையில் தேர்ச்சி இருக்கும்.
விண்ணப்பிக்கும் முறை: ஆன்-லைன் முறையில் விண்ணப்பிக்க வேண்டும்.
விண்ணப்பிக்க இறுதி நாள்: 10.04.2015
இணையதள முகவரி: http://103.241.147.158/ongc/College/Index_New.aspx.