அரியலூர் வட்டத்தில் காலியாக உள்ள கிராம உதவியாளர் பணியிடங்களுக்கு விண்ணப்பிக்க அழைப்பு

அரியலூர் வட்டத்தில் காலியாக உள்ள 6 கிராம உதவியாளர் பணியிடங்களுக்கு விண்ணப்பிக்க அழைப்பு விடுக்கப்பட்டுள்ளது.

இது குறித்து அரியலூர் வட்டாட்சியர் வைத்தியநாதன் வெளியிட்டுள்ள செய்திக்குறிப்பில், அரியலூர் வட்டத்தில் ஓட்டக்கோவில், இலுப்பையூரி, இடையத்தாங்குடி, கரையவெட்டி, திருமழபாடி, மற்றும் வெற்றியூர் ஆகிய 6 வருவாய் கிராமங்களில் காலியாக உள்ள கிராம உதவியாளர் பணியிடங்களை நிரப்புவதற்கு விண்ணப்பங்கள் வரவேற்கப்படுகின்றன

ஓட்டக்கோவில் கிராமத்துக்கு ஓட்டக்கோவில், இலுப்பையூர், கடுகூர், ராயம்புரம், கல்லங்குறிச்சி, கோவிந்தபுரம், ஆகிய கிராமங்களில் வசித்துவரும் முஸ்லீம்(பொது)வகுப்பினரும், பிற்பட்ட வகுப்பினர்களும், இலுப்பையூர் கிராமத்துக்கு இலுப்பையூர் கிராமத்துக்கு இலுப்பையூர், பொட்டவெளி, ராயம்புரம், ஓட்டக்கோவில், ஆகிய கிராமங்களில் வசித்து வரும் அட்டவணை வகுப்பினரும், இடையத்தாங்குடி கிராமத்துக்கு இடையத்தாங்குடி, கருப்பிலாக்கட்டளை, பெரியதிருக்கோணம், கருப்பூர்சேனாபதி, புதுப்பாளையம், சிறுவளூர் ஆகிய கிராமங்களில் வசித்து வரும் மிகவும் பிற்படுத்தப்பட்டோர்,சீர்மரபினர்(பெண்கள்) வகுப்பினரும்,

கரையவெட்டி கிராமத்துக்கு கரையவெட்டி, கீழக்காவட்டங்குறிச்சி, வெங்கனூர், கோவில்எசனை(கிழக்கு) அயன்சுத்தமல்லி, சன்னாவூர்(வடக்கு) இலந்தைக்கூடம், அன்னிமங்கலம் ஆகிய கிராமங்களில் வசித்து வரும் பிற்படுத்தப்பட்டோர் வகுப்பினரும், திருமழபாடி கிராமத்துக்கு கண்டிராதீர்த்தம், குலமாணிக்கம்(கிழக்கு), அன்னிமங்கலம், ஆகிய கிராமங்களில் வசித்து வரும் பொது(அனைத்து பிரிவினரும்) வகுப்பினர்களும்,

வெற்றியூர் கிராமத்துக்கு வெற்றியூர், சாத்தமங்கலம், கீழக்கொளத்தூர், கீழக்காவட்டங்குறிச்சி, அருங்கால், அயன்சுத்தமல்லி, மஞ்சமேடு, ஆகிய  கிராமங்களில் வசித்து வரும் அட்டவணை வகுப்பினர்(பெண்கள் மட்டும்) கிராம உதவியாளர் பணிக்கு விண்ணப்பிக்கலாம்.

இப்பணியிடத்துக்கு விண்ணப்பிக்க விரும்புபவர்கள் தங்களது கல்வித் தகுதி உள்ளிட்ட விபரங்களுடன் அரியலூர் வட்டாட்சியர் அலுவலகத்தில் ஏப்ரல் 30 ஆம் தேதிக்குள் விண்ணப்பிக்க வேண்டும் என்று அந்தச் செய்திக்குறிப்பில் தெரிவிக்கப்பட்டுள்ளது.