முதன்மை எழுத்துத் தேர்வு தேதி அறிவிப்பு: தேர்வுக்கான கட்டணம் ரூ.100

தமிழ்நாடு அரசுப் பணியாளர் தேர்வாணையத்தால் கடந்த 2013ஆம் ஆண்டு, டிசம்பர் 1ஆம் தேதி அன்று நடத்தப்பட்ட முதனிலைத் தேர்வில் தேர்ச்சி பெற்ற விண்ணப்பதாரர்களுக்கு முதன்மை எழுத்துத் தேர்வு வரும் 8ஆம் தேதி நடத்தப்படும் என்று அறிவிக்கப்பட்டுள்ளது.

தேர்வுக்கூட நுழைவுச்சீட்டை WWW.TNPSCEXAMS.NET, WWW. TNPSC.GOV.IN ஆகிய இணையதளங்களிலிருந்து விண்ணப்பதாரர்கள் பதிவிறக்கம் செய்து கொள்ளலாம் என்று தெரிவிக்கப்பட்டுள்ளது முதன்மைத் தேர்வு இரு பகுதிகளாக நடைபெறும் என்றும் கூறப்பட்டுள்ளது.

காலையில், பொது அறிவு தேர்வு கணினி வழித்தேர்வாக நடைபெறும் என்றும்மாலையில் விரிவான விடை எழுதும் தேர்வு நடைபெறும் என்றும் தெரிவிக்கப்பட்டுள்ளது முதன்மை எழுத்துத் தேர்வுக்கான கட்டணமாக 100 ரூபாய் செலுத்த வேண்டும் என்றும் இதுவரை கட்டணத்தைச் செலுத்தாத விண்ணப்பதாரர்கள் 100 ரூபாய்க்கான வரைவுக் காசோலையை நவம்பர் 8ஆம் தேதி தேர்வுக்கூடத்தில் அளிக்கலாம் என்றும் கேட்டுக்கொள்ளப்பட்டுள்ளது.